Senbi, 29 Aqpan 2020
Alaşorda 3513 0 pikir 4 Qañtar, 2017 sağat 15:38

QWLDIQ SANANIÑ QWLPIN AŞQAN TWLĞA

Tarih ğılımında özi akademik atanbasa da,  jasandı 10 akademikke tatitın    ağamız edi. Ortamızdan  mäñgilikke ketkenine 40 kün tolğandağı  äriptes inisiniñ oyları. 

 «Biz qazaq edik, Kök tuı jelbiregen, Jüregi eljiregen. Kök böri wrpağı edik, Közderi möldiregen. Biz qazaq edik, Keudege jalın bergen, Wl-qızğa tälim bergen. Şınında bizder edik, Arı üşin janın bergen. Biz qazaq edik, Ärqaşan wltım degen, Otanım, jwrtım degen».

Ata-babalardan qalğan,  büginde öşip bara jatqan osı  tüsinik-oydı qayta oraltqan,  tarihi eñbekterdi, şığarmalardı ömirge äkelgen ğwlama ĞALIM edi.

Zardıhan Qinayatwlı keñes däuirinde jalğandıqqa tolı bwrmalanıp, tek maqtaumen, tapsırıspen jazılğan tarihi oqiğalardıñ aqiqatın aşıp, olardı şınayı  arnasına  bwrğan tarihşı ğalımdardıñ biri, äri biregeyi,   qazaqtıñ mañdayına bitken  bir-tuar wltjandı azamatı boldı.

Zardıhan ağa sekildi  tarihtı  şeteldik derekterge süyenip şınayı, tereñ  jazatın tarihşı ğalım kemde-kem boldı.  Ağamızdıñ ZARDIHAN dep atalatın  öz esimi sekildi, onıñ tarihşı ğalım retindegi jürgen jolı, jazğan eñbekteri de  dara, qaytalanbaydı.

Ol wlt – Otan tarihın  jazuda orıstarğa täueldi bolıp olardıñ pikirin şındıqqa balap, soğan senip kelgen  qwldıq sana koncepciyasın bwzdı, qazaq tarihına jaña samal, lep äkelip, sanağa sañılau engizip,  wltımızdıñ ötken şınayı-tıñ tarihın ğılımi aynalımğa engizip, onıñ törinen oyıp orın aldı. Ol bilikke emes,  Mwstafa Şoqay atasınday wltına qızmet ettip ketti.  Keybir tarihşılar sekildi tapsırıspen  maqala, kitap jazğan joq. Zardıhan ağamızdıñ jazğan eñbekterin respublika tarihşıları, mwqım qazaq halqı  moyındadı.

Onıñ öz metodologiyası,  bwltartpaytın ayğaq  derekterge  süyengen   qağidası boldı, ol odan taymadı. Qisıq köşemen tüzu jüre bildi.

Ağamız: «...Men qazaqtıñ jastarına senemin. Men qazaqtıñ kärilerine senbeymin. Tipti özime de. Nege deseñiz, bölek psihologiyada tärbielengen adamnıñ sana-sezimin keñestik ideologiya äbden bilep alğan. Kärilerdiñ wlttıq mäselelerge män bergisi kelmeytini sondıqtan» -dep aqiqattı  atap aytqan ğalım.. 

Jağımpazdıqpen  satıp alıp, elge külki bolatın   "Akademik" degen atağı bar   tarihşı-akedmikterdiñ  10-nıñ, olar dayındap qorğatqan 20 şaqtı ğılım doktorınıñ eñbekterin  qosqanda Zardıhan    Qinayatwlınıñ qazaq tarihına siñirgen eñbegine jetpeydi.

 Esenğazı   Quandıq  -

 tarih ğılımdarınıñ doktorı, professor

 2017 jıl, 1 qañtar. 

Abai.kz   

0 pikir