Manghystaulyq kelinshek egizderding ornyna kýtpegen jerden ýshem bosandy!

           curet www.lada.kz saytynan alyndy

Manghystau oblysynda 2017 jyldyng alghashqy ýshemi dýniyege keldi. Olar 13 qantar kýni júmada dýnie esigin ashqan. Al ata-anasy men dәrigerler egiz bolady dep oilaghandyqtan, ýshemder kýtpegen quanyshqa ainaldy. 

Aqmaral Jalajanova 12 qantar kýni jaghdayy nasharlap, jansaqtau bólimine týsken bolatyn.

"13 qantar kýni ony otagha jatqyzu sheshimin shyghardyq. Jýktilikting 34 aptasynda bolghan kelinshekti shúghyl otagha jatqyzdyq. Ota kezinde eki emes, ýsh nәresteni alyp shyqtyq", - deydi otany ótkizgen dәriger Japyraq Epenova.

Aqmaraldyng ózi de 33 jasynda batyr ana atanatynyn kýtpegen.  Erli-zayyptylardyng taghy tórt úly bar. Barlyq UDZ qúrsaqta tek eki bala baryn kórsetken.

"Búl kelinshekti jýktiligining bes aptalyghynan bastap  baqylap jýrdik. Almatydaghy UDZ egiz dedi. Aqtauda da tórt ret UDZ-gha týsip, dәl sonday diagnoz aldy. Búl kýtpegen quanysh boldy", - deydi Japyraq Epenova.

Dәriger múnday jayttar óte siyrek kezdesetinin algha tartty.

Alghash bolyp saghat 12:00-de dýniyege kópten kýtken qyz bala keldi. Erli-zayyptylar oghan Medina degen esim berdi. Onyng salmaghy - 2270 gramm. Bir minuttan keyin 2480 gramdyq úl bala Núrislam dýnie esigin ashty. Al eldi tang qaldyrghan ýshinshi nәreste Ádemi 1940 gramm bolyp tuyldy.

 Men óte baqyttymyn, Jaratushygha alghysym sheksiz, dәrigerlerge, qasymyzda bolghan barlyq jangha raqmet aitamyn. Ár otbasyna osynday baqyt tileymin", – deydi ýshemning әkesi Janserik Túyaqbaev.

 Saytqa әzirlegen Núsrúlu Naymanova.

 Abai.kz