Qazaqstannyng Beligiya men Luksemburgtegi Elshisi, Qazaqstan Respublikasynyng Europalyq Odaq janyndaghy Ókildigining basshysy Roman Vasiylenko Press Club Brussels Europe baspasóz klubynda Beligiya Koroli Filipp pen Koroleva Matilidanyng Qazaqstangha memlekettik saparynyng qorytyndylaryna, sonday-aq Qazaqstan–Beligiya jәne Qazaqstan–Europa yntymaqtastyghynyng perspektivalaryna arnalghan brifingte sóz sóiledi.

Talqylaugha Beligiya Syrtqy ister ministrligining Ortalyq Aziya jәne Kavkaz departamenti diyrektorynyng orynbasary G. Dubua, Europalyq kenes Preziydentining syrtqy sayasat jónindegi kenesshisi Merilin Djozefson, diplomatiyalyq korpus, búqaralyq aqparat qúraldary men sarapshylyq qoghamdastyq ókilderi qatysty.

Óz sózinde R. Vasiylenko 12–14 qazanda ótken Beligiya monarhynyng Qazaqstangha alghashqy memlekettik saparynyng tarihy manyzyn atap ótip, onyng eki el arasyndaghy sayasy dialogty nyghaytudaghy jәne sauda-ekonomikalyq baylanystardy keneytudegi manyzdy róline toqtaldy.

Elshi sapardyng naqty nәtiyjelerine jan-jaqty toqtaldy. Atap aitqanda, sapar barysynda memleket basshylary Birlesken mәlimdeme qabyldap, al eki elding syrtqy ister ministrlikteri 2027–2029 jyldargha arnalghan yntymaqtastyqtyng Jol kartasyna qol qoydy. Sapar ayasynda 16 kommersiyalyq kelisim men uniyversiytetter jәne ghylymy mekemeler arasyndaghy 22 kelisimdi qosa alghanda, jalpy 40 qújat turaly jariyalandy.

Kólik jәne logistika, asa manyzdy miyneraldar, auyl sharuashylyghy, densaulyq saqtau, bilim beru jәne joghary tehnologiyalar salalarynda qol jetkizilgen uaghdalastyqtardy iske asyrugha erekshe nazar audaryldy. Atap aitqanda, Antverpen-Brugge porty men Qazaqstannyng Aqtau jәne Qúryq porttary arasyndaghy yntymaqtastyqty damytu, sonday-aq asa manyzdy shiykizatty óndeu, ghylymy zertteuler jәne jasandy intellekt salalaryndaghy birlesken jobalardy jýzege asyru perspektivalary atap ótildi.

R. Vasiylenko songhy onjyldyqta ekijaqty tauar ainalymy ýsh eseden astam ósip, 2025 jyly shamamen 765 mln eurogha jetkenin habarlady. Qazirgi uaqytta Qazaqstanda 100-den astam beligiyalyq kompaniya qyzmet atqaruda.

Europalyq Odaqpen yntymaqtastyq túrghysynda Elshi Qazaqstannyng Ortalyq Aziyadaghy EO-nyng negizgi sauda-ekonomikalyq әriptesi retindegi manyzyn atap ótti. 2025 jyly Qazaqstan men Europalyq Odaq arasyndaghy tauar ainalymy 45 mlrd AQSh dollarynan asty. Odan әri ózara is-qimyldyng basym baghyttary retinde Transkaspiy halyqaralyq kólik baghdaryn damytu, energetikalyq qauipsizdik, asa manyzdy shiykizat jәne sifrlyq tehnologiyalar aiqyndaldy.

Osy orayda diplomat Qazaqstan Preziydenti Qasym-Jomart Toqaevtyng biylghy mausym aiynda Brusselige jasaghan saparynyng jәne 2025 jylghy sәuirde Samarqandta ótken «Ortalyq Aziya – EO» alghashqy sammiytining manyzyn da atap ótti.

Respublika kýni men Qazaqstan Tәuelsizdigining 35 jyldyghy qarsanynda R. Vasiylenko elimizding әleumettik-ekonomikalyq damu nәtiyjelerine, jýrgizilip jatqan sayasy reformalargha jәne sifrlyq transformasiyanyng basym baghyttaryna arnayy toqtaldy.

Óz kezeginde Beligiya SIM ókili G. Dubua memlekettik sapardyng nәtiyjelerine joghary bagha berip, onyng sayasi, ekonomikalyq jәne akademiyalyq baghdarlamasynyng mazmúndy әri auqymdy bolghanyn atap ótti. Onyng aituynsha, qúramynda 115 adam bolghan beligiyalyq delegasiyanyng qatysuy, sonday-aq Astana men Almatyda ótkizilgen is-sharalar eki elding iskerlik jәne ghylymy toptary arasynda tikeley baylanystar ornatugha mýmkindik berdi.

Beligiyalyq diplomat sonday-aq biylghy 1 qarashadan bastap Beniluks memleketteri men Qazaqstan arasyndaghy qyzmettik pasport iyelerine arnalghan vizasyz rejim turaly kelisimning kýshine enetinine nazar audardy. Búl resmy baylanystardyn, sonyng ishinde Europalyq Odaq instituttarymen ózara is-qimyldyng jandanuyna yqpal etpek.

Europalyq kenes Preziydentining syrtqy sayasat jónindegi kenesshisi Merilin Djozefson óz sózinde EO men Qazaqstan arasyndaghy әriptestikti odan әri damytudyng negizgi baghyttary ekonomikalyq baylanystardy әrtaraptandyru jәne ózara baylanystylyqty nyghaytu ekenin atap ótti. Ol sifrlyq infraqúrylym, jasandy intellekt, energetikalyq qauipsizdik, janartylatyn energiya kózderi, jasyl sutegi jәne asa manyzdy shiykizat salalaryndaghy yntymaqtastyqtyng perspektivalaryn erekshe atap kórsetti.

EO ókili Europalyq Global Gateway bastamasynyng flagmandyq jobasy mәrtebesine ie bolghan Transkaspiy kólik dәlizine erekshe nazar audardy. Onyng aituynsha, búl baghyttyng әleuetin tolyq iske asyru ýshin temirjol jәne port infraqúrylymyna, logistikalyq ortalyqtargha investisiya tartu, sonday-aq shekaralyq jәne sauda rәsimderin jenildetu qajet. M. Djozefson 2025–2026 jyldary joghary dengeydegi sayasy dialogtyng jandanuynan keyin sauda men investisiya kólemin úlghaytu, ghylymiy-bilim beru jәne iskerlik baylanystardy keneytu týrindegi naqty nәtiyjelerge qol jetkizu basymdyqqa ainalugha tiyis ekenin atap ótti.

Talqylau barysynda qatysushylar qol jetkizilgen uaghdalastyqtardy iske asyrudyng aldaghy qadamdary, investisiyalar tartu, kólik baylanystylyghyn damytu, sonday-aq Qazaqstan men Beligiyanyng kәsiporyndary, uniyversiytetteri jәne ghylymiy-zertteu ortalyqtary arasyndaghy yntymaqtastyqty keneytu mәseleleri boyynsha pikir almasty.

Abai.kz