Astanagha Ádilbek Jaqsybekov qayta әkim bolyp kelgeli múndaghy jezókshelerden de maza ketti.  Búryn temir jol vokzaly manyn erkin jaylaghan olardyng órisi birtindep tarylyp keledi. Birjan sal kóshesining boyynda búl «biznes» kәdimgidey «gýldenip» qalyp edi.  Astana qalalyq IID-ti de olardan jenilgen synay tanytyp, «qyzmetterine» kedergi boludy qoyyp kele jatqan. Tipti, sol Birjan sal kóshesining boyynda túratyn bir әjey: «jezókshelikpen kýresedi dep jýrgen saqshylarymyzdyng ózi týnde patrulidik mashinamen ótip bara jatyp, olarmen dauys kýsheytkish arqyly sәlemdesetinin qaytersin» dep qynjylys bildirgenin estip edik. Búl sózden jezókshelikke qoghamnyng eti qalay ýirene bastaghanyn angharugha bolatynday.

Búlay jalghasa berse, temir jol vokzaly manyn jaylaghan azghyndyq aqyryndap Astananyng әsem kelbeti – sol jaghalaugha da jetui kәmil-tin. Abroy bolghanda, Astana qalasynyng әkimi jaqynda arnayy mәjilis ótkizip, jezókshelerge qarsy bitispes maydan ashty. Astana qalalyq IID-ne sol audandy jezókshelikten tazartu jóninde arnayy tapsyrma berdi. Sodan beri elordadaghy tәrtip saqshylarynda da tynym joq. Kýn sayyn reyd, kýn sayyn keshkilikte jezókshelerdi jýgendeuge shyghady. Ár keshte 150-200 shaqty «týngi kóbelekterdi» әkelip, departamentting úzyn dәlizine toghytady. Zang boyynsha kóshedegi jýrginshilerdi mazalaghany ýshin, kóp qabatty ýilerdegi túrghyndardyng mazasyn alghany ýshin әkimshilik aiyppúl salady. Onyng kólemi 5 ailyq eseptik kórsetkish shamasynda. Eger ekinshi ret ústalsa, 10 ailyq eseptik kórsetkish kóleminde aiyppúl tóleydi. Qazir elordanyng budjetine jezókshelerden eki-ýsh million tenge kóleminde aiyppúl týskenge úqsaydy. Ákimning talaby qatan, aibary sústy. Sondyqtan tәrtip saqshylary múnymen shektelmey, reydterin odan әri jalghastyryp jatyr. Aqyrynda, jezókshelerding jýikesi syr berdi bilem, birnesheui betterin jappastan ýkimetke arnayy shaghym aitty.

«Bizding biznesimizdi zandastyrynyzdar, salyghymyzdy ay sayyn uaqytyly tólep otyrayyq. Taghy qanday talaptarynyz bolady, sonyng bәrin oryndaymyz. Tek bizding qyzmetimizge kedergi bolmasanyzdar eken. Qazir kýnde aiyppúl tólep jatyrmyz. Tabysymyz bolsa azayyp ketti. Kýnkórisimiz qiyndady. Bala-shaghamyzdy asyray almaytyn boldyq (eki-ýsheui balalary bar jesir әiel bolyp shyqty)» degen mazmúndaghy shaghymdary ýkimetke jetti me, jetpedi me, ol jaghy әzir belgisiz (jetpegeni jón ghoy. Bizding ýkimetke senim bar ma, «maqúl» dep qalyp jýrse). Belgilisi, búl kýres tәsili jezókshelerge onay tiymey jatqany. Tәrtip saqshylary osy tegeuirinderin joghaltpay, júmystaryn osylaysha jalghastyra berse, bir-birimen berik úiymdasqan jezóksheler ordasy ishtey ydyrap, kól-kósir tabystan aiyrylyp, aqyrynda kýn kóristing basqa amalyn izdeuge keteri anyq-au. Tabys joq jerde eshkimning jýrmesi belgili ghoy. Sóitip, jenilmestey kórinetin jezókshelik te bizding qoghamnan birjola joghalmaghanymen, birshama azayar edi. Eng bastysy, Astana әkimi alghan betinen qaytpay, talabyn kýsheyte berse deymiz. Áytpese, azghyndyq jaylaghan elge ainalugha shaq qalyp edik.

Mendolla ShAMÚRATOV

Abai.kz