Aqtóbe oblysynda ornalasqan Dóng tau-ken bayytu kombinatyna qarasty Qazaqstan tәuelsizdigining 10 jyldyghy atyndaghy shahtada kezekti qayghyly oqigha oryn aldy.

29 qazanda shahtada júmys istep jatqan kenshi alghan auyr jaraqattarynan kóz júmdy. Búl — atalghan óndiris ornynda songhy toghyz kýn ishinde tirkelgen ekinshi adam ólimi.

Adam ólimine alyp kelgen jazatayym oqigha turaly kombinatqa iyelik etetin, ERG qúramyna kiretin «Qazhrom» transúlttyq kompaniyasy habarlady. Resmy mәlimetterge sәikes, ken júmysshysy vagondardy tirkeu prosesi barysynda auyr jaraqat alghan. Ol jedel týrde Hromtau audandyq auruhanasyna jetkizilgenimen, dәrigerlerding kýsh saluyna qaramastan, onyng ómirin arashalap qalu mýmkin bolmady.

«Qazhrom» kompaniyasynyng ókilderi qaza tapqan kenshining otbasyna qajetti kómek kórsetiletinin mәlimdedi. Al qayghyly oqighanyng naqty sebepteri men mәn-jayyn anyqtau maqsatynda Aqtóbe oblystyq Enbek inspeksiyasy departamenti ókilderining qatysuymen arnayy komissiya qúryldy.

Ayta keterligi, osydan toghyz kýn búryn, yaghny 20 qazanda atalghan kombinatta dәl osynday oqigha oryn alghan edi. Ol kezde tau jynystarynyng opyryluynan qorghaytyn saqtandyrghysh bekitpelerdi ornatu kezinde tas ýstine qúlap, taghy bir kenshi qaza tapqan bolatyn. Ol uaqytta da kәsiporyn basshylyghy tekseru júmystaryn jýrgizuge jәne marqúmnyng jaqyndaryna qoldau bildiruge uәde bergen.

Dóng tau-ken bayytu kombinaty — Luksemburgte tirkelgen, Qazaqstandaghy eng iri tau-ken korporasiyalarynyng biri bolyp tabylatyn Eurasian Resources Group (ERG) qúramyndaghy «Qazhrom» kompaniyasynyng negizgi aktivterining biri.

ERG korporasiyasynyng negizin kezinde Aleksandr Mashkevich, Patoh Shodiyev jәne Álidjan Ibragimov qalaghan bolatyn. Mashkevich qaytys bolghannan keyin kompaniyanyng ortaq iyeleri arasynda biznesti basqaru qúqyghy ýshin úzaqqa sozylghan sot prosesteri ótti. Nәtiyjesinde sot dauy Ibragimovter otbasynyng paydasyna sheshilip, korporasiyany basqaru tizgini 39 jastaghy Shuhrat Ibragimovke ótti.

Degenmen, 2026 jyldyng mamyr aiynda korporasiyanyng aksionerlik qúramynda eleuli ózgerister oryn aldy. Kәsipker Shahmúrat Mýtәlipke tiyesili Nature Energy Solutions Ltd. kompaniyasy Shodiyev pen Mashkevichting múragerlerine tiyesili ERG aksiyalarynyng 39,3 payyzdyq ýlesin satyp aldy.

Otandyq biznes ortada tanymal Shahmúrat Mýtәlip Integra Construction KZ qúrylys tobyna iyelik etedi. Sonymen qatar ol Qazaqstan boks federasiyasynyng preziydenti jәne «Atameken» Últtyq kәsipkerler palatasynyng Qúrylys komiytetin basqarady. Qazirgi uaqytta kәsipker óz aktivterin keneytu maqsatynda shveysariyalyq Glencore kompaniyasynan «Qazmyrysh» óndiristik keshenining 70 payyz ýlesin satyp alu boyynsha kelissózder jýrgizip jatyr.

Abai.kz