Särsenbi, 16 Qazan 2019
«Soqır» Femida 4698 0 pikir 4 Qazan, 2016 sağat 11:32

SALAFITTERMEN TÜYEQWS SEKİLDİ KÜRESİP JATIRMIZ...

Özine qauip töngende tüyeqws basın qwmğa tığa qoyadı eken. Alıp denesi sırtta qalğanında şaruası joq, «özin tığılıp twrmın» dep oylaytın bolsa kerek. Bizdiñ bügingi tañda eldiñ berekesin alıp, talay azamatımızdı ajal qwştırğan salafizm ağımımen küresimiz däl sol tüyeqwstıñ qılığınday körinedi.

Birinşiden, salafizmmen küres saqal qiıp, balaq wzartumen jürmeydi. Köşeden olardı wstap alıp, qamağan sayın, ıza tuğızıp kektene beretinin eskersek, bizdiñ şendiler öte qauipti joldı tañdağanın köresiz.

Ekinşiden, qazir Siriyağa jihad jasauğa ketip, oralıp jatqandardıñ bärin türmege toğıtıp jatırmız. Olar sol abaqtıdağı azamattardı ulap jatuı äbden mümkin jağday.

Üşinşiden, keşe Aqtöbede jat ağımnıñ jeteginde ketken on jigit äsker qatarına alınbağanı habarlandı. Arnayı komissiya olardıñ dini közqarastarınan qorqıp irikteuden ötkizbegen körinedi. Radikaldardıñ qorğanıs salasına kirip, iritki saluınan qorıqqan qwzırlı organdar küzgi şaqırılımğa kelgenderdi jiti süzgileude eken. Otan aldındağı borışın öteuge mindetti jastardı medicinalıq tekseruge şaqırmastan bwrın jeke isterin tekserilipti. Eger Wlttıq qauipsizdik komiteti men İşki ister departamentiniñ tizimine ilikkender bolsa äskerge jolatpaydı. Biıldıqqa on jigit ekstremistik wstanımdarı üşin, tağı biri baptisterdiñ uağızşısı bolğandıqtan äskerden şettetilgen. 

Sonda bizdiñ qwziretti organdar on jigitti äskerden şettetu arqılı salafizmmen kürespek pe?

Salafizmmen küres bwlay jürmeui kerek? Birinşiden, salafizmdi astırtın qoldaytın Resey, Türkiya, BAÄ sekildi elderden keletin qauipti süzgiden ötkizgen dwrıs. «Olarmen sayasi qarım-qatınas qalay bolğanı jön, salafizmdi tejeu üşin qanday qadamdar jasau kerek?» degen sekildi swraqtarğa ğılımi twrğıda  jauap berilui qajet.

Ekinşiden, türmedegi dini fanattardı oqşaulap wstau mäselesi qolğa alınıp, olardıñ betin beri qaratudıñ keşendi jwmısı jürgizilgeni jön.

Üşinşiden, elimizdegi osı ağımdı qarjılandıratın ortalıqtar anıqtalıp, salafitterdiñ serkeleri zañ aldında jauap berui kerek.

Törtinşiden, Din isteri ministrligi men Dini basqarma salafittik bağıttağı uağız jürgizuşilerdi tizimge alıp, olardıñ uağızı äleumettik jelilerde taralmauın qadağalau qajet.

Besinşiden, memlekettik qızmet pen aqparat qwraldarında eñbek etip jürgen barlıq azamattardıñ senimi tekseruden ötip, qauipti joldı tañdağandar qızmetten alastatıluı qajet.

Altınşıdan, salafizmmen küres Aqtöbede ğana jürmeui tiis. Qazaqstannıñ bükil aumağında salafizmniñ qateri jaylı türli jiındar wyımdastırılıp, qajet bolğan jağdayda köşelerge ünparaqtar ilinui kerek.

Osı atalğan küres jolın tañday almasaq, biz salafizm ağımın qoldaytın el bolğanımız. Şındığın aytayıq, qazirgi jat ağımmen küresimiz tüyekwstıñ qılığınday külkini keltiredi. Ülken qalalarda bizdi qorğaydı degen işki ister departamentteriniñ ğimarattarı tas qorğanmen qorşalıp jatır. Bwl tüyeqwstıq emey nemene?

Şäriphan Qaysar

Abai.kz

0 pikir