Jeksenbi, 20 Qazan 2019
Osı ğoy endi... 3767 0 pikir 24 Mausım, 2014 sağat 09:53

"BOZTORĞAYDIÑ" MWNISI NE?

 

Bizdiñ Qostanayda jıl aralatıp halıqaralıq  dep ataq berip, aydar tağılğan "Zolotoy mikrofon" attı jas änşilerdiñ konkursı ötedi. Alayda konkurstıñ atı qazaqşa jazılmaydı da, audarılmaydı.  Sirä, mwnda änder negizinen sol körşi eldiñ tilinde aytılatındığınan  şığar. Äyteuir, bwl konkurstıñ qazaq elinde ötip jatqandığın oğan qatısatındardıñ ayqın sezinip jürmeytindigi aydan anıq. Biıl osı sayısta oblısımızdıñ Lisakov degen qalasınan Jandos Muhammadi attı jas öspirim elden erek dausımen qazılar alqasın tañ qaldırıp, bas jüldeni qanjığasına bayladı. Bwl konkurstıñ deni orısşa ötkenimen Jandostıñ jeñisine şın jüregimizben quanğanımız anıq.
   Bwl az deseñiz Jandosımız osı jıldıñ mausım ayınıñ basında Almatıda ötken tağı da halıqaralıq degen atı bar "Boztorğay" balalar şığarmaşılığı konkursında da eşkimge des bermepti. Osı öz ölkemizdegi gazetterdiñ jazuına qarağanda ondağı ädil qazılar alqası osı jas önerpazğa birauızdan öte joğarı bağa berip, talantına bas iipti.
   Bäri dwrıs qoy, ärine. Alayda bizdiñ tañ qalğanımız bwl jas talant sol "Boztorğayda" eki änimen jwrttı tamsandırğan körinedi. Jäne ol eki än ana tilimizde emes, ağılşın men ispan tilinde şırqalıptı. Jergilikti orıs tildi baspasöz äkesi wl tapqanday osılay quanıp jazıp jatır. Ötirik-rastığın kim bilipti, alayda bwl şındıq bolsa qasietti tilimizdi tağı da bosağağa süyrep tastağan jayımız bar eken. Onsız da kögenköz tilimizdiñ twsauın odan sayın tarıltıp, aydı aspanğa bir-aq şığarıppız. Özge tildi än şırqap, böten elge jaqsı attı körinuge arnalğan bwl "Boztorğaydıñ" bizdiñ elge qanşa qajettigi bar ekendigin tüsine almadıq.
     Bwl jaydı ötirik deyin deseñ, atalmış konkrustağı bir detal' köñilge küdik wyalata beredi. Ol Jandostı Jürgenov atındağı Wlttıq öner akademiyasına anau-mınau emes, belgili änşi Laki Kesoglu qolqalap şaqırğan körinedi. Bwl da kezdoysoq emes şığar. Taza qazaq tilinde än aytatın adamdı Kesoglu jan-tänimen tüsine qoyar ma eken?

 Mwratbek Däurenwlı.

Abai.kz

 

0 pikir