Týlkibas audanynda  kezinde almanyng «Aport» sortyn ósirip, óndirumen aty shyqqan. Óitkeni almanyng atalmysh búl sortyn ósiru ýshin tandalyp alynghan jer alqaby teniz dengeyinen 900 metrden joghary biyiktikte boluy kerek. Týlkibas audany osynday aimaqta ornalasqan ónir. Sondyqtan bolar audanda qazirgi kezde almanyng «Aport» sortyn ósirip jýrgen sharuashylyqtardyng sany jyldan jylgha ósip, audan kóleminde  200,0 gektargha jetti. Búl sort qysqa meylinshe tózimdi, 7-8 jyldan keyin ónim beredi. Jemisi iri keledi, bir almasynyng salmaghy 500-600 gramgha deyin jetedi, týsi alqyzyl bolyp keledi. Búl sorttyng jemisi qyrkýiek aiynda pisedi, qantar aqpan ailaryna deyin erkin saqtaugha bolady.

Ayta ketu kerek, Ontýstik Qazaqstan oblysyndaghy almasymen aty shygha bastaghan  Týlkibas audanynda turizm men alma, sýt klasterin damytu da qyzu qolgha alynghan. Auylsharuashylyghy salasyna airyqsha kónil bólingen audanda 1991-2016 jyldar aralyghynda 1619,5 gektar jerge alma bau men jýzimdikter egilip, 13,5 gektargha jylyjay salynghan bolsa, 4474 gektar jerge tamshylatyp suaru әdisi engizilgen.

Sýt ónimderining sapalylyghymen erekshelenetin «Maylykent sýt», «Dos biy» kәsiporyndarynyng ónimderi býginde oblys, tipti respublika júrtshylyghyna jaqsy tanylyp keledi. Kýnine 22,3 tonna sýt qabyldaytyn 13 beket júmys isteydi. Audannyng jalpy ónirlik ónimi biyl 54 milliard tengege jetti. Osy jalpy ónimdi Týlkibastyng әrbir túrghynyna shaqqanda 500 myng tengeden keledi. Búl - airyqsha atap ótuge túrarlyq joghary kórsetkish.

 Audanda  kәsipkerlik salasy da jyldan-jylgha órkendeude. Mәselen, memleket tarapynan berilip otyrghan baghdarlamalar arqyly audanda 1026 joba qarjylandyrylyp, belsendi jeke kәsipkerler sany ýsh myngha juyqtaghan. Al tartylghan investisiya kólemi 1991 jyly 37 million tengeni qúrasa, biyl 19 milliard 474 million tengege jetken. Jalpy alghanda tәuelsizdik jyldary audangha 177 milliard tenge investisiya tartylghan. Sonyng ishinde jergilikti jeke sektordyq esebinen 38,7, shetel investorlarynan 80 milliard tenge qúiylghan. Osy sekildi júmystardyng arqasynda audannyng budjeti de jyldan jylgha artumen keledi. Salystyrmaly týrde alsaq, osydan 25 jyl búrynghy budjet qazir on esege deyin artyp, 2 milliard 335 million tengeni qúrady. Sonyng arqasynda audanda kóptegen әleumettik mәseleler ong sheshimin tabuda.

 Ónerkәsip salasy ekonomikamyzdyng manyzdy salalarynyng birine jatady. Búl salada da ilgerileushilik bar. Ónerkәsip ónimining kólemi osy jyly 18,7 milliard tengeni qúrady. Aytylyp otyrghan merzim ishinde audanda 12-den astam orta jәne shaghyn kәsiporyndar ashylghan. Shaghyn kәsipkerlikpen ainalysatyn túlghalardyng sany 259 birlikti qúrap, 3 esege ósti. Kәsipkerlikpen ainalysatyndar qatary 17 315 adamgha jetti. Búl turaly audan әkimi Áuelhan Túrghymbekov jurnalistermen ótkizgen brifing barysynda mәlimdedi.

Abai.kz