Seysenbi, 25 Aqpan 2020
Jañalıqtar 2868 0 pikir 30 Qaraşa, 2016 sağat 17:55

«Almaty Invest-2016» IV Halıqaralıq investiciyalıq forum ötedi

Almatıda 7-9 jeltoqsanda Ortalıq Aziyadağı eñ iri investiciyalıq is-şara – «Almaty Invest-2016» IV Halıqaralıq investiciyalıq forum  ötedi. Bwl turalı Almatı qalası äkimdiginiñ baspasöz qızmeti habarlaydı.

«Almaty Invest-2016» forumı – bwl qazaqstandıq jäne halıqaralıq investorlarğa investiciyalıq mümkindikter wsınu jäne olardı talqılau boyınşa ötetin is-şara. Forum qoğam, biznes jäne memleket arasında özara is-qimıl jasauğa arnalğan aşıq alañ bolıp tabıladı. İs-şara jıl sayın Almatı qalasınıñ äkimdigimen ötkiziledi. İs-şara barısında 300 mlrd. teñgege investiciyalıq jobalar boyınşa memorandumdarğa qol qoyu josparlanıp otır.

Forum bağdarlaması üş künge eseptelgen. 7 jeltoqsanda Almatı qalası äkiminiñ törağalıq etuimen öñirlik investorlar keñesiniñ mäjilisi ötedi. 8 jeltoqsanda forumnıñ negizgi bağdarlaması ötedi, onda Almatı qalasınıñ sauda jäne qızmet körsetu salası, tamaq önerkäsibi, iskerlik turizm, memlekettik-jeke seriktestik jäne industrialdıq damu sekildi 5 basım bağıtı boyınşa investiciyalıq mümkindikteri talqılanatın boladı. Spikerler retinde Carrefour, Leroy Merlin, Sanlas Holding, Tokyo Rope, EuroShop, UBS Asset Management, Düniejüzilik bank, EFKO jäne basqa da wyımdardı qosa alğanda, qalağa investiciya salğan nemese investiciyalaudı josparlap otırğan iri halıqaralıq wyımdardıñ basşıları şaqırıldı.

9 jeltoqsan äreket etip jürgen käsiporındar, önerkäsiptik aymaqtar men turistik nısandar boyınşa qızığuşılıq tanıtqan investorlar üşin investiciyalıq turlar ülgisinde ötedi. Bwdan basqa, KASE qor birjası jwmısınıñ tetikteri boyınşa seminar ötkizu, sonday-aq «Almaty StartUp City» forumın ötkizu josparlanğan, onıñ şeñberinde «Almaty StartUp City-2017» bağdarlamasınıñ tanıstırılımı körsetiledi, almatılıq startaperler üşin şeber-klasstar men vorkşoptar ötedi.

Abai.kz

0 pikir