Ótkende el aumaghynda taghy da janarmay tapshylyghy qatty sezilip, qalyng búqara úlarday shulap qalghan edi. Janarmay qúy stansiyalarynyng aldy úzaq sonar kezekke tolyp, eki adamnyng basy qosylsa «múnaydyng ýstinde otyryp, 23 jyl boyy janarmaygha jarymaghanymyz qalay?», - dep halyq biylikke kezekti ret ókpe-naz aitqan. Biylik bylq etpedi. Arada biraz uaqyt ótkende janarmay tapshylyghy eptep joyyla bastady. Energetika ministri Shkolinik keshe «Qazan aiynda janarmay mәselesi sheshiledi. Qazirgi kezde janarmay Reseyden әkeline bastady» dedi.

Shkolinik búl sózdi Atyrauda ótip jatqan Qazaqstan men Resey arasyndaghy aimaqaralyq forum kezinde aitty. Al, forumda qazba baylyqtardy birlese iygeru jәne AES-ty birigip salu turaly kelisimderge qol qoyylatyny kýni búryn belgili bolghan. Sonda Shkolinik janarmay mәselesining týiinin sheshudi jogharydaghy kelisimderding qol qoyyluyna deyin sozyp otyrghanday әser qaldyrady. Jәne janarmaydy Reseyden tasityndaryn quana habarlaydy.

Búl kezdeysoqtyq pa? Áy, qaydam... Óitkeni, Shkolinikting ózi de, úly da  soltýstiktegi kórshimizge qarap әreket etetini jóninde kópten beri aitylyp jýr. «Jel soqpasa shópting basy qimyldamaydy» http://abai.kz/post/view?id=1450.

Qazaqstanda ýsh birdey múnay óndeu zauyty bar. Atyrau, Shymkentte, Kerekude. Ýsh zauyttyng da júmys istegeninen toqtap túrghany kóp. Al, asa iri ekonomikalyq jobalardy iske asyryp, damyghan otyz elding qataryna qosylugha qareket qylyp jatqan Qazaqstan әli kýnge janarmay naryghynda Reseyge tәueldi. Janarmay shygharyp, tym qúrysa ishki naryqty qamtamasyz etu turaly sóz mýldem bolghan emes. Endi qazba baylyqtardy Reseymen birlesip iygere bastaymyz. Reseysiz óz dýniyemizdi iygeru, iyelenu mýmkin bolmay bara jatyr...

Abai.kz