Qazaq әdebiyetining әlemdik әdebiyette de alatyn orny bar. Bir ghana «Abay joly» roman-epopeyasynyng ózi dýniyejýzi halyqtarynyng 116 tiline audarylghan. Al kenestik kezende kimder KSRO Memlekettik syilyghyna ie boldy? Qalamgerding qay shygharmasy layyq dep tanyldy? Búl turaly «Baistars.kz» portaly jazady.

Qazaqtan túnghysh KSRO Memlekettik syilyghyn alghan Múhtar Áuezov. Alghashqy eki kitaptan túratyn «Abay» romany ýshin 1949 jyly jazushygha KSRO Memlekettik syilyghy berildi. Al, tórt tomdyq «Abay joly» roman-epopeyasy jaryq kórgennen keyin 1959 jyly ol Lenindik syilyqtyng laureaty atandy.

1974 jyly qazaqtyng taghy bir qalamgeri KSRO Memlekettik Syilyghyna ie boldy. «Qan men Ter» trilogiyasy ýshin Ábdijәmil Nýrpeyisov eng ýlken ataqpen marapattaldy.

Jazushynyng búl shygharmasy әlemning 35 tiline audarylghan. Degenmen «Qan men Terdin» 1-kitaby «Ymyrt» degen ataumen 1961 jyly jaryqqa shyqty. Keyin «Sergelden», «Kýireu» bolyp ýsh kitap birigip trilogiyagha ainaldy.

Memlekettik Syilyghyna qazaqtan shyqqan taghy bir qalamger ie boldy. Qúrmanghazynyng kýilerin zerttep, ony poema tilinde sóiletkeni ýshin 1978 jyly aqyn Júban Moldaghaliyevte osy marapatqa ie boldy. Qazaqstannyng Halyq jazushysynyng qalamynan tughan «Kisen ashqan», «Qyran dala» poemalary joghary ataqqa layyq dep tanylypty. KSRO Memlekettik syilyghynan bólek, Júban aqyn 1970 jyly Qazaq KSR-ning Memlekettik syilyghynda alghan edi. Dәl osy ýsh qazaq qalamgerleri Kenes odaghy túsynda KSRO Memlekettik syilyghyna qol jetkizgen bolatyn...

Abai.kz