Shardara audanyndaghy Aqshengeldi auyldyq okruginde el Tәuelsizdigining 25 jyldyghyna arnalghan aituly is-shara ótti. «Baq qonghan, qút daryghan auylym» taqyrybymen ótken merekelik sharagha qatysqan túrghyndar auyl sharuashylyghy ónimderining kórmesin tamashalady. Oghan «Aq altyn», «Egizqúm» jalpy orta mektepteri men «Dinara» jәne «Qarlyghash» balabaqsha újymdary dayyndaghan týrli búiymdar qoyyldy.

Merekelik is-shara auyl jastarynyng fleshmobymen bastaldy. Is-sharagha arnayy qatysqan audan әkimi Arman Abdullaev auyl túrghyndaryn Tәuelsizdikting 25 jyldyq merekesimen qúttyqtady.

Aqshengeldi auylynyng túrghyndary malshylyqpen de, diqanshylyq pen de ainalysady. Múndaghy diqandar ónimning barlyq týrin egedi dese de bolady. Berekeli auyldyng molshylyghy kórmeden de kórinis tapty. Sharua qojalyqtary Tәuelsizdikting 25 jyldyghyna auyl sharuashylyghy ónimderining 25 týrin shygharyp, kórmege úsyndy. Intensivti baq retinde otyrghyzghan almasy men bekesin әkelgen «Rahym» sharua qojalyghynyng tórayymy Amankýl Naymanbay «5 gektar alqapqa jemis aghashtaryn otyrghyzghan edik, endi ónimin alyp jatyrmyz. Almany jaz boyy auyl arasyna qoljetimdi baghamen ótkizdik. Alma kóshetteri әli jas, aldaghy uaqytta ónim kólemi arta týsedi dep otyrmyz. Ónimdi ótkizude eshqanday problema joq, halyq dәmdi almany jaqsy alyp jatyr» deydi.

Kórmege «Altynbek» qojalyghynyng almasy, «Tәjihan» sharuashylyghynyng qyryqpa qauyny, «Salyqbay» sharuashylyghy óndirgen jýzim, jerjanghaq, «Oral» sharuashylyghynyng qara qarbyzy, «Beybit» sharuashylyghynyng baqsha ónimderi, «Jandos» sharua qojalyghynyng kókónisteri, «Shapaghat» sharuashylyghynyng bidayy men jýgerisi qoyylghan. Sonymen birge, «Aqilgek» qojalyghy dayyndaghan qymyrannan da kópshilik auyz tiydi. Auyl túrghyndarynyng qolynan shyqqan qúrt pen sary may, qymyz ben qaymaq kórmening sәnin asha týsti.

Mәdeniyet sarayynda auyldyng әleumettik-ekonomikalyq damuyna atsalysyp jýrgen memlekettik qyzmetshiler men qoghamdyq júmystardyng ortasynda jýrgen auyl biylerine, kәsipker azamattargha, ýzdik múghalimder men dәrigerlerge audan әkimining marapattary tabys etildi. Sonday-aq, Aqshengeldining әkimi Ordabay Sahov on nominasiya boyynsha eng ýzdik degen qyzmetshiler men auyl enbekkerlerine syi-siyapat tapsyrdy.

Audan әkimi Arman Abdullaev pen auyl әkimi Ordabay Sahov biraz jyldan beri tósek tartyp jatqan Myrzahmet Qasymovtyng shanyraghyna at basyn búrdy. Tәuelsizdik alghan alghashqy qiyn kezderde auyl әkimi bolyp 7 jyl qyzmet atqarghan el aghasynyng kónilin súrap, әngime-dýken qúrdy. Tәuelsizdikting 25 jyldyq merekesimen jәne qarttar kýnimen qúttyqtap, azyq-týlik sebetin tabys etti.

Múnan keyin audan basshysy men auyl aqsaqaldarynyng qatysuymen «dóngelek ýstel» mәjilisi ótti. Jiyn barysynda auyldyng tynys-tirshiligi, bereke-birligi jóninde keleli әngimeler aitylyp, azamattar oi-pikirlerimen bólisti.

Ádil ÁBDIRAMANOV. Shardara audany.

Abai.kz