Jetisu oblysy qúrylghannan beri bilim beru infraqúrylymyn damytugha erekshe kónil bólinip keledi. Osy uaqyt aralyghynda 26 jana bilim beru nysany salynyp, 33 nysangha kýrdeli jóndeu jýrgizildi, beyimdelgen mektepterding sany eki esege qysqardy. Sonymen qatar pedagogterdi jýieli qoldau jәne múghalim mamandyghynyng bedelin arttyru baghytyndaghy júmystar jalghasuda. Atap aitqanda, Múghalimder kýnine oray ónirding 350-den astam pedagogi marapattaldy, olardyng 9-y memlekettik nagradalargha ie boldy. Pedagogterdi kәsiby merekesimen oblys әkimi Beybit Isabaev Taldyqorghan qalasyndaghy Biyken Rimova atyndaghy akademiyalyq drama teatrynda ótken saltanatty sharada qúttyqtady.

Qúttyqtau sózinde Beybit Isabaev óskeleng úrpaqty tәrbiyeleu men qoghamdy damytuda pedagogterding airyqsha ról atqaratynyn atap ótti.

– Memleket basshysy Qasym-Jomart Toqaev tamyz kenesinde: «Adamdy, onyng dýniyetanymyn ózgertu tek naghyz tәlimgerding qolynan keledi», - dep atap ótti. Qoghamda zang men tәrtipke, tazalyq pen mәdeniyettilikke negizdelgen jana etikany qalyptastyru isi osy manyzdy missiyadan, yaghny mektep qabyrghasynan bastalady. Balalarymyzdyng bilim aluy ghana emes, tәrbiyesi, ómir qiyndyqtaryna dayyn boluy jәne adamgershilik qasiyeti da sizderding júmystarynyzgha tikeley baylanysty. Sondyqtan pedagogterdi qoldau men olardyng enbegine layyqty jaghday jasau – memleketting basym mindetterining biri, – degen oblys әkimi bilim beru infraqúrylymyn damytu jәne ónir pedagogterin qoldau sharalaryna keninen toqtaldy.

Ózin-ózi jetildirudegi jetistikterimen, shygharmashylyq izdenisterimen, oqytudyng jana tәsilderi men әdisterin tiyimdi qoldanuymen erekshelengen birqatar pedagogti atap ótken ónir basshysy múghalimderding kәsibiyligi men óz isine degen adaldyghy olardyng shәkirtterining jetistikteri men tabystarynan kórinetinin aitty. Búl rette auyl mektepteri oqushylarynyng arasynda ótetin «Myng bala» olimpiadasynda 33 bala jenimpaz atansa, 14 oqushy elimizding ýzdik liyseylerinde tegin bilim alugha joldama alghan. Sonymen qatar songhy 4 jylda ónir oqushylary halyqaralyq olimpiadalar men ziyatkerlik bayqaularda 73 jýldeli oryngha ie boldy, onyng 13-i altyn, 28-i kýmis jәne 32-si qola medali.

Pedagogterding biliktiligin arttyru júmystaryna da erekshe kónil bólinude. Atap aitqanda, oblys pedagogterining 85,5%-y oqu prosesinde jasandy intellektini qoldanu baghytyndaghy oqudan ótti. 12 mynnan astam múghalim biliktiligin arttyrsa, 14 mynnan astam pedagog sanatyna sәikes lauazymdyq jalaqysyna ay sayynghy ýstemeaqy alady. Sonday-aq jyl sayyn «Ýzdik pedagog» bayqauy úiymdastyrylyp, onyng qorytyndysy boyynsha jenimpazdargha memlekettik granttar tabystalady. Sonday-aq songhy 4 jylda 1400 jas mamangha «Diplommen - auylgha» baghdarlamasymen kóterme aqy, sonday-aq 554 mamangha túrghyn ýy satyp alugha jenildetilgen nesie berildi.

- Oblys qúrylghannan beri jan-jaqty qoldaudyng arqasynda ónirimizding 29 pedagogi joghary memlekettik nagradalargha ie boldy. Pedagog-sheberlerimiz de erekshe qúrmetke bólendi. Olardyng barlyghy Ybyray Altynsarin atyndaghy tósbelgimen marapattaldy, – dedi B. Isabaev marapattau rәsimine kóship.

