Preziydent Núrsúltan Nazarbaev Almaty oblysynda is saparmen jýr. Is sapar barysynda Memleket basshysy  ónirdegi atqarylghan әm atqarylatyn istermen tanysyp, oblys basshylaryna birqatar tapsyrmalar berdi.

Atalghan sapar barysynda Memleket basshysy Panfilov audanyna arnayy úshyp baryp, shekara manynda boy kóterip kele jatqan «Núrkent» qalasynyng qúrylys júmystaryn óz kózimen kórdi.

Qazaqstan men Qytay shekarasynyng boyynda ornalasqan jana qala «Núrkent» dep atalatyn boldy. Búl shahar Almaty oblysy Panfilov audanyna qarasty Qorghas shekara beketining manyna jaqyn irge tepkendikten  «Qorghas-Shyghys qaqpasy» ekonomikalyq aimaghynyng qúramyna kiredi eken.

Jalpy aumaghy 300 gektar jerdi qúraytyn «Núr qalada» bolashaqta shamamen 100 myng adam túratyn  bolady. Atalghan jobanyng qúrylysy 2020 jyly ayaqtaluy tiyis.

Áriyne, biz, jalpy qazaq halqy, jana qalanyng Núrkent atanuyna qarsy emespiz. Qúlaqqa da jaghymdy estiledi. Tarihy Jarkent qalasynyng qasynda tәuelsizdikting qalasy Núrkent boy týzep jatsa, tek quanamyz. Búl – irgedegi Qytay eline de ses. Qysqasy: tarihy san ghasyrdyng syryn ashatyn Jarkentting janynda Tәuelsizdikting jarshysy bolyp, keshegi men býgingini sabaqtastyrar jana qala salynyp jatyr. Bәrekeldi delik!

Osy "Núrkent" degennen shyghady... Ótken jyly elimizding eng bay saudageri Núrlan Smaghúlov (MEGA sauda ortalyqtarynyng qojayyny) EKSPO-gha arnalghan  bir jiynda Memleket basshysymen jýzbe-jýz kezdeskeni bar edi. Sol jýzdesu barysynda Halyqaralyq kórme territoriyasynda salynyp jatqan zәulim ghimarattyng atauyna kelgende Smaghúlov birden «Núr plaza» dep ataudy úsynghan. Saudagerding úsynysyn únata qoymaghan Elbasy: «Múndaydy qoyyndar, búlay jaghympazdanudy qaydan ýirengensin-ey!» degende Smaghúlov ta saspay:«Ómir ýiretti, Núrsúltan Ábishúly» dep jauap qaytarghan-tyn.

Ras, Elbasy qit etken nәrsege «Núr»-dy jalghap, «júrttyng yghyryn shygharmandar» dese de, bizding әkim-qaralar «Núrly jer» baghdarlamasyn qabyldap, «Núrkent» qalasyn salyp, alghan betterinen tanar emes. Jarkentting irgesindegi jana qalany Jana-Jarkent dep atasa da, eshkim qarsy bolmas edi dep oilaymyz osyndayda. Alayda, qala atauy "Núrkent" atalghan eken. Endeshe "Núrkentimiz" núrlana bersin. Qorghas keden beketinen tayaq tastam jerde shymqay qyzyl týske boyanyp boy kótergen qytaydyng "Qorghas" qalasynan qalyp qoymay órkendep-óse bersin.

Núrgeldi Ábdighaniyúly

Abai.kz