Düysenbi, 26 Tamız 2019
Bw ne mazaq? 3446 0 pikir 10 Qaraşa, 2014 sağat 09:51

Mwnay sektorı basşıları Prezidentke nege qarsı?

Ömirde aqılğa qonımsız kereğarlıqtar köp qoy. Sonıñ biri mwnaydıñ üstinde şaljiıp jatıp, jılına 85 mln. tonna mwnay öndirip otırğan Qazaqstannıñ ayaq astınan benzinge jarımay qalatındığı. Biılğı küzde de solay boldı. Qay JJS-ke barsañ da «benzin joq» degen sözge tap bolasıñ.  Odan sapasız benzin qaptadı-ay kelip, qanşama adamnıñ näpaqasın ayırıp otırğan mäşineleri solardıñ kesirinen jaramsız bolıp qaldı.

 Osında qoldan jasalğan qastıqtıñ qwlağı qıltiıp twrğanı şındıq. Körşi elderdiñ birinde (qaysı ekeni belgili ğoy) sapasız benzin şığıp, «olardı satqızbaymız» degen dabıl qağılıp edi, bir ay ötpey jatıp bizde benzin tapşı boldı da ketti. Odan älgi sapasız benzin bizge jetip, onı «alsañ da alasıñ, almasañ da alasıñğa» salıp qoydı...

Benzin nege jetpey jatır degenge ökimettegi ökiletti organ basşılarınıñ bergen jauabın estigende ne küleriñdi, ne jılarıñdı bilmeysiñ. Olar auzı –mwrındarı qisaymay bärine kinäli bizdegi benzinniñ arzan ekenin aytadı. Sondağı salıstıratındarı jılına 80 mıñ tonna ğana mwnay öndiretin Qırğızstan men Resey.

 Osı mäselege baylanıstı juırda Mäjilis deputatı Ayqın Qoñırov Prem'er-Ministr Kärim Mäsimovtıñ atına saual joldadı. Mine, osı saualda deputat bizdegi benzin reseylikterden arzan, sondıqtan jetpey jatır degendi sıltauratıp onıñ bağasın kötergisi keletin monopolisterdi qattı sınadı. Osı mırzalar Reseydegi ortaşa eñbekaqı bizdikinen 22 payızğa, al ömir süru deñgeyiniñ eñ tömengi körsetkişi 100 payızğa joğarı ekenin nege eskermeydi deydi deputat.

 Sonımen birge ol monopolisterdiñ törtinşi mwnay öñdeu zauıtın saludan nege qaşqalaqtaytının tüsinbeytinin aytqan edi. Törtinşi zauıttı salğanşa qoldağı üş zauıttı modernizaciyalaymız dep jariyalağan mwnay sektorı basşılarınıñ jauabın ol dwrısqa sanamaytının ayttı. Öytkeni, modernizaciyalau degen istep twrğan zauıttı bälen ayğa toqtatıp qoyu degen söz, al bwl halıqtı äleumettik jağınan onsız da şirıqtırıp otırğan mäseleni mülde kürdelendirip jibermey me, deydi deputat. Onıñ üstine modernizaciyalaymız degen sözdi osı zauıttıñ qojayındarı jılda aytadı, biraq sonı äli künge orındamay kele jatqanı da tüsiniksiz. 

Prezident N.Nazarbaev üstimizdegi jılğı Joldauında 2015 jıldan bastap törtinşi mwnay-öñdeu zauıtın saluğa kirisetinimizdi jariyalağan bolatın, al mwnay sektorınıñ ökiletti organ basşılarınıñ sözi älgidey. Sonda bwlar Prezidentke qarsı ma degen sözdi naqtı aytpasa da deputat osı saualdı Prem'erge jwqartıp qoyıp otır.

Jön. Alayda mwnaydıñ üstinde otırıp onıñ önimine tapşı bolıp qaluımızdıñ kürdeli sırı bar ekeni anıq. Sol sırdı aşıp, mäseleni Prezidenttiñ özi tübegeyli şeşpese Prem'erdiñ qolınan bwl is kelmeydi-au degen bizdiñ kümänimiz bar.    

Serik ELEU, sarapşı

 Abai.kz

0 pikir