Osy jiynda 8 pedagogke joghary memlekettik nagralar berilip, olargha «Qúrmet» ordeni, 2 «Eren enbegi ýshin» medali jәne 5 «Shapaghat» medali berildi. Taghy 5 pedagog «Ybyray Altynsariyn» medalimen marapattaldy. Eske salsaq, býgin Astanada Múghalimder kýnine oray Preziydentting qatysuymen ótken saltanatty jiynda Taldyqorghandaghy Múhtar Aryn atyndaghy № 24 mamandandyrylghan liyseyining múghalimi Ayman Jantileuova «Qazaqstannyng enbek sinirgen ústazy» qúrmetti ataghyna ie bolghan edi.

Sonday-aq ónir basshysy oblystyq bayqau nominasiyalarynyng jenimpazdaryn da marapattady. Atap aitqanda, «Ýzdik synyp jetekshisi» atalymynda Alakól audany A. Baytúrsynúly atyndaghy orta mektepting 8-synyp jetekshisi Móldir Týsipbekova jenimpaz atandy. «Ýzdik auyl mektebi» atalymynda Kerbúlaq audany Sh. Uәlihanov atyndaghy orta mektep ýzdik dep tanylsa, «Ýzdik balabaqsha» atalymynda Kóksu audanynyng «Alpamys» bóbekjay-baqshasy jenimpaz atandy. Sarqan audany Abay atyndaghy mektep-gimnaziyanyng qazaq tili men әdebiyeti pәnining múghalimi Aida Arghynbaeva «Jetisu ústazy» atalymynyng jenimpazy boldy. Jenimpazdargha aqshalay sertifikattar tabystaldy.

Saltanatty sharanyng resmy bólimi ónirdegi mektep oqushylary men kolledj studentterining qatysuymen dayyndalghan merekelik konsertke jalghasty.

- Býgin men ýshin óte quanyshty kýn. Ústazdar merekesinde memlekettik nagradagha ie bolyp otyrmyn. Búl jalghyz mening ghana enbegim emes, barsha ústazdardyng adal qyzmetining baghalanghany dep bilemin. Memleket basshysy bilim salasyn damytugha erekshe kónil bólip keledi. Sondyqtan elimizding erteni bolatyn jas úrpaqty bilimdi әri tәrbiyeli etip ósiruge bar kýsh-jigerimizdi júmsaymyz, - dedi «Qúrmet» ordanening iyesi, M. Aryn atyndaghy №24 mamandandyrylghan liyseyding diyrektory Gýljanar Espanova.

– Eng aldymen, ústaz enbegine erekshe kónil bólinip jatqany ýshin alghys aitqym keledi. Bilim salasynda jýrgenime 42 jyl boldy. Býgingi marapat – tek mening ghana enbegimning nәtiyjesi emes, búl – býkil pedagogikalyq újymymnyng enbegi, әriptesterimning qoldauy, ata-analardyng senimi jәne әriyne shәkirtterimning jetistikterining jemisi. Barsha ústazdardy býgingi merekemen qúttyqtaymyn, – dedi «Eren enbegi ýshin» medalimen marapattalghan Qaratal audany M. Gorikiy atyndaghy orta mektepting múghalimi Oktyabrina Kiym.

Onyng sózin taghy bir әriptesi jalghady:

– Mening júmysym jan-jaqty, bilimdi әri ozyq oily jas úrpaqty tәrbiyeleu ekenin maqtan tútamyn. Múghalim mamandyghynyng qyzyghy da osynda. Barlyq bastamalarymyzgha qoldau kórsetip kele jatqan memleketimizge alghys aitamyn. Týrli bayqaulargha qatysyp, ózimizdi әr qyrymyzdan kórsetuge mýmkindik kóp. Biz әrtýrlimiz, biraq barlyghymyz ortaq iske qyzmet etip kelemiz. Merekelerinizben, qúrmetti әriptester! – dedi Tekeli qalasyndaghy №4 orta mektepting «Sheber» sanatyndaghy múghalimi Nataliya Baneskaya.

Atap ótsek, qazirgi tanda Jetisu oblysynda 19 myng pedagog enbek etedi. Biylghy oqu jylynda Rudnichnyy jәne Súptay auyldarynda jana mektepter iske qosyldy. Al Respublika kýni qarsanynda Kóksay auylynda jana mektep pen Taldyqorghan qalasynda «Bilim-innovasiya» liyseyining jana ghimaraty esigin aiqara ashady. Sonymen qatar Qaratal audanynyng Ýshtóbe qalasynda, sonday-aq qaytarylghan aktivter esebinen Kóksu audanynyng Balpyq by auylynda әrqaysysy 600 oryngha arnalghan mektepter salynuda. Búdan bólek, jyl sonyna deyin ónir mektepteri fizika, himiya jәne biologiya pәnderine arnalghan 240 zamanauy kabiynetpen jabdyqtalady.

Abai.kz