Jetisu oblysynda tórtem dýniyege kelgen otbasygha ýsh bólmeli pәter syigha tartyldy.

Sәbiylerin Almaty qalasyndaghy Últtyq akusherlik, giynekologiya jәne perinatologiya ghylymy ortalyghynda ómirge әkelip, tughan ýiine oralghan jas anany býgin jerlesteri saltanatpen qarsy alyp, jana pәterding kiltin tapsyrdy.

Ónir basshysynyng atynan ata-anasy men sәbiylerdi oblys әkimining orynbasary Marlen Kólbaev qúttyqtady.

– Saryózek auylynda otbasyna jana kópqabatty túrghyn ýiding ekinshi qabatynan ýsh bólmeli pәter berip otyrmyz. Pәterde jayly túrmysqa qajetti barlyq jaghday jasalghan. Alimira Almaty qalasynda bolghan kezde oblys әkimi kýn sayyn balalardyng jaghdayyn súrap-bilip otyrdy. Biz Últtyq akusherlik, giynekologiya jәne perinatologiya ghylymy ortalyghynyng mamandarymen túraqty baylanysta bolyp, ana men balalardyng jaghdayyn birge baqyladyq. Tórt sәbiydi birdey kýtip-baghu onay emes. Sondyqtan Alimiragha balalardyng kýtimine kómektesetin arnayy kómekshi beriledi. Jalpy, býldirshinderding deni sau bolyp ósip, aman-esen jetilui ýshin óz tarapymyzdan barlyq qajetti kómekti kórsetemiz, – dedi M. Kólbaev otbasygha jana pәterding kiltin tabystau kezinde.

Kerbúlaq audanynyng Taldybúlaq auylynda túratyn otbasynda tórtemnen bólek ýsh balasy bar. Endi tórt úldyng dýniyege kelgen otbasy birden kóp balaly atandy.

Tórtemning anasy Alimira Bekeeva 31 jasta. Ol Y. Altynsarin atyndaghy orta mektepte pedagog bolyp júmys isteydi. Al júbayy Oljas Bekeev - jýk kóligining jýrgizushisi. Ásirese, otbasyna birden tórt úldyng qosylghanyna әkesi erekshe quanyshty.

Jas ananyng qúrsaghynda birden tórt sәbiyding bitkenin anyqtalghan boyda pasiyent Almatydaghy Últtyq akusherlik, giynekologiya jәne perinatologiya ghylymy ortalyghynda mamandardyng baqylauyna alyndy. 24 qyrkýiekte dәrigerler operasiyalyq jolmen bosandyryp, Arlan, Arsylan, Álihan, Ámirhan esimdi tórt úl dýnie esigin ashty.

– Eng alghash qúrsaghymda tórtem bar ekenin UZIY-den bilgende, qatty quandyq. Áriyne, olardy kóterip jýru onay bolghan joq. Balalar ýshin ishtey qorqynysh ta, uayym da boldy. Kesari tiligi arqyly otyz apta alty kýn degende úldarymyz dýniyege keldi. Otany ghylymy ortalyqtyng diyrektory jasady. Balalar shala tughandyqtan, alghashqy sәtten bastap dәrigerlerding qarauynda boldy. Qazir jaqsy salmaq jinap, barlyq qiyndyqtardy artqa tastap, ýige oraldyq, – deydi jas ana.

Tórtemning atasy da quanyshyn jasyrghan joq:

- Búl – bizge qúdaydyng bergen ýlken syiy. Tórtemning ómirge kelgenine bizding otbasymyz ghana emes, býkil Jetisu quanyp jatyr. Ózim atasy retinde keremet sezimde túrmyn. Almatydan kelinim men nemerelerimdi qúrmetpen shygharyp salyp, auylymyz da saltanatpen qarsy alyp jatyr. Bizben birge quanghan barsha júrtshylyqqa rahmet aitamyn, - dedi Qayrat Bekeev.

Abai.kz