Memleket basshysy Qasym-Jomart Toqaev Qazaqstan Halyq Kenesining birinshi sessiyasynda sóilegen sózinde memlekettik til – qazaq tili jayly aitty.

Qasym-Jomart Toqaev: «Osyghan deyin birneshe mәrte aitqanmyn: últty úiystyryp, memleketimizding irgesin bekemdeytin eng manyzdy faktor – memlekettik til. Búryn boljammen, dolbarmen ghana aitylatyn jaghday qazir shyndyqqa ainaldy.

Qazaq tili qanday da bir әkimshilik, tipti sayasy mәjbýrleusiz órisi keneyip, kópshilikting tiline ainaldy. Ásirese, jastarymyzdyng qazaq tilinde erkin, sauatty sóileytini quantady. Ana tilimiz memlekettik til retinde súranysqa iye, últtyq mәdeniyetimizdi, bolmysymyzdy shyrayly da shúrayly tughan tilimiz arqyly kórsetemiz. Qazaq tilinde bir auyz sóz aita almau bilimsizdikting belgisine ainaldy.

Múnyng bәri – toleranttyq pen senimge negizdelgen ortaq júmystyng nәtiyjesi. Alayda búl basqa tilderden bas tartu kerek degendi bildirmeydi, әri olardy shettetuge qúqyq bermeydi. Ózderinizge mәlim, Konstitusiyada tiline, tegine, últyna, diny kózqarasy men nanymyna nemese kez kelgen ózge de sebepterge baylanysty kemsituge tyiym salynghan.

Soghan qaramastan ara-túra keybir tisqaqqan arandatushylar әleumettik jelide últarazdyqty qozdyryp, әdeyi otqa may qúyady. Myna nәrseni týsingen jón. Olardyng kózdegeni bireu – qoghamdy әlsiretip, Qazaqstannyng Egemendigine núqsan keltiru, eldi birlikten aiyryp, beybit, alansyz ómirimizding astan-kestenin shygharu. Rasynda olar balalarymyz ben nemerelerimizding baqytty bolashaghynyng tamyryna balta shapqysy keledi. Sondyqtan qúqyq qorghau organdary men tútas qogham búghan tabandy týrde qarsy túruy kerek. Konstitusiyada bekitilgen «Zang men tәrtip» qaghidatyna say әreket etuimiz qajet», - dedi.

Memleket basshysy: «Til – Jaratqannyng adam balasyna bergen eng ýlken iygiligi, tendessiz syiy. Qanday da bir tilge qarsy kýres jýrgizu – Jaratqangha, onyng nyghmetine qarsy shyghu. Sirә, búdan asqan aqymaqtyq bolmas. Sondyqtan til (qanday til bolsa da) birlik pen órkeniyetting ólshemi bolugha tiyis. Býgingi tanda týrli últtyng jastary qazaq tili men mәdeniyetin keninen nasihattap jýr. Búghan qalay quanbaysyn? Olar, shyn mәninde, ruhany dýniyesi bay, boyynda talant túnghan jandar.

Dostyqqa dәneker bolghan osynday adamdar qashanda joghary qúrmet pen qoldaugha layyq. Memleket te olardy eleusiz qaldyrmaydy. Óitkeni qoghamdaghy túraqtylyqty saqtaugha, әlemdik ýderisterding órkeniyetti, tabysty qatysushysy retinde memleketimizding abyroy-bedelin asqaqtatugha osynday azamattardyng qosar ýlesi zor.

Birneshe jyl búryn mening tapsyrmammen arnayy «El birligi» ordeni taghayyndaldy. Búl – últ tútastyghyn nyghaytyp, qoghamdyq kelisimdi qamtamasyz etu jolynda jemisti enbek etken jandargha beriletin bәsi biyik, airyqsha marapat. Konstitusiyalyq mәrtebege ie jәne halyq atynan ókildik etetin úiym retinde osy joghary nagradagha layyqty ýmitkerlerdi Qazaqstan Halyq Kenesi úsynghany dúrys әri әdiletti dep esepteymin», - dedi.

Abai.kz