Qazaqstan Respublikasynyng Preziydenti N.Á.NAZARBAEV myrzanyng nazaryna! 

(KÓShIRMESI: Batys Qazaqstan oblysynyng әkimi N.A.Noghaevqa)

Qúrmetti, NúrsúltanÁBIShÚLY!

Qadirli, Elbasy!

Elimiz tәuelsizdigin jariyalap, Óziniz el tizginin qolgha alghan sonau asa auyr toqsanynshy jyldary atalarymyzdyng qos ghasyrdan asa uaqyt qanyn tógip, ansap-armandaghan qazaqtyng әupirimdep jetken erkindigine Oral boyy kazaktarynyng dýrkin-dýrkin qauip tóndirgenin bilesiz. Qiyn kezende jaghdaydyng qanshalyqty ushyghyp, qantógiske jarty qadam qalghanynan sol kezdegi aimaq basshysy, qazirgi qazaq parlamenti Mәjilisining tóraghasy Q.Jaqypov myrza da jaqsy habardar. Qúday saqtap, Óziniz ózegin týzgen temirdey tózimdilik pen saliqaly sabyrlylyqtyng arqasynda Jayyqtyng jaghasyndaghy jaghymsyzdyqqa jol berilmedi...

Mineki, arada 20 jyldan astam uaqyt ótti. Qazaq tili – memlekettik mәrtebe aldy. Áytse de, Oraldaghy qazaq tiline «shynayy» kózqarastyng býgingi tandaghy sipaty mynaday derekterden aiqyn kórinedi:

1. Qazir Oral qalasynan orys tilinde: «Nadejda», «Talap», «Dosug», «Diapazon-Uralisk», «Informbirja», «Nedeliya», «Politra», «Uraliskaya nedeliya», «Priuraliya», «Gazeta dlya vseh», «Pulis goroda», «Ogny priuraliya» t.b. kóptegen basylymdar shyghady.

2. Qazaq tilinde oblystyq әkimshilikting resmy basylymynan basqa, jalghyz ghana «Qazaq Eli» («Júmadaghy jýzdesu») gazeti ghana bar.

Memlekettik budjetten kók tiyn almay, 15 jylgha jaqyn uaqyt qalt-qúlt etip shyghyp kele jatqan búl jalghyz qazaq gazetining qazir on myndaghan túraqty oqyrmany bar. Biz eldegi kemshin-kemshilikti meylinshe ashyq aityp, jemqorlyq pen paraqorlyqqa, әdiletsizdik pen әlimjettilikke qarsy talay maqalalar jariyalap, kóptegen adamdardyng jeke taghdyrlaryna arasha týsip, qalyng elding alghysyna bólendik.

Áytse de, adal syn, ashyq pikir, әsirese, jergilikti biylikke jagha bermeydi. Bizdi talay mәrte sotqa sýirep, baspahanadan gazetimizdi basugha ýzildi-kesildi tiym salynghan   kezder kóp boldy. Osynau jyldar ishinde oblysty basqarghan әkimderding ishinde Qyrymbek Kósherbaev qana bizge týsinistikpen qarap, birde-bir ret ayaghymyzdan shalghan joq. Tipti, kerisinshe, barlyq is-sharalargha arnayy shaqyryp, qúrmet te kórsetti, syilyq-joralghy da jasady. Bizdinshe, alysty boljap, asqardy alatyn naghyz memlekettik qayratker Qyrymbek Kósherbaevtay boluy kerek.

Qúrmetti, Núrsúltan ÁBIShÚLY!

Biz Óziniz irgesin qalaghan qazaq elining namysy ýshin óz ómirimizdi qauipke tigip, bolashaghy bayandy boluy jolynda bar kýsh-jigerimizdi sarp etip jýrsek, belgili-belgisiz bireuler Jayyqtyng jalghyz qazaq gazetin jabugha baryn salyp, tyrysyp-tyrmysyp jatyr. Kýni býgin oblys әkimdigining Ishki sayasat basqarmasynan bizding gazetimizdi olardyng sotqa bergendigi turaly habar keldi. Turasyn aitsam, Jayyq jaghasyndaghy qazaqtyng baspasóz tili týbinen kesilmekshi!!!

Jayyqtyng jalyndy qart jornalshysy Tihon Álipqaliyev tayaudaghy maghan jazghan bir hatynda: «...Filarmoniyadaghy jiyngha barghanmyn. Kónilim qúlazyp qaytty. Oblys әkimining orynbasary B.Mәkenning jurnalisterdi qúttyqtau sózi budjetten qarjylandyrylatyn oblystyq, qalalyq, audandyq gazetterden basqa bizde eshqanday búqaralyq aqparat qúraldary joqtay әser qaldyrdy. El qamy ýshin shyryldap shyndyqty jazyp jýrgen «Júmadaghy jýzdesu» syndy gazet jurnalisterining qazaq qoghamyna eshqanday qatysy joq pa? Álde, әdil syn jazghandary ýshin ony «37 jylghyday» halyq jaularynyng qataryna qosyp qoydy ma? Intellektualdyq qabileti kýshti, kemenger memlekettik qayratkerler tilin tauyp, dúshpandy da dosyna ainaldyryp alar edi...» – dep jazdy.

Qadirli, Elbasy!

Jayyqtyng qazaghy men qazaq tilining býgingi jayy osynday asa ayanyshty halde. Qazaqtyng ghúlama jazushysy Iliyas Esenberlinning bylay dep jazghany bar: “Ózinning tughan ata-anandy tanday almaytynyng siyaqty, halqyndy da tanday almaysyn. Óz últyndy jabayy deysing be, әlsiz deysing be, óresiz deysing be, qalay atasang da – onyng aty bizding mandayymyzda jazylyp túr. Men óz últymdy ózining tabighy bolmys-bitimimen sýiemin, sondyqtan, ólimnen de qoryqpaymyn. Al, mening halqymnyng qanatyn kesken adam, tipti mening tughan úlym bolsa da, mening mәngilik dúshpanyma ainalady”.

Sizden, Preziydent myrza, biz de ANA TILImiz ýshin basylymymyzdyng ondaghan myng oqyrmandarynyng atynan halqymyzdyng qanatyn keskisi kelgenderden arasha súraymyz!

Qúrmetpen, Qajymúqan GhABDOLLA,

«Qazaq Eli» halyqtyq qozghalysynyng tóraghasy,

«Qazaq Eli» («Júmadaghy jýzdesu») gazetining diyrektory әri bas redaktory

Abai.kz