Düysenbi, 16 Qırküyek 2019
Bizdiñ şeneunik 4788 0 pikir 5 Säuir, 2015 sağat 22:54

MAMITBEKOVTİÑ MAQAMI: «AQBAS – ALĞA BAS...»

Batıs elderindegi siyaqtı emes, qazaq elinde qazaqstandıqtardıñ dastarhanın köz aldıña etsiz elestetu mümkin emes. Sodan ba eken, basqa ministrlerge qarağanda auıl şaruaşılığı ministrin qazaqstandıqtar köbirek mazalaydı. Qazaqstandıqtar bolğanda da... köbirek mazalaytındar köbinese bwqaralıq aqparat qwraldarınıñ ökilderi. Obalı ne kerek, bizdegi bwl salanıñ ministri Asıljan MAMITBEKOV mırza eki künniñ birinde halıq küñkili men jurnalister jebesine jii ilinip-aq jatadı. Moyındauımız kerek, äl-äzir «şelektep qwyğan jañbır» arasınan qwp-qwrğaq bolıp... aman-esen ötip kele jatqan ministrlerimizdiñ biregeyi de osı kisi. Al endi bügingi äñgime «älqissası» bılay:

Bizdiñ elimizde ne köp – qoğamdıq wyımdar men qauımdastıqtar köp. Köp bolğanı dwrıs, ärine. Osınday «köpterdiñ» qatarına soñğı jıldarı PALATA degender de «bir büyirlep» kep qosıldı. Atauı äydik, al atqaratın tirligi köbinese köpşilikke beymağwlım. Osınday palatalardıñ biri – qazaqtıñ Aqbas twqımdı iri qarasınıñ Respublikalıq palatası dep ataladı. Külseñiz de, külmeseñiz de, öziñiz bilesiz, qwrmetti oqırman, biraq şındıqtıñ atı – şındıq. Keşe ğana osınau palata müşeleriniñ jalpı jinalısı bolıp ötti. Jinalıstıñ özi mal jarıqtıqqa qatıstı bolğan soñ bwl jinalısqa, älbette, elimizdiñ auıl şaruaşılığı ministri Asıljan Mamıtbekov te qatıstı. Jäy ğana qatısqan joq, «...qaydan şıqqanın bilmeymin, bizdiñ işki rınogımızdı import etter jaulap alıptı degen äñgimeler aytılıp jatır, - dep naq-naq mälimdeme jasadı, - aşığın aytu kerek, bizde alıs-jaqın şet elderden tasımaldanıp jatqan mal eti joq, mwnı dwrıs tüsiniñizder. Biraq ras, importtalğan azın-aulaq etter bar, alayda bwlar et küyinde satılmaydı, bwlar – ärtürli konserviler men şwjıqtar jasauğa arnalğan. Al şwjıq degenimiz et emes qoy...»

Al kerek bolsa! Auıl şaruaşılığı ministri Asıljan Mamıtbekov osılayşa jap-jaña jañalıq aştı. Şwjıq degenimiz et emes eken. Şwjıq etten jasalmaydı eken. Al ol sonda neden jasaladı? Mwnı biz bile almadıq - mwnı basqosuğa qatısıp otırğan mal salasınıñ mamandarı da bile almadı. Ministrdiñ aytuına qarağanda, sonday-aq, bizdiñ elimizde et degeniñiz şamadan tıs köbeyip ketken körinedi, sondıqtan da «artıq etterimizdi» eksporttap jatqan körinemiz. Mäselen, bizdiñ bir kompaniyamız (kompaniya atauın ministr aşıp aytpadı) mäskeulik bir käsiporınmen kelisim-şart jasasıptı – jaqında ğana. Sol kelisim-şart boyınşa osınau kompaniya ay sayın twp-tura bir mıñ tonna etti eksportqa şığarıp jatqan körinedi. «Bwl degeniñiz – bir jılda on eki mıñ tonna et degen söz, - dedi ministr, - osıdan üş jıl bwrınğı 130 mıñ bas şamasındağı iri qara malımız bügingi küni 217 mıñ basqa jetti...»

Oypırmay, ä! Eki jıldıñ işinde eki esege deyin ösip ketken bizdegi mal bası osınşama köp bolsa, onda nege «konserviler men sosiskalardı» (ministrdiñ öz sözi) importtalğan etterden jasap, twtınuşılarımızdı «jarılqap» jürmiz? Mäseleniñ osı jeri onşa-mwnşa miğa qona qoymaydı. Miğa qona qoymaytın mwnday mäselelerdi... ministr mırza da tarqatıp aytıp bere almadı.

Äytse de, osınau basqosudağı bizdiñ jäne bir tañ qalğanımız – Palata jinalısı... qazekeñniñ iri qara malına arnalıp şığarılğan «AQBAS – ALĞA BAS!» dep atalatın jap-jaña änmen ayaqtaldı. Basqosudıñ bir wtqan jeri de osı boldı. Bizdiñ oyımızşa.

Marat MADALIMOV.

 

Abai.kz   

0 pikir