شاردارا اۋدانىنداعى اقشەڭگەلدi اۋىلدىق وكرۋگiندە ەل تاۋەلسiزدiگiنiڭ 25 جىلدىعىنا ارنالعان ايتۋلى iس-شارا ءوتتi. «باق قونعان، قۇت دارىعان اۋىلىم» تاقىرىبىمەن وتكەن مەرەكەلiك شاراعا قاتىسقان تۇرعىندار اۋىل شارۋاشىلىعى ونiمدەرiنiڭ كورمەسiن تاماشالادى. وعان «اق التىن»، «ەگiزقۇم» جالپى ورتا مەكتەپتەرi مەن «دينارا» جانە «قارلىعاش» بالاباقشا ۇجىمدارى دايىنداعان ءتۇرلi بۇيىمدار قويىلدى.

مەرەكەلiك iس-شارا اۋىل جاستارىنىڭ فلەشموبىمەن باستالدى. Iس-شاراعا ارنايى قاتىسقان اۋدان اكiمi ارمان ابدۋللاەۆ اۋىل تۇرعىندارىن تاۋەلسiزدiكتiڭ 25 جىلدىق مەرەكەسiمەن قۇتتىقتادى.

اقشەڭگەلدi اۋىلىنىڭ تۇرعىندارى مالشىلىقپەن دە، ديقانشىلىق پەن دە اينالىسادى. مۇنداعى ديقاندار ءونiمنiڭ بارلىق ءتۇرiن ەگەدi دەسە دە بولادى. بەرەكەلi اۋىلدىڭ مولشىلىعى كورمەدەن دە كورiنiس تاپتى. شارۋا قوجالىقتارى تاۋەلسiزدiكتiڭ 25 جىلدىعىنا اۋىل شارۋاشىلىعى ونiمدەرiنiڭ 25 ءتۇرiن شىعارىپ، كورمەگە ۇسىندى. ينتەنسيۆتi باق رەتiندە وتىرعىزعان الماسى مەن بەكەسiن اكەلگەن «راحىم» شارۋا قوجالىعىنىڭ ءتورايىمى امانكۇل نايمانباي «5 گەكتار القاپقا جەمiس اعاشتارىن وتىرعىزعان ەدiك، ەندi ءونiمiن الىپ جاتىرمىز. المانى جاز بويى اۋىل اراسىنا قولجەتiمدi باعامەن وتكiزدiك. الما كوشەتتەرi ءالi جاس، الداعى ۋاقىتتا ءونiم كولەمi ارتا تۇسەدi دەپ وتىرمىز. ءونiمدi وتكiزۋدە ەشقانداي پروبلەما جوق، حالىق ءدامدi المانى جاقسى الىپ جاتىر» دەيدi.

كورمەگە «التىنبەك» قوجالىعىنىڭ الماسى، ء«تاجiحان» شارۋاشىلىعىنىڭ قىرىقپا قاۋىنى، «سالىقباي» شارۋاشىلىعى وندiرگەن ءجۇزiم، جەرجاڭعاق، «ورال» شارۋاشىلىعىنىڭ قارا قاربىزى، «بەيبiت» شارۋاشىلىعىنىڭ باقشا ونiمدەرi, «جاندوس» شارۋا قوجالىعىنىڭ كوكونiستەرi, «شاپاعات» شارۋاشىلىعىنىڭ بيدايى مەن جۇگەرiسi قويىلعان. سونىمەن بiرگە، «اقiلگەك» قوجالىعى دايىنداعان قىمىراننان دا كوپشiلiك اۋىز تيدi. اۋىل تۇرعىندارىنىڭ قولىنان شىققان قۇرت پەن سارى ماي، قىمىز بەن قايماق كورمەنiڭ ءسانiن اشا ءتۇستi.

مادەنيەت سارايىندا اۋىلدىڭ الەۋمەتتiك-ەكونوميكالىق دامۋىنا اتسالىسىپ جۇرگەن مەملەكەتتiك قىزمەتشiلەر مەن قوعامدىق جۇمىستاردىڭ ورتاسىندا جۇرگەن اۋىل بيلەرiنە، كاسiپكەر ازاماتتارعا، ۇزدiك مۇعالiمدەر مەن دارiگەرلەرگە اۋدان اكiمiنiڭ ماراپاتتارى تابىس ەتiلدi. سونداي-اق، اقشەڭگەلدiنiڭ اكiمi ورداباي ساحوۆ ون نوميناتسيا بويىنشا ەڭ ۇزدiك دەگەن قىزمەتشiلەر مەن اۋىل ەڭبەككەرلەرiنە سىي-سياپات تاپسىردى.

اۋدان اكiمi ارمان ابدۋللاەۆ پەن اۋىل اكiمi ورداباي ساحوۆ بiراز جىلدان بەرi توسەك تارتىپ جاتقان مىرزاحمەت قاسىموۆتىڭ شاڭىراعىنا ات باسىن بۇردى. تاۋەلسiزدiك العان العاشقى قيىن كەزدەردە اۋىل اكiمi بولىپ 7 جىل قىزمەت اتقارعان ەل اعاسىنىڭ كوڭiلiن سۇراپ، اڭگiمە-دۇكەن قۇردى. تاۋەلسiزدiكتiڭ 25 جىلدىق مەرەكەسiمەن جانە قارتتار كۇنiمەن قۇتتىقتاپ، ازىق-تۇلiك سەبەتiن تابىس ەتتi.

مۇنان كەيiن اۋدان باسشىسى مەن اۋىل اقساقالدارىنىڭ قاتىسۋىمەن «دوڭگەلەك ۇستەل» ءماجiلiسi ءوتتi. جيىن بارىسىندا اۋىلدىڭ تىنىس-تiرشiلiگi, بەرەكە-بiرلiگi جونiندە كەلەلi اڭگiمەلەر ايتىلىپ، ازاماتتار وي-پiكiرلەرiمەن ءبولiستi.

ءادiل ءابدIرامانوۆ. شاردارا اۋدانى.

Abai.kz