Jeksenbi, 29 Naurız 2020
46 - söz 2586 0 pikir 2 Qazan, 2015 sağat 12:50

SIRTTA QALĞAN AĞAYIN QAYTPEK?


Toqsanınşı jıldarı Özbekstanda jürgizgen halıq sanağında özbek astanası Taşkentiñ özinde - 60%-dan astamı twratındar qazaq bolıp şıqqan, al mañayındağı Joğarı Şırşıq (Wyğari Çirçıq), Orta Şırşıq, Bostandıq (Bostanlıq) audandarında - 95% qazaqtar twrğan, qazir onıñ 15% ğana elge köşip kelgen, qalğanı "öz jerimizden auıp qayda barmaqpız?" dep otırıp qaldı. 

Sodan bergi ol jaqta halıq sanağın jürgizu jergilikti bilik üşin äste qauipti statistika bolıp aldı. Bar amaldarı qoldan wlttarınıñ sözderin özgertip, al özgergen jağdayda 50%-dan kem twratın audandarda qazaq mektepterin küştep zañmen jabu. Ärine osı jiırma jılda osı äreket te nätije bere bastadı. Mehanikalıq twrğıdan wltın özgertip, basım wlttıñ sanın qoldan özgertip, onı keşendi bilim jüyesimen negizdep jiberu taptırmas ayla. 
Özbek biligi özbekşesin de bir özbektey söyleytin qazaq jastarın osı kezge deyin memlekettik qızmetke, jalpı qızmetke aludı qattı şektedi. Sol üşin de sol jaqtağı ağayın balalarınıñ bolaşağı üşin pasporttarında özbekke auıstırıp jatqanı jatqan, jatpağanı Qazaqstanğa jiberude. Köşip keteyin dese, ata-babası jatqan jeri, kindik qanı tamğan ölkesi. 
Jalpı körşi eldegi qazaq sanın tek şamamen 1.5-2 mln.-day dep boljaymız. Al sol jaqtağı ağayınnan swrasaq, odan da köptigin, qalıñ qazaqtıñ otırğanın aytadı. Osı rette, özbekte öz jerinde otırğan qazaq ağayınnıñ otırğanı bizge äbden kerek. 
Sol üşin de Qazaq-özbek qatınastarında memleketaralıq jergilikti diasporalardıñ mädeni-etnikalıq damu bağdarlamaların jandandıru turalı kelisimderdi qayta qolğa almasaq bolmas. 
Mäselen, Reseydiñ prezidenti Putin osıdan eki jıl bwrın "biz TMD elderindegi orıs bauırlarımızdıñ tilderiniñ, dilderiniñ, twraqtı damularına qattı alañdaymız, jäne solardıñ tağdırlarına Resey Federaciyası bolıp jauaptımız" degen edi. Reseyşil twrğıdan alğanda nağız wlttıq müdde bağıtında mıqtı wstanım. Nege bizge de osınday halıqaralıq deñgeyde batıl wstanımdardı körsetpeske?! 
Aytpaqşı joğarı da atalğan audandarda - Qañlı, Şanışqılı, Qiyat, Arğın, Qoñırat, Dulat t.s.ss qazaq ruları basım jwrt. YAğni, wlt twrmaq, rulıq-tuıstığımızdıñ, tuğan jerimizdiñ de kezindegi jwrnağı ğoy. Bäri-bir qazaq bauırımız öz atajwrtı jatqan topıraqtı tastay almaydı. Meyli bir japıraq qwjatta wltın özgertse de...
Sol sebepti, wltaralıq mäselede sırttağı ağayınnıñ qamın da oylauımız qajet!

Maqsat Jaqau

Facebook-tegi paraqşasınan

0 pikir