Quanysh Edilhantegi, Tәnirlik senim qazaqtyng salt-dәstýrimen tamyrlasa baylanysqan sebepti eshqashan úmytylmaq emes.

Búrynghy qazaq islamy salt-dәstýrge tiyisken joq — «Alla ol — Tәnir» deumen qúlaqqa sinirip kele jatty. Júrt ol ýshin elendey qoyghan emes...

Endigi islam qazaqtyng bar salt-dәstýrin Arabiyadan kelgen, islamnan payda bolghan dep, bizding halyqtyng kóneden kele jatqan Tәnirlik senimining tól maghynasyna qarsy shygha bastap edi — sol zamatta-aq qazaq sanasy «óz Tәniri baryn» eske týsire qoydy, ony ashyq aita bastady.

Yaghni, osydan «Qazaqtyng Tәnirlik týsinigi — Qazaq degen halyqtyng ózining týp tarihyn, saltyn, mәdeniyetin, dýniyetanymyn qorghau immuniyteti» degen qorytyndy jasaugha bolady. Búl osylay ekeni qazir anyq kórindi.

Búl últtyq sanany kýsheytip, últtyghymyzdy úlyqtaugha qatty qyzmet etedi.

Al qazirgi memlekettigimiz últtyghymyzben baylanysty bolghandyqtan, biz Tәnirlik senimning «Tәuelsizdikti qorghaytyn nanym-senim, dýniyetanym, mәdeny әri iydeologiyalyq prinsip (ústanym)» ekenin moyyndauymyz kerek.

Qoghamnyng damu zandaryna sәikes, memleketimiz órkeniyettik baghytta kýsheygen sayyn, dinning róli әlsirey beredi.

Al «Sheksiz әlem qalybyndaghy Tәnirlik senim» salt-dәstýrmen birge organikalyq baylanysta bola otyryp, kýsheye týsedi.

Óitkeni әlem qalay sheksiz bolsa, onyng qúpiyasyn biluge degen úmtylys ta — ShEKSIZ!

Búl — tabighatpen etene ómir sýrgen, kóship-qonghan qazaq halqynyng AShYQ SANASYNYN formasy.

Al dýniyedegi bar nәrseni, sonyng ishinde adamnyng oilau qalybyn da, minezin de, әreketin de aldyn ala rettep, «kitap, hadiys» dep reglamenttep qoyghan islam — JABYQ SANA formasy.

Al qazaq jany qapasty qalamaydy — ERKINDIK — onyng bolmysy!

Mine, mәsele týiini osynda!

Qúrmetpen,

Ábdirashit Bәkirúly, filosof

Abai.kz