Qaraghandylyq enbek ozattary memlekettik nagradalarmen marapattaldy.

Respublika kýnine arnalghan saltanatty jiyn S. Seyfullin atyndaghy Qaraghandy oblystyq akademiyalyq qazaq drama teatrynda ótti.

Oblys әkimi Ermaghanbet Bólekpaev ónir túrghyndaryn últtyq merekemen qúttyqtap, Qazaqstan Preziydentining atynan memlekettik nagradalardy tabys etti. Elding órkendeuine eleuli ýles qosqan enbek ardagerleri, kenshiler, kәsipkerler, auyl sharuashylyghy salasynyng qyzmetkerleri, ústazdar, dәrigerler, sportshylar jәne ózge de sala ókilderi marapatqa ie boldy.

Biylghy Respublika kýnining orny erekshe. Últtyq mereke el Tәuelsizdigining 35 jyldyghy atap ótiletin kezenmen túspa-tús kelip otyr. Búl aituly data Qazaqstannyng qalyptasu jolyn aishyqtap, el damuynyng jana belesine bastar manyzdy tarihy mejege ainaldy.

Qúttyqtau sózinde Ermaghanbet Bólekpaev ónirding әleumettik-ekonomikalyq damuyndaghy jetistikterge toqtalyp, atqarylyp jatqan júmystardyng basty maqsaty túrghyndardyng túrmys sapasyn arttyru ekenin atap ótti.

— Ónir damuynyng basty nәtiyjesi — adamdardyng layyqty tabys tauyp, sapaly bilim men medisinalyq kómekke qol jetkizui, bala tәrbiyelep, tughan jerinde bolashaghyna senimmen qarauy. Jyl basynan beri oblysta toghyz mynnan astam júmys orny ashyldy. 2030 jylgha deyin 17 myngha juyq júmys ornyn qúrugha mýmkindik beretin 100-den astam investisiyalyq jobany jýzege asyru josparlanyp otyr. Búl bastamalar sizderdi tughan jerde enbek etuge, óz isinizdi ashyp, bala ósiruge yntalandyrady dep senemin. Ónirimizding órkendeuine adal enbegimen ýles qosyp jýrgen barshanyzgha alghys aitamyn, - dedi Ermaghanbet Bólekpaev.

Qazaqstan Respublikasy Preziydentining Jarlyghymen elding әleumettik-ekonomikalyq jәne mәdeniy-ruhany damuyna qosqan eleuli ýlesi, halyqtar arasyndaghy dostyq pen yntymaqtastyqty nyghaytugha sinirgen enbegi jәne belsendi qoghamdyq qyzmeti ýshin oblystyng 40 túrghyny memlekettik nagradalarmen marapattaldy. Olargha «Parasat», «Qúrmet», III dәrejeli «Enbek Danqy» ordenderi, sonday-aq «Eren enbegi ýshin» jәne «Shapaghat» medalidary tabystaldy.

Qaraghandy oblysynyng eki túrghyny memlekettik nagradalaryn Aqordada Memleket basshysy Qasym-Jomart Toqaevtyng qolynan aldy.

«Baqyt» bóbekjay-baqshasynyng qazaq tili pәnining múghalimi Bayan Múqúsheva «Shapaghat» medalimen marapattalsa, №3 arnayy mektep-internatynyng defektology Nataliya Seyfulinagha «Qazaqstannyng enbek sinirgen ústazy» qúrmetti ataghy berildi.

Qaly Bayjanov atyndaghy Qaraghandy konserttik birlestigining «Arqa sazy» foliklorlyq ansamblining kórkemdik jetekshisi Bayqara Sәduaqasov «Parasat» ordenimen marapattaldy.

— Qúrmanghazy atyndaghy Almaty memlekettik konservatoriyasyn tәmamdaghan kezden beri mәdeniyet salasynda enbek etip kele jatqanyma 40 jyl boldy. Sodan beri bar ghúmyrymdy ónerge arnap, últtyq muzykamyzdy saqtau men ony keninen nasihattaudy ómirlik múratym dep bildim. Qazaqtyng bay muzykalyq múrasyn tyndarmangha tanytyp, dәstýr sabaqtastyghyn keyingi úrpaqqa jetkizip jýrgen «Arqa sazy» újymynyng qúramynda enbek etu men ýshin zor mәrtebe. Búl marapat — mening enbegime ghana berilgen bagha emes, óner jolyn ómirine ózek etken barsha jannyng qajyrly enbegine kórsetilgen qúrmet. Enbegimizdi joghary baghalaghany ýshin shynayy alghysymdy bildiremin, - dedi Bayqara Sәduaqasov.

«Qúrmet» ordenine «Shahtinskteploenergo» JShS diyrektory Altay Eljasov, Núra audanynyng kitaphana salasynyng ardageri Sýleymen Júmabekov, S. Seyfullin atyndaghy oblystyq akademiyalyq qazaq drama teatrynyng әrtisi Shayza Nýkina, Kýzembaev atyndaghy shahtanyng diyrektory Sergey Potemkin jәne Á. Saghynov atyndaghy Qaraghandy tehnikalyq uniyversiytetining professory Savet Saghyntaev ie boldy.

II dәrejeli «Enbek Danqy» ordenimen Núra audanyndaghy sharua qojalyghynyng diyrektory Tәubajan Aytileuov pen «Aqnar PF» qús fabrikasynyng tehnology Igori Kivrin marapattaldy.

— Qús fabrikasynda enbek etip kele jatqanyma 30 jylgha juyqtady. Qazir tehnolog retinde broyler balapandaryn ósiruding barlyq kezenin baqylap, tútynushylargha tek sapaly ónimning jetkiziluin qadaghalaymyn. Újymymyz úiymshyl әri enbekqor. Barshanyzgha amandyq, beybitshilik pen jaqsylyq tileymin, - dedi Igori Kivriyn.

«Eren enbegi ýshin» medaline ie bolghandardyng qatarynda «Botaqara su qojalyghy» KMK uchaskesining sheberi Qanat Aymaqov, «Tas Komir Trade» JShS bas injeneri Nadejda Vinnikova, Qarqaraly audandyq auruhanasynyng dәrigeri Bayan Júmageldinova, «Vostochnaya» ortalyq bayytu fabrikasynyng apparatshysy Tatiyana Kraminskaya, Shet audanyndaghy «Nova Sink» kәsipornynyng elektr slesari Bolatbek Qosanov, enbek ardagerleri Yuriy Pinyaev pen Nadejda Plotnikova jәne basqa da azamattar bar.

Al Qaraghandy qalasyndaghy №3 kópbeyindi auruhananyng bólim mengerushisi Erghaly Shauenov «Shapaghat» medalimen marapattaldy.

Onyng aituynsha, búl medisina salasyndaghy 30 jylghy júmysyndaghy alghashqy joghary marapaty. Sonday-aq múny jalpy onkohirurgter újymy enbegining elenui jәne joghary baghalanuy dep biletinin jetkizdi.

Búdan bólek, ýsh memlekettik qyzmetshige Memlekettik qyzmet isteri agenttigining «Memlekettik qyzmet ardageri» vedomstvolyq tósbelgisi tabystaldy.

Saltanatty jiyn oblystyng ónerpazdary men shygharmashylyq újymdary qatysqan merekelik konsertpen týiindeldi.

Abai.kz