Düysenbi, 14 Qazan 2019
Bilik 3165 0 pikir 1 Säuir, 2014 sağat 17:14

ELİMİZDE ZEYNETAQI MEN ÄLEUMETTİK TÖLEMDER ÖSTİ

Bügin, 1 säuir küni elimizde zeynetaqı men äleumettik tölemder mölşeri östi.

Atalğan jağımdı jañalıq, Memleket basşısı Nwrswltan Nazarbaev qol qoyğan tiisti zañnamalıq tüzetuler ayasında jüzege asıp otır. Atap aytsaq, zeynetaqı mölşeri ösuiniñ jalpı kölemi 2014 jılı 14 payızdı qwraydı. Bazalıq zeynetaqı 12 payızğa ösip, 10 mıñ 450 teñgege jetedi. Onı 1,9 mln. zeynetker aladı. Eñbek zeynetaqısınıñ ortaşa mölşeri 14 payızğa, yağni 46 mıñ 661 teñgege deyin ösedi. Asırauşısınan ayırıluına baylanıstı jäne jasına qaray arnayı memlekettik järdemder jäne bala tuu, bala kütimi boyınşa järdemaqılar jıl basında köterilgen 7 payız eskerile otırıp, 12 payızğa deyin ösiriledi.

Mügedektigi boyınşa äleumettik tölemder mölşeri ortaşa eseppen 21 mıñ 323 teñgeni, asırauşısınan ayırıluına baylanıstı tölemder 19 mıñ 804 teñgeni, jasına baylanıstı tölemder 10 mıñ  450 teñgeni qwraydı. Al asa ziyandı jäne asa auır jwmısta bolğandarğa memlekettik järdemder mölşeri tiisinşe 15 mıñ 512 teñge men 17 mıñ 451 teñgeni qwraydı. Sonımen qatar azamattıq qızmetkerlerdiñ eñbekaqısı 10 payızğa artadı. Ükimettiñ mälimetteri boyınşa mwnı 1,5 mln.-ğa juıq adam aladı.

«Egemen Qazaqstan» gazeti

0 pikir