Senbi, 19 Qazan 2019
Käsip-tübi näsip 2403 0 pikir 20 Qazan, 2016 sağat 18:44

EKSPO-2017 KÖRMESİNİÑ PAVIL'ONDARI QAZAN AYINIÑ SOÑINDA TAPSIRILADI

Qazan ayınıñ soñında EKSPO mamandandırılğan körmesiniñ barlıq pavil'ondarı tapsırıladı. Qwrılıs jwmıstarı 100 payızğa ayaqtalğan. Bwl turalı bügin «Astana EKSPO-2017» Wlttıq kompaniyası» AQ Halıqaralıq qatısuşılarmen jwmıs departamentiniñ basşısı Il'ya Orazaqov ayttı, dep habarlaydı Baq.kz tilşisi.

«Kelesi jılı Astanada ötetin EKSPO körmesine 110 memleket qatısatına eşqanday kümänimiz joq. Äli de qatısuşılarğa ötiniş beruge uaqıt bar. Tirkeu jwmıstarı jalğasıp jatır. Bügingi tañda resmi türde 104 qatısuşı öz ötinişterin berdi. Osı rette, men bir qızıqtı derekti ayta keteyin. Eger Qazaqstandağı EKSPO körmesine 110 memleket qatısatın bolsa, üzdik üştiktiñ qatarına enemiz. Sebebi, bwğan deyingi körmelerde 110-nan köp qatısuşısı bolğan eki ğana körme bar. Birinşisi – Portugaliya. Pireney tübeginde ötken körme jwmısına 140 memleket qatısqan. Al ekinşi orındağı Qıtaydağı körmege 121 memleket kelgen. Sondıqtan Qazaqstannıñ bwl jağınan «qola jülde» aluğa mümkindigi bar», – Il'ya Orazaqov.

Onıñ aytuınşa, wlttıq kompaniya qazirgi kezde ärbir qatısuşığa qoldau bildiru maqsatında köptegen jwmıstar istep jatır eken.

«Bwl közge körinbeytin jwmıs. Departament kün sayın qatısuşılarğa qoldau körsetedi. Ärqaysına jeke-jeke köñil bölu kerek. Ärbir memlekettiñ öz josparı, tapsırması bar. Osı körme ayasında belgili bir jetistikti bağındırudı közdeydi. Sondıqtan «Astana EKSPO» kompaniyası diplomatiyalıq qarım-qatınastan bölek, ärbir qatısuşımen jeke de jwmıs istep jatır. Biz qatısuşılarmen äriptestik, dostıq jäne käsibi baylanıs ornatudı közdeymiz», – dep atap ötti wlttıq kompaniya ökili.

Departament basşısınıñ mälimeti boyınşa, körmege qatısuşılardıñ üş ay boyı atqaratın jwmıstarınıñ küntizbesi jasalıp jatır.

Ayta keteyik, EKSPO mamandandırılğan körmesiniñ qwrılıs jwmıstarı tolıqtay derlik ayaqtalğan. Qazan ayınıñ soñında barlıq pavil'ondar tolığımen tapsırıladı.

Abai.kz

0 pikir