Jwma, 3 Säuir 2020
COVID-19 QAZAQSTANDA. Jwqtırğandar — 453. Jazılğandar — 29. Qaytıs bolğandar — 3
Käsip-tübi näsip 3985 9 pikir 19 Mamır, 2016 sağat 10:14

NESIE ALAM DESEÑİZ...

Käsipkerlik qızmetti damıtuğa arnalğan nesieniñ sıyaqı mölşerlemesi –  jılına 6%, jıldıq tiimdi  sıyaqı mölşerlemesi – 6,7%. Nesie 4 jıl 6 ayğa deyin berilmek.

Almatı oblısı Käsipkerler palatasınıñ Nesie komiteti nesie aludan ümitti şağın biznes sub'ektileriniñ ötinimderin qaraudı bastamaq.  Nesieleu «Atameken» Wlttıq käsipkerler palatası men oblıs äkimdigi birlesip bölgen 600 mln. teñge somasındağı qarajat esebinen jüzege asadı.

Öñirdegi nesieleu operatorı – «Auıl şaruaşılığın qarjılıq qoldau qorı» AQ. Käsipkerler 500 mıñnan 5 mln teñgege deyin nesie ala aladı.

Nesie komitetiniñ ökili Rimma Salıqovanıñ aytuınşa, qarajat tiimdi şarttarmen wsınılıp otır. Qarızdı ay sayın, mausım sayın, jartı jılda bir ret jäne jılına bir ret öteuge boladı.  Sonımen birge, nesie käsipkerlik qızmetti damıtuğa arnalğanın ayta ketu kerek.  Nesieler twtınuşılıq maqsattar üşin, bwğan deyin alınğan nesielerdi öteu üşin, jıljımaytın mülik, jer telimderin satıp alu jäne sauda jasau üşin berilmeydi», – dedi  R.Salıqova.

ÖKP filialdarı qazirden bastap käsipkerlerge ötinim beruge qajetti qwjattardı jinau boyınşa belsendi kömek berudi bastap ketti.  Eñ aldımen, käsipker qarız alu üşin ötinim berip, anketanı toltıruı qajet, odan keyin jeke kuälik (nemese pasport) köşirmelerin, mekenjay anıqtamasın, jalaqı mölşeri jäne (nemese) özge de kiristerdi körsetetin nemese rastaytın qwjattar tüpnwsqasın, qızmet körsetuşi bankten ekinşi deñgeyli bankterge bereşegi, sonımen birge №2 kartotekası (tek JK, ŞQ, FQ üşin) boyınşa tıyım salular joq nemese bar ekenin rastaytın anıqtamalar wsınuı qajet.

Sonımen birge, qwjattar tizimi arasında nesie alu üşin Qoğam ökiletti organına berilgen ötinimniñ qaralatın künine deyin ötkizilgen qarız aluşınıñ salıqtıq bereşegi, mindetti zeynetaqı salımdarı men äleumettik audarımdar jäne joq ekenin körsetetin tüpnwsqası jäne (nemese) salıqtıq qızmet organdarımen berilgen qarız aluşınıñ salıqtar men özge de mindetti byudjettik tölemder boyınşa qarızı joqtığın rastaytın salıq salıstıru aktisi (tek JK, ŞQ, FQ üşin) boluı tiis.

Bwdan bölek, qarız aluşı-jeke twlğa jinaqtauşı zeynetaqı şotınan soñğı altı aydıñ köşirmesin, biznes-jospar nemese toltıruşınıñ qolı qoyılğan, qarız aluşınıñ atı jazılğan nesie berudiñ tehnika-ekonomikalıq negizdemesin wsınuı qajet.

Sonday-aq, käsipker nesie byurosına özi turalı aqparat wsınuğa, memlekettik (onıñ işinde qwqıq qorğau) nemese memlekettik emes organdarğa, BAQ-qa, sonday-aq, WKP, ÖKP, «QazAgro» wlttıq basqaruşı holdingi» AQ men onıñ enşiles wyımdarına nesielik esepti aluşığa nesielik esep beruge, aqparat alu jäne wsınuğa, berilgen nesie turalı  jäne nesie beru turalı şart boyınşa mindetterdi orındauı nemese orındamauı turalı barlıq mälimetterdi beruge kelisim berui tiis.

Eger qarız aluşı jeke käsipker retinde tirkelgen bolsa, birlesken käsipkerlikke negizdelgen ŞQ nemese FQ müşeleriniñ tizimi jazılğan qosımşası bar jeke käsipkerdi melekettik tirkeu turalı kuäligi boluı qajet.  ŞQ/FQ müşeleriniñ jeke kuälikteri men ŞQ, FQ, JK ökiletti organınıñ qarız alu, mülikti onı sottan tıs satuğa qwqıq beretin kepilge beru turalı kelisimdi maqwldau turalı şeşimi qajet boladı.

Qarız aluşı qızmetin qarjılıq-ekonomikalıq taldau, qwqıqtıq saraptama, kepildik qamsızdandırudı bağalaudı Auıl şaruaşılığın qarjılıq qoldau qorınıñ qızmetkerleri jüzege asıradı.  Bwdan keyin qwjattar Nesie komitetiniñ qarauına jöneltiledi.

Bügingi küni ÖKP qızmetkerleri 16 käsipkerge atalğan qwjattar paketin jinauğa atsalısqan.  Olardıñ ötinimderi 19 mamır küni qaralmaq. Reglamentke säykes, qarajat tek ÖKP nesie komitetteri men Auıl şaruaşılığın qarjılay qoldau qorınıñ şeşimimen ğana berilmek.

Abai.kz

9 pikir