Aza tútu kýnine baylanysty beyәdep sózder aitqan Shymkent túrghyny әkimshilik qamaugha alyndy.

«Áleumettik jelilerge jýrgizilgen monitoring barysynda polisiya qyzmetkerleri TikTok jelisindegi tikeley efirdi anyqtady. Translyasiya kezinde Shymkent qalasynyng 21 jastaghy túrghyny Núrahmet Berdibay kórermenning aza tútu kýnine qatysty súraghyna jauap bere otyryp, qoghamdy aiqyn syilamaushylyqty bildiretin jәne qoghamdyq tәrtipti búzatyn sózder aitqan. Efirge sonday-aq 22 jastaghy Ábzal Mýsirmanqúl men Baqdәulet Mústafa da qatysqan. Sot sheshimimen Núrahmet Berdibay 10 tәulik merzimge әkimshilik qamaugha alyndy», – dep habarlaydy dýisenbi kýni Ishki ister ministrligining baspasóz qyzmeti.

Búghan qosa, polisiyanyng habarlauynsha, ýsheuine de qoghamgha qarsy minez-qúlyqqa jol bermeu turaly resmy eskertu jasalghan.

«Olar sonday-aq ishki ister organdaryna bir ay merzimge profilaktikalyq esepke qoyyldy», – delingen habarlamada.

Búghan deyin Shymkent túrghyny jalpyúlttyq aza tútu kýnindegi ózin-ózi ústauyna qatysty qoyylghan súraqtardyng birine: «Aza tútu kýni? Bayghústar biz ýshin ólip pe edi?», – dep jauap berip, sózining sonyn balaghat sózdermen ayaqtaghan bolatyn.

Abai.kz