Qaraghandyda Ontýstik-Shyghys pen Kógildir toghandar yqshamaudandarynyng aralyghynda jana qalalyq audan qalyptasyp keledi. Múnda túrghyn ýilermen qatar әleumettik, sporttyq jәne kólik infraqúrylymy damyp, aumaghy shamamen 200 gektardy qúraytyn ekopark qúrylyp jatyr.

Qazirding ózinde jana audan aumaghynda 26 kópqabatty ýy boy kóterdi. Aldaghy uaqytta múnda 55-ke deyin túrghyn ýy keshenin salu josparlanghan. Jana nysandar 7 mynnan astam pәterdi paydalanugha beruge mýmkindik beredi.

Búdan bólek, bes mektep, jeti balabaqsha jәne auruhana keshenin salu kózdelgen.

Jobanyng manyzdy baghyttarynyng biri – sport infraqúrylymyn qalyptastyru. Sport klasterine 74 gektar aumaq bólingen. Múnda jalpy sany toghyz nysan ornalasady. Qazirding ózinde «Shahter» futbol akademiyasynyng qúrylysy bastaldy. Nysandy Freedom Holding Corp Qaraghandy oblysynyng әkimdigimen jasalghan memorandum ayasynda salyp jatyr.

Klaster aumaghynda UEFA-nyng tórtinshi sanat talaptaryna say keletin stadion da boy kóteredi.

Sonymen qatar sport klasterining qúramyna onnan astam olimpiadalyq sport týrine arnalghan әmbebap sport arenasy, jenil atletika maneji jәne úzyndyghy 400 metrlik jýgiru joly, eki hokkey korty men ýsh oiyn zaly bar múz arenasy kiredi.

Múnda sport mektebi, internat jәne kolledj de ornalasady. Klasterde bir mezgilde 500-den astam sportshy bilim alyp, jattyghyp, túra alady.

Jobanyng taghy bir auqymdy bóligi – jasyl aimaq.

Shamamen 200 gektar aumaqta ekopark jasaqtalyp jatyr.

Salystyru ýshin aitar bolsaq, Qaraghandynyng Ortalyq parkining aumaghy shamamen 50 gektar.

Býginde múnda 4 myngha juyq aghash otyrghyzyldy. Jas kóshetterdi suaru ýshin tamshylatyp suaru jýiesi ornatylghan. Kógaldandyru júmystary aldaghy uaqytta da jalghasady.

— Jana audan ýshin túrghyn ýy qúrylysynyng auqymdy jasyl aimaqpen ýilesim tabuynyng manyzy zor. Aldaghy ýsh-bes jylda búl aumaq tolyqqandy ekologiyalyq kenistikke ainalady, – dedi Qaraghandy qalasynyng әkimi Meyram Kojuhov.

Kólik infraqúrylymyn damytugha da basymdyq berilip otyr. Qazir Ontýstik-Shyghys pen Mayqúdyqty jalghaytyn, úzyndyghy shamamen 6 shaqyrym bolatyn jana tórt jolaqty magistraliding qúrylysy bastaldy. Jol boyyna jaryqtandyru jelisi tartylyp, trotuarlar, avtotúraqtar men velojoldar qarastyrylady.

Jana magistrali qalanyng eki iri túrghyn audany arasyndaghy kólik qatynasyn jaqsartyp, olardyng arasyndaghy baylanysty kýsheytedi. Mayqúdyqta shamamen 176 myng adam túrsa, Ontýstik-Shyghystaghy túrghyndar sany 120 myngha juyqtaydy.

— Jana magistrali eki audan arasyndaghy baylanysty nyghaytyp qana qoymay, oghan irgeles aumaqtardyng damuyna tyng serpin beredi, – dedi Meyram Kojuhov.

Qosymsha bilim beru infraqúrylymy da keneyip keledi. Mayqúdyqta eki korpustan túratyn Oqushylar sarayy salynyp jatyr. Onyng bir korpusynda robototehnikany qosa alghanda, tehnikalyq baghyttaghy ýiirmeler, ekinshisinde sport seksiyalary ornalasady.

Ontýstik-Shyghysta, Bayken Áshimov kóshesi audanynda taghy bir jana qoghamdyq kenistik ashyldy. Onyng aumaghy 50 myng sharshy metrden asady. Múnda jaryqtandyru jýiesi ornatylyp, janbyr suyn aghyzatyn jýie jasaldy jәne asfalit tóseldi.

Abai.kz