Jetisu oblysynda medisinalyq infraqúrylymdy janartu júmystary jalghasuda.

Respublika kýni qarsanynda Taldyqorghanda bir auysymda 500 adamdy qabyldaytyn jana qalalyq emhana paydalanugha berilip, kýrdeli jóndeuden keyin Aqsu jәne Kerbúlaq ortalyq audandyq auruhanalary ashyldy. Auyl túrghyndaryna sapaly medisinalyq qyzmetting qoljetimdiligin arttyru maqsatynda Eskeldi audanynda jana dәrigerlik ambulatoriya ashyldy.

Eltay auylyndaghy jana dәrigerlik ambulatoriya bir auysymda 25 adamdy qabyldaugha arnalghan. Ghimaratta balalardy qabyldau, vaksinasiyalau, em-sharalar jýrgizu, skriningten ótkizu, stomatologiyalyq kómek kórsetu, kýndizgi stasionar jәne basqa da medisinalyq qyzmetterge arnalghan kabiynetter jabdyqtalghan. Osynyng arqasynda auyl túrghyndary qajetti medisinalyq kómekti ýiine jaqyn jerde, anaghúrlym qolayly jaghdayda ala alady.

Jana medisinalyq mekemening ashyluyn jergilikti túrghyndar kópten kýtkenin aitady. 90 jastaghy Áughaly Myrzahmetov búryn medisinalyq kómek 1959 jyly salynghan shaghyn ghimaratta kórsetilgenin jetkizdi.

– Men ómir boyy osy auylda túrdym, jaqsy medisinalyq mekemening jaqyn jerde bolghanynyng qanshalyqty manyzdy ekenin jaqsy bilemin. Jana ambulatoriyanyng ashylghanyna óte quanyshtymyz, óitkeni búl kýndi 20 jylday kýttik, býginge deyin osy mәseleni kóterip keldik. Búryn shaghyn eski ghimaratqa baryp, medisinalyq kómek alugha tura keletin. Endi auyl túrghyndary ýshin әldeqayda qolayly jaghday jasalyp otyr. Osynday ózgeristerding Respublika kýni qarsanynda bolyp jatqany erekshe quantady, – dedi ol.

Ambulatoriyanyng ashyluy jas otbasylar ýshin de erekshe manyzdy. Auyl túrghyny Janargýl Ermúrat endi bolashaq analar men balalargha medisinalyq qyzmet kórsetu qolayly bola týsetinin atap ótti.

– Men ýshin, bolashaq ana retinde, jana ambulatoriyanyng ashyluy – erekshe quanyshty jayt. Jaqynda otbasymyzda ýshinshi bala dýniyege keledi. Endi әr dәriger pasiyentterdi jeke kabiynette, qolayly jaghdayda qabylday alady. Búl bolashaq analargha da, balalargha da, auyldyng barlyq túrghyndaryna ynghayly. Osynday qajetti medisinalyq nysannyng ashylghanyna rizamyz, – dedi ol.

40 jyl ómirin medisina salasyna arnaghan Damira Lyatiyeva da auyl túrghyndarynyng quanyshyna ortaqtasty. Ol enbek jolynda medisinalyq kómekting qoljetimdiligi men mamandardyng júmys jaghdayynyng qanshalyqty manyzdy ekenin jaqsy týsinedi.

– Medisina mening býkil ómirim deuge bolady. Sondyqtan auylymyzda zamanauy ambulatoriyanyng ashylyp jatqanyna shyn jýrekten quanyshtymyn. Medisina qyzmetkerleri ýshin júmys isteuge jaqsy jaghday jasaluy kerek, óitkeni pasiyentterge kórsetiletin qyzmet sapasy kóp jaghdayda soghan baylanysty. Al túrghyndar ýshin eng bastysy – dәrigerge uaqytynda qaralyp, qajetti kómek aluy. Jana ambulatoriya halyqqa úzaq jyldar boyy qyzmet etip, jerlesterimizding densaulyghyn saqtaugha yqpal etedi dep oilaymyn, – dedi ol.

Songhy ýsh jylda Eskeldi audanda 25 әleumettik nysan salyndy. Onyng ishinde 18-i – densaulyq saqtau nysany.

Atap ótsek, osy kýni audannyng taghy bir eldi mekeni Jalghyzaghash auylynda «Auyl qútqarushylary» vedomstvolyq baghdarlamasy ayasynda órt sóndiru beketi ashyldy. Sonyng arqasynda 1230-dan astam adam túratyn Jalghyzaghash jәne Bighash auyldary órtten qorghau sharalarymen qamtamasyz etildi.

Abai.kz