Búl – kýlki de, әzil de emes. Býginnen bastap әskery mindetin oryndaudan qashyp, jaltarghandar qatang jazalanady. QR Qorghanys ministrligining baspasóz qyzmeti elimizde әskery boryshyn óteuden jaltaratyndargha jaza kýsheye týsetinin jәne Otan aldyndaghy azamattyq boryshyn ótegisi kelmeytinder 2 mln. tenge kóleminde aiyppúl tóleumen qosa, 3 jylgha deyin bas bostandyghynan da aiyryluy mýmkin ekendigin habarlap otyr. Atalghan zang býginnen, yaghni, sәuirding 1-inen bastap kýshine endi. 2015 jyldyng 1 qantarynan beri QR Qylmystyq kodeksine engizilgen ózgerister men tolyqtyrular osynday qatang sharalardy qarastyruda.

Búghan ne deymiz? «Bәrekeldi!» deymiz be, әlde... әldeqanday pikir aitamyz ba? Qalay desek te, elimizde qorghanys salasyna erekshe mәn berilip, kәmelet jasyna tolghan azamattardyng әskery ómirdi kórip qaytqandyghyn jón kóremiz. Óitkeni, býgingi әlem memleketteri ózining qauipsizdigine, jerining tútastyghyna qatty mәn berude. Mine, kesheli-beri Arab ligasy ortaq әsker qúratyndyghy jóninde jariyagha jar saluda. Al, Reseyding qorghanys ministrligi Ortalyq Aziya elderinen Resey qalalaryna júmys izdep barghandardan (gastarbayterlerden) arnayy jasaq qúryp jatsa, AQSh ómirlik bas bostandyghynan aiyrylghandardy әsker qataryna aluda.

Múnday mysaldar kóp. Endeshe, QR Qorghanys ministrligining әskery әleuetimizdi kýsheytu ýshin әlgindey әreketke baruy qay jaghynan alsaq ta qúptarlyq. Jasyratyny joq, elimizde eng túralaghan, irip-shirigen, bylyqqa batqan sala – qorghanys salasy. Osy uaqytqa deyin әskerge barghysy keletinder – bardy. Barghysy kelmeytinder joqty syltau etip qala berdi. Ony aitasyz, әsker qatarynda bolu «shirk» deytin diny kózqaras ústanatyn jat óndi jastar da shyqty. Áskerdegi tәrtipsizdik pen bassyzdyqtyng saldarynan qaza qúshqan oghylandar da az emes. Sonday qatygezdikke qarap júrt balasyn әskerge jibermeytin halge jetken. Osynyng bәri memleketshil túlgha, býgingi Qorghanys ministri – Imanghaly Tasmaghambetovtyng basshylyqqa keluimen týzeledi, jana sapagha kóshedi, qazaq әskerining sapynda bolu әr jastyng kókeyindegi asqaq armangha, patriottyq sezimge ainalady degen senim bar.

Esterinizge sala keteyik, qazaq jerindegi әskery poligondardyng kóbin RF-nyng Qorghanys ministrligi jalgha alyp, iyelik etip keledi. Sәikesinshe, jerimizde «Jauyngerlik dostastyq» ayasynda әskery oqu-jattyghular jylyna eki ret ótip túrady.  

Abai.kz