جۇما, 29 ناۋرىز 2024
كاسىپ-ءتۇبى ءناسىپ 6334 9 پىكىر 19 مامىر, 2016 ساعات 10:14

نەسيە الام دەسەڭىز...

كاسىپكەرلىك قىزمەتتى دامىتۋعا ارنالعان نەسيەنىڭ سىياقى مولشەرلەمەسى –  جىلىنا 6%، جىلدىق ءتيىمدى  سىياقى مولشەرلەمەسى – 6,7%. نەسيە 4 جىل 6 ايعا دەيىن بەرىلمەك.

الماتى وبلىسى كاسىپكەرلەر پالاتاسىنىڭ نەسيە كوميتەتى نەسيە الۋدان ءۇمىتتى شاعىن بيزنەس سۋبەكتىلەرىنىڭ وتىنىمدەرىن قاراۋدى باستاماق.  نەسيەلەۋ «اتامەكەن» ۇلتتىق كاسىپكەرلەر پالاتاسى مەن وبلىس اكىمدىگى بىرلەسىپ بولگەن 600 ملن. تەڭگە سوماسىنداعى قاراجات ەسەبىنەن جۇزەگە اسادى.

وڭىردەگى نەسيەلەۋ وپەراتورى – «اۋىل شارۋاشىلىعىن قارجىلىق قولداۋ قورى» اق. كاسىپكەرلەر 500 مىڭنان 5 ملن تەڭگەگە دەيىن نەسيە الا الادى.

نەسيە كوميتەتىنىڭ وكىلى ريمما سالىقوۆانىڭ ايتۋىنشا، قاراجات ءتيىمدى شارتتارمەن ۇسىنىلىپ وتىر. قارىزدى اي سايىن، ماۋسىم سايىن، جارتى جىلدا ءبىر رەت جانە جىلىنا ءبىر رەت وتەۋگە بولادى.  سونىمەن بىرگە، نەسيە كاسىپكەرلىك قىزمەتتى دامىتۋعا ارنالعانىن ايتا كەتۋ كەرەك.  نەسيەلەر تۇتىنۋشىلىق ماقساتتار ءۇشىن، بۇعان دەيىن الىنعان نەسيەلەردى وتەۋ ءۇشىن، جىلجىمايتىن مۇلىك، جەر تەلىمدەرىن ساتىپ الۋ جانە ساۋدا جاساۋ ءۇشىن بەرىلمەيدى»، – دەدى  ر.سالىقوۆا.

وكپ فيليالدارى قازىردەن باستاپ كاسىپكەرلەرگە ءوتىنىم بەرۋگە قاجەتتى قۇجاتتاردى جيناۋ بويىنشا بەلسەندى كومەك بەرۋدى باستاپ كەتتى.  ەڭ الدىمەن، كاسىپكەر قارىز الۋ ءۇشىن ءوتىنىم بەرىپ، انكەتانى تولتىرۋى قاجەت، ودان كەيىن جەكە كۋالىك (نەمەسە پاسپورت) كوشىرمەلەرىن، مەكەنجاي انىقتاماسىن، جالاقى مولشەرى جانە (نەمەسە) وزگە دە كىرىستەردى كورسەتەتىن نەمەسە راستايتىن قۇجاتتار تۇپنۇسقاسىن، قىزمەت كورسەتۋشى بانكتەن ەكىنشى دەڭگەيلى بانكتەرگە بەرەشەگى، سونىمەن بىرگە №2 كارتوتەكاسى (تەك جك، شق، فق ءۇشىن) بويىنشا تىيىم سالۋلار جوق نەمەسە بار ەكەنىن راستايتىن انىقتامالار ۇسىنۋى قاجەت.

