سەنبى, 25 قاڭتار 2020
جاڭالىقتار 2817 0 پىكىر 30 قاراشا, 2016 ساعات 17:55

«Almaty Invest-2016» IV حالىقارالىق ينۆەستيتسيالىق فورۋم وتەدى

الماتىدا 7-9 جەلتوقساندا ورتالىق ازياداعى ەڭ ءىرى ينۆەستيتسيالىق ءىس-شارا – «Almaty Invest-2016» IV حالىقارالىق ينۆەستيتسيالىق فورۋم  وتەدى. بۇل تۋرالى الماتى قالاسى اكىمدىگىنىڭ ءباسپاسوز قىزمەتى حابارلايدى.

«Almaty Invest-2016» فورۋمى – بۇل قازاقستاندىق جانە حالىقارالىق ينۆەستورلارعا ينۆەستيتسيالىق مۇمكىندىكتەر ۇسىنۋ جانە ولاردى تالقىلاۋ بويىنشا وتەتىن ءىس-شارا. فورۋم قوعام، بيزنەس جانە مەملەكەت اراسىندا ءوزارا ءىس-قيمىل جاساۋعا ارنالعان اشىق الاڭ بولىپ تابىلادى. ءىس-شارا جىل سايىن الماتى قالاسىنىڭ اكىمدىگىمەن وتكىزىلەدى. ءىس-شارا بارىسىندا 300 ملرد. تەڭگەگە ينۆەستيتسيالىق جوبالار بويىنشا مەموراندۋمدارعا قول قويۋ جوسپارلانىپ وتىر.

فورۋم باعدارلاماسى ءۇش كۇنگە ەسەپتەلگەن. 7 جەلتوقساندا الماتى قالاسى اكىمىنىڭ توراعالىق ەتۋىمەن وڭىرلىك ينۆەستورلار كەڭەسىنىڭ ءماجىلىسى وتەدى. 8 جەلتوقساندا فورۋمنىڭ نەگىزگى باعدارلاماسى وتەدى، وندا الماتى قالاسىنىڭ ساۋدا جانە قىزمەت كورسەتۋ سالاسى، تاماق ونەركاسىبى، ىسكەرلىك تۋريزم، مەملەكەتتىك-جەكە سەرىكتەستىك جانە يندۋستريالدىق دامۋ سەكىلدى 5 باسىم باعىتى بويىنشا ينۆەستيتسيالىق مۇمكىندىكتەرى تالقىلاناتىن بولادى. سپيكەرلەر رەتىندە Carrefour, Leroy Merlin, Sanlas Holding, Tokyo Rope, EuroShop, UBS Asset Management, دۇنيەجۇزىلىك بانك، ەفكو جانە باسقا دا ۇيىمداردى قوسا العاندا، قالاعا ينۆەستيتسيا سالعان نەمەسە ينۆەستيتسيالاۋدى جوسپارلاپ وتىرعان ءىرى حالىقارالىق ۇيىمداردىڭ باسشىلارى شاقىرىلدى.

9 جەلتوقسان ارەكەت ەتىپ جۇرگەن كاسىپورىندار، ونەركاسىپتىك ايماقتار مەن تۋريستىك نىساندار بويىنشا قىزىعۋشىلىق تانىتقان ينۆەستورلار ءۇشىن ينۆەستيتسيالىق تۋرلار ۇلگىسىندە وتەدى. بۇدان باسقا، KASE قور بيرجاسى جۇمىسىنىڭ تەتىكتەرى بويىنشا سەمينار وتكىزۋ، سونداي-اق «Almaty StartUp City» فورۋمىن وتكىزۋ جوسپارلانعان، ونىڭ شەڭبەرىندە «Almaty StartUp City-2017» باعدارلاماسىنىڭ تانىستىرىلىمى كورسەتىلەدى، الماتىلىق ستارتاپەرلەر ءۇشىن شەبەر-كلاسستار مەن ۆوركشوپتار وتەدى.

Abai.kz

0 پىكىر