Dýisenbi, 16 Qarasha 2026
Ádebiyet 148 0 pikir 16 Qarasha, 2026 saghat 14:22

Kebis

Suret: tilalemi.kz saytynan alyndy.

Keyde adam ózi qatysyp otyrghan oqighany qiyalynda basqasha etip qúryp otyrady. Yaghni, ol oqighany mýlde basqa qyrynan elestetip kóredi.

Búl ózindi әldebir artyqshylyqta elestetip qanaghattanu sezimine mýlde qaramaqayshy. Búl dәl balanyng «ne bar eken» әlde «ne bolar eken» dep sau túrghan nәrseni býldiretini siyaqty. Búnda da qalypty ótip jatqan oqigha qarap otyrasyng da oisha eshkim kýtpegen, tipti aqylgha syimaytyn óte tosyn bir әreketti júrttyng kózinshe jasaysyn, sosyn onyng әseri men saldaryn oisha kóz aldyna әkelesin. Búl ózi әri qorqynyshty әri qyzyqty oiyn. Mýmkin, qorqynysh terepiyasy da shyghar.

Marapattau jinalysyndamyz. Ministr sóilep túr. Júrtpen birge men de ol kisige qarap otyrmyn. Biraq, әdettegidey, óz qiyalymnan tughan essiz әreketimnen keyingi zaldaghy adamdardyng reaksiyalalaryn kóz aldyma әkelem. Býkil zal dýr ete qaldy. Áyel adamdaryng oqys shynghyrghan dauystary estildi. Jana ghana men ayaq kiyimimdi sheship alyp ministrge laqtyryp qaldym. Mening oiymda ol kisi jalt berip darytpay ketedi, ne meniki onsyz da basynan joghary asyp laghyp ketedi. Bushqa ayaq kiyim laqtyrylghan kezdegi onyng beynesi esinizde bolar?! Osy әlginde ghana býgingi eng joghary marapatty alyp mening janymdaghy ornyna kep jayghasqan aghamyz selk ete týsti. Alasapyranda men onyng kózine qarap ýlgerdim. Jinalys aldynda menimen amandasyp, ózin tanystyrghanyna qatty ókingeni bayqalady. Men ornyma otyrmaghan kýii: «keshiriniz, bayqamay qaldym», ne «әzilim edi, qúday aqy» deymin. Áriyne, eshkim senbeydi. Oqqagharlar bolmasa da, osynda otyrghan ministrlik qyzmetkerleri sózimdi ayaqtap bitpey meni tarpa bas salady. Syrttan kýzet te shaqyryp ýlgerer. Bastysy búdan arghy jaghdayym ne bolady? Meni marapatqa úsynghan bólim bastyghynyng kónili qatty qalary dausyz. Ghimarat toly qyzmetkeler men әriptesterim aldynda masqaram shyghady. Mening qolymdy qayyryp óte ynghaysyz jaghdayda zaldan әketuge ainalghan. Artyma qarap em, men jaqqa qarap túrghan tórayymdy kórdim. Onyng jýzindegi ayaqastynan bolghan oqighadan keyingi tanghalystyng ornyn endi renish pen jiyirkenu sezimi basqan. Men úyattan qyp-qyzyl bop baram. Nege múnday aqymaqtyqqa bardym, nege? Jýrgizushi jigit mening atymdy atady. Soghylghan qoldardyng bikelki dauysy qúlaghyma keldi. Ornymnan túrdym. Sahnanyng bir búryshynan manadan beri marapattalushylardyng syilyghyn ministrge jetkizip túrghan qyz mening atyma jazylghan marappaty ministrge qaray jetkizdi. Sahanagha bettedim. Aldymdaghy sypayy jymighan jýzge tezdete basyp kelem. Sosyn, taghy da oiladym... Joooq, kerek emes!

Ámir Qabshyqbay

Abai.kz

0 pikir