Jeksenbi, 21 Şilde 2019
6660 10 pikir 28 Naurız, 2017 sağat 18:07

Qasım han turalı fil'm tüsiriledi

«Qazaq handığı» telehikayasınıñ jalğası esepti Qasım han turalı tarihi fil'm tüsiriledi. Bwl turalı jazuşı,  «Qazaq handığı» telehikayası scenariy avtorlarınıñ biri Smağwl Elubay «Jas Alaş» gazetine bergen pikirinde aytqan. Onda Smağwl Abatwlı «Qazaq handığı» tarihi jobasınıñ töñiregindegi sınğa jauap bere kelip:

«Qazaq handığı jobasına qatıstı jañalığımız da bar. Osı tarihi jobanıñ jalğası retinde prezident N.Nazarbaev mädeniet jäne sport ministri Arıstanbek Mwhamediwlına Qasım han turalı tarihi fil'm tüsiruge tapsırma berdi. Bizge de tapsırma berilip, biz, scenarister, tarihqa qaytadan kireyik dep jatırmız. Bwl ülken quanış. Qazaq handarınıñ işindegi eñ mıqtı, aytulı han – Qasım. Qazaqtıñ qazirgi territoriyasınıñ negizin sol Qasım han kürespen, şayqaspen jürip qalıptastırğanı belgili. Sondıqtan bwl joba qızıqtı boladı dep oylaymın. Qalıñ körermendi osı bir quanıştı habarmen qwttıqtap qoyayın dep edim» deydi.

 

Qasım – qazaq handıq memleketiniñ nığayuı men damuına zor üles qosqan asa aybarlı han. Onıñ handıq qwrğan twsında qazaq jeriniñ şekarası keñeyip, memlekettiñ damuı, ösui qarqın alğan.

 

Qasım han turalı tarihi kino jobanı qanday rejisser tüsiretini äzirge belgisiz.

 

Nwra Matay

Abai.kz

10 pikir