Jeksenbi, 22 Qırküyek 2019
Ekonomika 1233 0 pikir 22 Qaraşa, 2016 sağat 00:00

Almatı bolaşağı - G4 City sputnik-qalalar

Keşe oñtüstik astanamızğa jwmıs babımen kelgen QR Prem'er-ministriniñ birinşi orınbasarı Asqar Mamin qaladağı birqatar qwrılıs nısandarında boldı    

QR Prem'er-ministriniñ birinşi orınbasarı Asqar Mamin Almatı aglomera­ciyasınıñ soltüstigindegi sputnik-qalalardıñ qwrılıs barısın körip qayttı. G4 City sputnik-qalalar bolaşağımızdıñ örkeni desek boladı.  Mwnda Gate City, Golden City, Growing City jäne Green City sındı tört sputnik-qaladan twratın jobanı jüzege asıru josparlanğan.

– 2017 jıl – G4 City jobasın jüzege asırudıñ bastaması dep aytuğa tolıq negiz bar, infraqwrılım dayın twr. Endi industriyalıq, twrğın üy, logistikalıq aymaqtağı jwmıstar igeriledi, – dedi A.Mamin. Sonımen qatar, ol investiciya tartuğa bar jağday jasalğanın, qajetti köliktik, injenerlik infraqwrılımdardıñ dayın ekenin atap ötti. «Investorlarmen belsendi jwmıs isteu qajet. Tikeley investiciyalardı qamtamasız etuimiz kerek», – dep tapsırdı. Gate City aumağında «Bereke» industriyalıq aymağı ornalasatın boladı.

 Asqar Mamin kelesi jılı säuirde «Altın Orda» bazarı audanındağı Almatı — Bişkek jolın qayta jañartudı bastaudı tapsırdı. «Altın Orda» bazarı aumağındağı Almatı — Bişkek jolı 17-19 şaqırımdı qwraydı. Qazir  ol tört jolaqtı ğana bolıp twr. Jöndeu jwmıs­tarınan keyin 10 jolaqqa deyin keñey­tiledi», – dedi «QazAvtoJol» kompaniya­sınıñ ökili.  Joba qwnı 10 mlrd. teñge, onıñ 5,5 mlrd. teñgesi jol jöndeuge jwmsaladı. Sonday-aq, joba boyınşa jerüsti jayau jürginşi ötkeli men üş aynalma estakada salu közdelgen.

– Birinşi toqsanda jobalıq-smetalıq qwjattamanı ayaqtap, säuirde jwmısqa kirisudi tapsıramın. Bwl qaladan şığa­beris – öte kürdeli mäsele. Biz joldı 10 jolaqqa deyin keñeytemiz. Bwl kölikterdiñ jüru jolın jeñildetip, jüktemeni azay­tadı, – dep atap ötti Prem'erdiñ orın­basarı.

Nısandardı aralau kezinde  Prem'er-ministriniñ birinşi orınbasarı Asqar Mamin metropoliten qwrılısınıñ barısımen tanıstı. Elimizdegi eñ ülken megapolis üşin qoğamdıq kölik mäselesi­niñ oñ şeşim tabuı ayrıqşa mañızdı. Bwl orayda Almatı metrosınıñ jwmısın jandandıru asa özekti närse bolıp twr.

– Jañadan salınıp jatqan «Sarı­arqa» men  «Dostıq» stansalarınıñ   qw­rılısın 2020 jılı ayaqtau bastı min­detimiz bolıp twr. Biz qarjılandıru mäse­lesin qayta qaraymız. Bwl jobalar jüzege asqannan keyin qoğamdıq kölikterdegi jo­lau­şılar tasımalın eki ese azaytuğa kö­mek­tesedi. Eñ bastısı, jolauşılar ağı­nı 45 mıñnan 85-90 mıñğa deyin met­roğa auısatın boladı, – dedi Asqar Mamin.

Almatı metropoliteniniñ ökilderi birinşi Vice-prem'erge «Mäskeu» stansa­sınan «Dostıq» stansasına deyingi aralıq 3,1 şaqırımdı qwraytının ayttı.

– Biz qazir avtobustıq habarlamalardı metroğa jinaqtaudamız. Barlığı osığan baylanıstı, jolauşılardı metroğa qaray tartuımız kerek. Künine 85-90 mıñ jolauşı tasımaldau – qaladağı qozğa­lıstı jeñildetedi. Bwl mañızdı joba, – dedi Almatı qalasınıñ äkimi Bauırjan Baybek.

Qazirde «Qalqaman» jäne «Batıs avto­vokzalı» jaña eki stansasın jobalauğa qarjı bölingen. Metropoliten soltüstik bağıtta G4 City-ge deyin sozılatın boladı.

abai.kz

0 pikir