سونىمەن بىرگە، قۇجاتتار ءتىزىمى اراسىندا نەسيە الۋ ءۇشىن قوعام وكىلەتتى ورگانىنا بەرىلگەن ءوتىنىمنىڭ قارالاتىن كۇنىنە دەيىن وتكىزىلگەن قارىز الۋشىنىڭ سالىقتىق بەرەشەگى، مىندەتتى زەينەتاقى سالىمدارى مەن الەۋمەتتىك اۋدارىمدار جانە جوق ەكەنىن كورسەتەتىن تۇپنۇسقاسى جانە (نەمەسە) سالىقتىق قىزمەت ورگاندارىمەن بەرىلگەن قارىز الۋشىنىڭ سالىقتار مەن وزگە دە مىندەتتى بيۋدجەتتىك تولەمدەر بويىنشا قارىزى جوقتىعىن راستايتىن سالىق سالىستىرۋ اكتىسى (تەك جك، شق، فق ءۇشىن) بولۋى ءتيىس.

بۇدان بولەك، قارىز الۋشى-جەكە تۇلعا جيناقتاۋشى زەينەتاقى شوتىنان سوڭعى التى ايدىڭ كوشىرمەسىن، بيزنەس-جوسپار نەمەسە تولتىرۋشىنىڭ قولى قويىلعان، قارىز الۋشىنىڭ اتى جازىلعان نەسيە بەرۋدىڭ تەحنيكا-ەكونوميكالىق نەگىزدەمەسىن ۇسىنۋى قاجەت.

سونداي-اق، كاسىپكەر نەسيە بيۋروسىنا ءوزى تۋرالى اقپارات ۇسىنۋعا، مەملەكەتتىك (ونىڭ ىشىندە قۇقىق قورعاۋ) نەمەسە مەملەكەتتىك ەمەس ورگاندارعا، باق-قا، سونداي-اق، ۇكپ، وكپ، «قازاگرو» ۇلتتىق باسقارۋشى حولدينگى» اق مەن ونىڭ ەنشىلەس ۇيىمدارىنا نەسيەلىك ەسەپتى الۋشىعا نەسيەلىك ەسەپ بەرۋگە، اقپارات الۋ جانە ۇسىنۋعا، بەرىلگەن نەسيە تۋرالى  جانە نەسيە بەرۋ تۋرالى شارت بويىنشا مىندەتتەردى ورىنداۋى نەمەسە ورىنداماۋى تۋرالى بارلىق مالىمەتتەردى بەرۋگە كەلىسىم بەرۋى ءتيىس.

ەگەر قارىز الۋشى جەكە كاسىپكەر رەتىندە تىركەلگەن بولسا، بىرلەسكەن كاسىپكەرلىككە نەگىزدەلگەن شق نەمەسە فق مۇشەلەرىنىڭ ءتىزىمى جازىلعان قوسىمشاسى بار جەكە كاسىپكەردى مەلەكەتتىك تىركەۋ تۋرالى كۋالىگى بولۋى قاجەت.  شق/فق مۇشەلەرىنىڭ جەكە كۋالىكتەرى مەن شق، فق، جك وكىلەتتى ورگانىنىڭ قارىز الۋ، مۇلىكتى ونى سوتتان تىس ساتۋعا قۇقىق بەرەتىن كەپىلگە بەرۋ تۋرالى كەلىسىمدى ماقۇلداۋ تۋرالى شەشىمى قاجەت بولادى.

قارىز الۋشى قىزمەتىن قارجىلىق-ەكونوميكالىق تالداۋ، قۇقىقتىق ساراپتاما، كەپىلدىك قامسىزداندىرۋدى باعالاۋدى اۋىل شارۋاشىلىعىن قارجىلىق قولداۋ قورىنىڭ قىزمەتكەرلەرى جۇزەگە اسىرادى.  بۇدان كەيىن قۇجاتتار نەسيە كوميتەتىنىڭ قاراۋىنا جونەلتىلەدى.

بۇگىنگى كۇنى وكپ قىزمەتكەرلەرى 16 كاسىپكەرگە اتالعان قۇجاتتار پاكەتىن جيناۋعا اتسالىسقان.  ولاردىڭ وتىنىمدەرى 19 مامىر كۇنى قارالماق. رەگلامەنتكە سايكەس، قاراجات تەك وكپ نەسيە كوميتەتتەرى مەن اۋىل شارۋاشىلىعىن قارجىلاي قولداۋ قورىنىڭ شەشىمىمەن عانا بەرىلمەك.

Abai.kz

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563