سەنبى, 23 قاڭتار 2021
8357 10 پىكىر 28 ناۋرىز, 2017 ساعات 18:07

قاسىم حان تۋرالى فيلم تۇسىرىلەدى

«قازاق حاندىعى» تەلەحيكاياسىنىڭ جالعاسى ەسەپتى قاسىم حان تۋرالى تاريحي فيلم تۇسىرىلەدى. بۇل تۋرالى جازۋشى،  «قازاق حاندىعى» تەلەحيكاياسى ستسەناري اۆتورلارىنىڭ ءبىرى سماعۇل ەلۋباي «جاس الاش» گازەتىنە بەرگەن پىكىرىندە ايتقان. وندا سماعۇل اباتۇلى «قازاق حاندىعى» تاريحي جوباسىنىڭ توڭىرەگىندەگى سىنعا جاۋاپ بەرە كەلىپ:

«قازاق حاندىعى جوباسىنا قاتىستى جاڭالىعىمىز دا بار. وسى تاريحي جوبانىڭ جالعاسى رەتىندە پرەزيدەنت ن.نازارباەۆ مادەنيەت جانە سپورت ءمينيسترى ارىستانبەك مۇحامەديۇلىنا قاسىم حان تۋرالى تاريحي فيلم تۇسىرۋگە تاپسىرما بەردى. بىزگە دە تاپسىرما بەرىلىپ، ءبىز، ستسەناريستەر، تاريحقا قايتادان كىرەيىك دەپ جاتىرمىز. بۇل ۇلكەن قۋانىش. قازاق حاندارىنىڭ ىشىندەگى ەڭ مىقتى، ايتۋلى حان – قاسىم. قازاقتىڭ قازىرگى تەرريتورياسىنىڭ نەگىزىن سول قاسىم حان كۇرەسپەن، شايقاسپەن ءجۇرىپ قالىپتاستىرعانى بەلگىلى. سوندىقتان بۇل جوبا قىزىقتى بولادى دەپ ويلايمىن. قالىڭ كورەرمەندى وسى ءبىر قۋانىشتى حابارمەن قۇتتىقتاپ قويايىن دەپ ەدىم» دەيدى.

 

قاسىم – قازاق حاندىق مەملەكەتىنىڭ نىعايۋى مەن دامۋىنا زور ۇلەس قوسقان اسا ايبارلى حان. ونىڭ حاندىق قۇرعان تۇسىندا قازاق جەرىنىڭ شەكاراسى كەڭەيىپ، مەملەكەتتىڭ دامۋى، ءوسۋى قارقىن العان.

 

قاسىم حان تۋرالى تاريحي كينو جوبانى قانداي رەجيسسەر تۇسىرەتىنى ازىرگە بەلگىسىز.

 

نۇرا ماتاي

Abai.kz

10 پىكىر