Särsenbi, 12 Tamız 2020
COVID-19 QAZAQSTANDA. Jwqtırğandar — 100855. Jazılğandar — 74677. Qaytıs bolğandar — 1269
Jañalıqtar 3794 0 pikir 31 Mamır, 2016 sağat 14:36

Atırauda sot eki belsendini qamaudan bosattı

Atırauda "bilikti küşpen basıp alu nemese wstap twruğa jäne konstituciyalıq qwrılımdı küşpen özgertuge şaqırdı" degen küdik boyınşa qozğalğan qılmıstıq is ayasında eki ayğa qamalğan Ğatauğali Bohan men Sağınğali Qapizov bosatılatın boldı, - dep jazadı Azattıq.

Bohan men Qapizovtıñ advokattarı Igor' Vrançev pen Aqtolqın Baltabaevanıñ aytuınşa, Atırau oblıstıq sotınıñ sud'yası Mälik Erğaliev 30 mamırda Ğatauğali Bohan men Sağınğali Qapizov advokattarınıñ olardı qamauğa alu turalı sot sankciyasına bergen şağımın qarağan. Sud'ya 70 jastağı Ğatauğali Bohanğa qatıstı qamauğa alu bwltartpau şarasın kepilge bosatumen, 62 jastağı Sağatbay Qapizovtı bwltartpau şarasın üyqamaqqa şığarumen auıstıru turalı qaulı qabıldağan. Advokattarı Bohan men Qapizovtıñ bügin tüsten keyin bosatılatının aytadı.

Atırau qalalıq №2 sotı 23 mamırda rwqsat etilmegen mitingige zañsız şaqırdı dep ayıptalğan belsendiler Sağınğali Qapizov pen Ğatauğali Bohanğa qatıstı Qılmıstıq kodekstiñ 179-babı boyınşa eki ayğa abaqtığa qamau turalı qaulı şığarğan. Al tağı bir belsendi Qwbaydolla Şolaq üy qamaqqa alınğan.

20 mamır küni №2 qalalıq sotınıñ sud'yası Z.Qazaqbay Atırau oblıstıq Wlttıq qauipsizdik departamentiniñ 9 basqarma tergeuşisi E. Sabırğalievtiñ arızı boyınşa segiz adamnıñ üyin tintu turalı qaulı şığarğan. Osığan säykes Maks Boqaev, Talğat Ayan, Erlan Başaqov, Sağınğali Qapizov, Ğatauğali Bohan, Qwbaydolla Şolaq, Ädilbek Mwsawlı, Jaswlan Mwsabekovtıñ üylerine tintu jasalıp, olardıñ jeke komp'yuterleri, mobil'dik telefondarı men fleşkaları tärkilengen bolatın. Qaulıda qwqıq qorğau organdarınıñ 17-19 mamırda atalğan segiz adamğa qatıstı qılmıstıq kodekstiñ 24-babınıñ 1- bölimi (Qılmısqa dayındalu jäne qılmısqa oqtalu), 272- babınıñ 1- bölimi (Jappay tärtipsizdik) jäne 179-babınıñ 2- bölimi (Bilikti basıp aludı nemese wstap twrudı nasihattau nemese oğan jariya türde şaqıru, sol siyaqtı bilikti basıp alu nemese wstap twru ne Qazaqstan Respublikasınıñ konstituciyalıq qwrılısın küştep özgertu) boyınşa sot aldı tergeuiniñ jürip jatqanın habarlağan.

Atalğan belsendiler Qazaqstan ükimetiniñ auıl şaruaşılıq jerlerin aukcion arqılı satu jäne şeteldikterge jalğa beru josparına qarsı közqarastarımen belgili.

Abay-aqparat

0 pikir