سەيسەنبى, 26 قازان 2021
قوعام 4083 0 پىكىر 1 قازان, 2014 ساعات 10:50

شكولنيك جانە جانارماي جىرى

وتكەندە ەل اۋماعىندا تاعى دا جانارماي تاپشىلىعى قاتتى سەزىلىپ، قالىڭ بۇقارا ۇلارداي شۋلاپ قالعان ەدى. جانارماي قۇيۋ ستانتسيالارىنىڭ الدى ۇزاق سونار كەزەككە تولىپ، ەكى ادامنىڭ باسى قوسىلسا «مۇنايدىڭ ۇستىندە وتىرىپ، 23 جىل بويى جانارمايعا جارىماعانىمىز قالاي؟»، - دەپ حالىق بيلىككە كەزەكتى رەت وكپە-ناز ايتقان. بيلىك بىلق ەتپەدى. ارادا ءبىراز ۋاقىت وتكەندە جانارماي تاپشىلىعى ەپتەپ جويىلا باستادى. ەنەرگەتيكا ءمينيسترى شكولنيك كەشە «قازان ايىندا جانارماي ماسەلەسى شەشىلەدى. قازىرگى كەزدە جانارماي رەسەيدەن اكەلىنە باستادى» دەدى.

شكولنيك بۇل ءسوزدى اتىراۋدا ءوتىپ جاتقان قازاقستان مەن رەسەي اراسىنداعى ايماقارالىق فورۋم كەزىندە ايتتى. ال، فورۋمدا قازبا بايلىقتاردى بىرلەسە يگەرۋ جانە اەس-تى بىرىگىپ سالۋ تۋرالى كەلىسىمدەرگە قول قويىلاتىنى كۇنى بۇرىن بەلگىلى بولعان. سوندا شكولنيك جانارماي ماسەلەسىنىڭ ءتۇيىنىن شەشۋدى جوعارىداعى كەلىسىمدەردىڭ قول قويىلۋىنا دەيىن سوزىپ وتىرعانداي اسەر قالدىرادى. جانە جانارمايدى رەسەيدەن تاسيتىندارىن قۋانا حابارلايدى.

بۇل كەزدەيسوقتىق پا؟ ءاي، قايدام... ويتكەنى، شكولنيكتىڭ ءوزى دە، ۇلى دا  سولتۇستىكتەگى كورشىمىزگە قاراپ ارەكەت ەتەتىنى جونىندە كوپتەن بەرى ايتىلىپ ءجۇر. «جەل سوقپاسا ءشوپتىڭ باسى قيمىلدامايدى» http://abai.kz/post/view?id=1450.

قازاقستاندا ءۇش بىردەي مۇناي وڭدەۋ زاۋىتى بار. اتىراۋ، شىمكەنتتە، كەرەكۋدە. ءۇش زاۋىتتىڭ دا جۇمىس ىستەگەنىنەن توقتاپ تۇرعانى كوپ. ال، اسا ءىرى ەكونوميكالىق جوبالاردى ىسكە اسىرىپ، دامىعان وتىز ەلدىڭ قاتارىنا قوسىلۋعا قارەكەت قىلىپ جاتقان قازاقستان ءالى كۇنگە جانارماي نارىعىندا رەسەيگە تاۋەلدى. جانارماي شىعارىپ، تىم قۇرىسا ىشكى نارىقتى قامتاماسىز ەتۋ تۋرالى ءسوز مۇلدەم بولعان ەمەس. ەندى قازبا بايلىقتاردى رەسەيمەن بىرلەسىپ يگەرە باستايمىز. رەسەيسىز ءوز دۇنيەمىزدى يگەرۋ، يەلەنۋ مۇمكىن بولماي بارا جاتىر...

Abai.kz

0 پىكىر