Düysenbi, 16 Qırküyek 2019
Bizdiñ şeneunik 4404 0 pikir 1 Säuir, 2015 sağat 16:18

ŞETELDE OQIMASAÑ, ŞENEUNİK BOLA ALMAYSIÑ…

Säuirdiñ alğaşqı künindegi satiralıq köñil-küy sayasi pamfletke wlasatın siyaqtı. Sebebi, atınan at ürketin Qazaqstan Respublikasınıñ Memlekettik qızmet isteri jäne sıbaylas jemqorlıqqa qarsı is-qimıl agenttigi Jemqorlıq täuekelderin taldau jäne anıqtau basqarmasınıñ basşısı Dinara Janenova (surette) hanımnıñ auzınan şıqqan mına bir sözge ne külerimizdi, ne jılarımızdı bilmey otırmız.

Bügin Ortalıq kommunikaciyalar qızmetinde ötken brifingke kelip kösile söylegen Dinara hanım büy deydi:

-  Memqızmetke tüser (öz sözi, teginde «qabıldanar» dep qabıldau kerek şığar!) aldında ümitkerlerge birqatar joğarı talaptar qoyılatın boladı. Tağı bir ayta keterlik jayt, talaptar qatarına magistratura, sonıñ işinde şeteldik magistratura deñgeyi engizilmek. Nemese, ümitkerdiñ bilimi tolıqtay şeteldik bilim boluı kerek degen talap ta boladı. Bwnıñ sebebi, qazir memlekettik qızmetkerler şeteldik äriptesterimen, şeteldik memlekettik organdarmen köp jwmıs isteydi. Sondıqtan, är türli kelissözder barısında, qanday da bir şeşim qabıldanarda, ükimettik qwjattardı dayındağanda bizdiñ memlekettik qızmetkerlerdiñ bilimi bäsekege qabiletti bolu kerek. Sondıqtan, biz lauazımdardıñ jekelegen türleri üşin talaptı küşeytpekpiz…

Mässağan bezgeldek, sonda otandıq salalıq oqu orındarı jıldar boyına alaşapqın bolıp oqıtıp jatqan jas maman kadrlar… elimizdiñ basqaru organdarında jwmıs jasay almaytın bolğanı ma? Eger, Qazaqstandıq JOO tämamdağan mamandıq iesi alğan diplomımen memlekettik qızmettiñ mañayına jolay almasa, onda Wlttıq statusqa ie bolıp otırğan universitetter men akademiyalardı jabu qajet bolatın şığar?

Älde Janenova hanımnıñ auzımen aytılğan bwl sözder aldağı uaqıtta şet elde bilim alıp kelgen däuletti adamdardıñ balaları men memlekettik tapsırıspen sırtta bilim alıp jatqan at töbelindey toptan basqalarğa lauazımdı qızmettiñ jolı jabıq degendi bildire me?

Mümkin, bwl memlekettik deñgeyde aytılğan äzil me eken, ä… Bäribir sätti şıqpadı!

Abai.kz

0 pikir