Qazaqstanda mektep oqushylaryn tegin tamaqpen qamtugha 210 mlrd tenge bólindi.

Qazaqstanda 1–4 synyptyng 1,4 mln oqushysy jәne әleumettik osal sanattaghy 5–11 synyptardyng 230 mynnan astam balasy mektepte tegin ystyq tamaqpen qamtyldy. Búl maqsatqa 2026 jyly 210 mlrd tenge qarastyrylghan. Búl turaly Ýkimette ótken keneste aityldy.

Balalargha arnalghan qoldanystaghy әleumettik kepildikter turaly Oqu-aghartu ministri Júldyz Sýleymenova bayandady. Bólingen qarjynyng ashyqtyghyn arttyru ýshin tamaqtanu esebi «Áleumettik әmiyan» jýiesimen biriktirilgen: avtomattandyrylghan búl jýie әr oqushynyng tamaqtanu faktisin, kýnin jәne dәl uaqytyn tirkep otyrady.

Búghan deyin Memleket basshysy oqushylardy tegin ystyq tamaqpen qamtamasyz etu turaly aita kele: «Gýldengen sosializm» túsynda da múnday qamqorlyq bolmaghan», — dep atap ótken edi.

Mektepterdegi ekologiyalyq bilim men aghartu»

Oqu-aghartu ministrligining mәlimetinshe, ekologiya taqyryby jaratylystanu, geografiya, biologiya, himiya, fizika jәne tehnologiya pәnderining baghdarlamalaryna biriktirilgen.

• «Jasyl klubtar»: Elimizding mektepterinde 4 mynnan astam «Jasyl klub» birlestigi júmys isteydi, olargha 125 mynnan astam bala qatysady.

• ProEko jobasy: «ProEko» respublikalyq ekologiyalyq jobalar konkursyna 38,7 myng oqushy qatysty.

• Birynghay standart: Osy jyldyng sonyna deyin bilim beru úiymdarynda ekologiyalyq aghartudyng birynghay standartyn qabyldau josparlanyp otyr.

Ekologiyalyq bilim berudi engizuding negizgi tetigi — «Jasyl mektep» últtyq modeli bolmaq. Qazirgi uaqytta búl modeli 85 mektepte pilottyq rejimde synaluda, al bolashaqta ony 1 myng mektepke deyin keneytu josparlanghan.

Premier-ministr oqu oryndarynda ekologiyalyq aghartu boyynsha jýieli sharalar jýrgizuding manyzdylyghyn atap ótti. Osyghan baylanysty Oqu-aghartu, Ghylym jәne joghary bilim ministrlikterine búl júmysty oqushylar men studentter arasynda odan әri kýsheytu tapsyryldy.

Abai.kz