جۇما, 13 جەلتوقسان 2019
دەپ جاتىر 2629 1 پىكىر 27 قاڭتار, 2017 ساعات 11:59

ماڭعىستاۋلىق كەلىنشەك دارىگەرلەردى اڭ-تاڭ قىلدى!

ماڭعىستاۋلىق كەلىنشەك ەگىزدەردىڭ ورنىنا كۇتپەگەن جەردەن ۇشەم بوساندى!

           cۋرەت www.lada.kz سايتىنان الىندى

ماڭعىستاۋ وبلىسىندا 2017 جىلدىڭ العاشقى ۇشەمى دۇنيەگە كەلدى. ولار 13 قاڭتار كۇنى جۇمادا دۇنيە ەسىگىن اشقان. ال اتا-اناسى مەن دارىگەرلەر ەگىز بولادى دەپ ويلاعاندىقتان، ۇشەمدەر كۇتپەگەن قۋانىشقا اينالدى. 

اقمارال جالاجانوۆا 12 قاڭتار كۇنى جاعدايى ناشارلاپ، جانساقتاۋ بولىمىنە تۇسكەن بولاتىن.

"13 قاڭتار كۇنى ونى وتاعا جاتقىزۋ شەشىمىن شىعاردىق. جۇكتىلىكتىڭ 34 اپتاسىندا بولعان كەلىنشەكتى شۇعىل وتاعا جاتقىزدىق. وتا كەزىندە ەكى ەمەس، ءۇش نارەستەنى الىپ شىقتىق", - دەيدى وتانى وتكىزگەن دارىگەر جاپىراق ەپەنوۆا.

اقمارالدىڭ ءوزى دە 33 جاسىندا باتىر انا اتاناتىنىن كۇتپەگەن.  ەرلى-زايىپتىلاردىڭ تاعى ءتورت ۇلى بار. بارلىق ۋدز قۇرساقتا تەك ەكى بالا بارىن كورسەتكەن.

"بۇل كەلىنشەكتى جۇكتىلىگىنىڭ بەس اپتالىعىنان باستاپ  باقىلاپ جۇردىك. الماتىداعى ۋدز ەگىز دەدى. اقتاۋدا دا ءتورت رەت ۋدز-عا ءتۇسىپ، ءدال سونداي دياگنوز الدى. بۇل كۇتپەگەن قۋانىش بولدى", - دەيدى جاپىراق ەپەنوۆا.

دارىگەر مۇنداي جايتتار وتە سيرەك كەزدەسەتىنىن العا تارتتى.

العاش بولىپ ساعات 12:00-دە دۇنيەگە كوپتەن كۇتكەن قىز بالا كەلدى. ەرلى-زايىپتىلار وعان مەدينا دەگەن ەسىم بەردى. ونىڭ سالماعى - 2270 گرامم. ءبىر مينۋتتان كەيىن 2480 گرامدىق ۇل بالا نۇريسلام دۇنيە ەسىگىن اشتى. ال ەلدى تاڭ قالدىرعان ءۇشىنشى نارەستە ادەمى 1940 گرامم بولىپ تۋىلدى.

 مەن وتە باقىتتىمىن، جاراتۋشىعا العىسىم شەكسىز، دارىگەرلەرگە، قاسىمىزدا بولعان بارلىق جانعا راقمەت ايتامىن. ءار وتباسىنا وسىنداي باقىت تىلەيمىن", – دەيدى ۇشەمنىڭ اكەسى جانسەرىك تۇياقباەۆ.

 

 سايتقا ازىرلەگەن نۇسرۇلۋ نايمانوۆا.

 Abai.kz

1 پىكىر