2013 jyly «Qazaqstan aruy» atanghan Ayday Isaeva (surette) KTK arnasyndaghy bir baghdarlamagha qatysyp, orys tilinde pikir bildiredi. Teginde, studiyada, kameranyng aldynda, kim bolsa da abdyrap qalady emes pe? Ayday qaryndasymyz da sóitse kerek. Aydaydyng abyrjyp, orys tilinde oiyn tolyq jetkize almaghan súhbatyn әlgi arnadan Arman Yusupov degen bireu alady da, instagram.com jelisine salyp jiberdi. Sol sol-aq eken, Aydaydyng janylysqanyn aiday әlemge jetkizuge tyrysqan top ony atalghan jelide әjualap, keleke, mazaq ete jóneldi.   

Qúdaydyng qúdireti, men múnday әjuany birinshi ret kórip otyrmyn. Ol boyjetken oryssha sóileuge mindetti de emes, ekinshiden, kameranyng aldynda adamnyng qalay qobaljyp, oiynyng shashyrap ketetinin bәrimiz de bilemiz. Ókinishke qaray, sol balany jaqtap shyqqan qazaqtildi BAQ pen әleumettik jeli әzirge kózimizge týspey túr. Ánsheyinde «qazaq» dep atoy salyp, «elim» dep enirep jýretin batyrlardyng biri de joq. Olargha, sirә, ne bolghan? Týsinbedim. 

Men búl jerde bireuding «basyn jaryp, kózin shygharu» mәselesin aityp otyrghan joqpyn: prinsip degen mәsele bar, búl prinsip mәselesi. Óz elinde, óz jerinde tuyp, ómir sýrip jatqan jandy ózgening tilin bilmeding dep әjualau ne degen súmdyq?!. Oryssha mýlt ketu, sóilemeu, tipti, sóiley almau – búl kýnde kýlki emes. Mysaly, biz qazaqsha sóilep jýrgen, sóiley bastaghan ózge últ ókiline kýlmeymiz ghoy. Kýlu, mazaq etu – kýni bitkenderding tirligi. Bauyrgha basu, baurap alu – tany atqan elding estiligi. Jyrtyndaytyndar jyrtynday bersin. «It sharshasa, ýredi, adam sharshasa, kýledi» degen – osy.  

Arman Yusupov, әiteuir, Aydaydan efirge shyqpaghan súhbatyn әleumettik jelige salyp jibergeni ýshin keshirim súraghan bolyp jatyr. Biraq, mening oiymsha, Ayday Isaevanyng «ar-újdany men iskerlik abyroyyna núsqan keltirip», Azamattyq Kodeksting 143-babyn búzghany ýshin KTK arnasynyng basshylyghy aldymen keshirim súrauy kerek.  

Men Ayday Isaevany qoldaymyn, qazaqtyng bir azamaty, aghasy retinde qaryndasymnyng ar-ojdanyn qorghaymyn!

Erlan SAIROV

Abai.kz