Kópten ən de, ənshi de, jalpy eshkim únamay jýrgen. Qalyptylyqtan sharshaytyn tolaghay-keudege bir tónkeris keregi anyq-ty!..

Sóitsem ol shynayy ónerge susaghan eken! Al, shynayy dauys - taudan qúlaghan sarqyrama ispetti eken! Ol qalay qúlap aghady? Ol qayda baryp toqtaydy? Ol qansha kólemde, qansha uaqytqa deyin sarqyrap jatatyn su? Onyng barlyghy bir boyyna sonsha qasiyetti qiyp bergen Jaratqannyng esebinde. Bizding biletinimiz - onyng biregey ekeni!

Dimashtyng ghasyrda bir ret tuatyn ghajap qúbylys ekenin muzykatanushy Berik Jýsip aghamyz ol əu dep bastaghanda-aq aitqan-dy. "Dauysy alty qyrdan asatyn"keshegi Aqan serilerding dauys quaty osynday-aq bolghan shyghar?!

Tek tənir til-kózden saqtasyn!

Bizde óner - ólermenning ne aqshasy kóp erketaydyng ghana sharuasy bolyp túrghan zamanda Qanat aghamyz ben Sveta apamyz kózining qarashyghyn "soqtyqpaly-soqpaqsyz jolgha" qiyp qana qoymay, sonyng terenine boylatyp, marjanyn sýzdirip te kórgen eken!

On alty jyl boyy muzykadan dәris alu ýshin "nota jep,"" notamen tynys alu" ghana kerek shyghar?!
Ən qazir ənshige ghana qajet. Bir qúrbym: "men ədebiyetke paydaly salany zerttep, janalyq ashyp, ghylymgha ýles qosu ýshin enbek etip, sol ýshin taghy aqsha beremin be?" dep edi. Bizdegi óner de sonyng keypinde!

Ən tabasyn. Ony aqshana óndetesin. Ony aityp shyghu ýshin kiyim alasyn, boyanasyn. Beynebayan týsiresin. Ony uday aqshagha telearnagha "raskrutkagha" beresin. Ol ən hit bola ma bilmeysin. Konsertke qatysa alasyng ba... taghy belgisiz. 

Sóitip itshilep jýrip, tasbaqa-ayanmen jýrip kele jatasyn...

Toygha barmasqa lajyng joq. Əldekimning quanyshyna ortaqtasyp, búiyrghan jerde, belgisiz bir əmirge baghynyp otyrasyn.

Joldasym sening júmysyng onay degende aitatynym: "Sende bir bastyq, bir kense. Al men býgin kim bastyq bolaryn, qanday kensede, kimdermen jolyghatynymdy bilmeymin" dep jauap beremin. Toy - materialdyq qajetindi ósirgenmen, shygharmashylyq quatyndy shekteytin, óz-ózindi úgha almay, "jabylyp"qaludyng alany!

Toy men toydyng arasynda ómir ótip jatady!..

Sondyqtan ózi qarjy tauyp, sonshama jyl izdenip, elding atyn shygharyp otyrghan qarshaday bala bəygege týsip: "elim ne dep jatyr?" dep biz jaqqa búrylghanda tek qoldap otyrayyq!

Ol Alashtyng mandayyna bitken arda úl!

Úl tapsang osylay-aq tap!

Bəyge alsyn, almasyn, ony tóbemizge kóterip qarsy alayyq! Ony toy-tomalaqqa jibermey, stadiondardy bosatyp bereyik! Endi Dimash ən salsyn!

Búl - Dinmúhammed Qúdaybergenovting dәuiri!

Əriyne, barlyq uaqytta bir ənshini tynday beru mýmkin emes. Ərtýrli ənshi qajet-aq. 

Degenmen úyat sezimi oyansyn! 

Ol bizdi kóterip jatqanda biz ənge degen kózqarasymyzdy, ənshini qoshemetteytin ishki mədeniyetimizdi týzeyik!

Sonda birigip ketemiz!

Dimash - qazaqty biriktiretin quatty esim!

Roza Álqoja

Facebook-tegi paraqshasynan