Düysenbi, 16 Jeltoqsan 2019
Bizdiñ şeneunik 3527 0 pikir 16 Aqpan, 2015 sağat 12:07

QWMAR OYINŞILARDIÑ QWDAYI BERGELİ TWR!

Il'ya Il'in törtinşi märte älem çempionı atağın jeñip alğan quanıştı sättiñ üstinde is-äreketine baqalau jasay almay qalğan mädeniet jäne sport ministri Arıstanbek Mwhamediwlı (surette) jaqında qwmar oyınşılardıñ qwlaşın keñge jayğısı keletinin Parlament minberinde ayttı.

Ministrdiñ mälimdeuinşe, «Lotoreya jäne lotoreya qızmeti turalı» zañ jobası boyınşa elimizde lotereya terminaldarına tıyım salınbaydı. Kerisinşe, mädeniet jäne sport ministri jwrttıñ qaltasın qaqqan jüyeni damıtudı közdeude. Dälirek aytsaq, ol wtıs oynatatın elektrondı terminaldardı zañdastıru kerek dep otır. BAQ ökilderine qarta oynay almaytının aytıp maqtanğan ministr «jastar men zeynetkerler qwmar oyındardı jaqsı köredi jäne ermek etedi» deydi. Olar wtılsa wtılsın, qınjılatın däneñe de joq, söytip, memlekettiñ qazınasın solardıñ qaltasın qağu arqılı qampaytamız degen pikir ayttı. Demek, ministr tarazıda mıñdağan jastardıñ tağdırı twrğanın biledi degen söz. Bilse de, qasaqana qauipti qadamğa nege barıp otır?..

Älqissa. Birneşe jıl bwrın Elbasınıñ tapsırmasına oray, barlıq oyınhanalar belgili aymaqtarğa, yağni, Qapşağay, Şuçinsk qalalarına köşirilgen bolatın. Tüpki maqsat – jastardıñ sanasın azart oyındarmen ulamau edi. Al «jasotandıq» jastar da Elbasınıñ sayasatın qoldap, qalalardağı kazinolar men elektrondı lotoreya terminaldarınıñ jwmıstarına qarsı şığıp, san märte «Qwmar oyındarğa jol joq!» degen akciyalar ötkizip, atsalısıp keledi. Sodan beri el qwlağı birşama tınıştanğan siyaqtı edi. Biraq, sport ministri Elbasınıñ sol tapsırmasına, eldikti oylağan tüpki maqsatına «piştumen» qarap twr. Mwnı Elbasınıñ wlttıq qasiretke duşar eter derttiñ aldın alu üşin jasağan jarlığına degen halıqtıñ senimin setinetuge sebep izdeuinen tuındağan kesirli wsınıs desek, artıq aytqandıq emes. Onıñ üstine, zañdılıq twrğıdan jäne bağdarlamalıq twrğıdan orındaluı, äri tehnikalıq rettelui kümändi ekenin birqatar deputattar şırıldap aytuda. Biraq Arekeñ qwlaq asar emes. Sonda ol qanday kesirli küştiñ müddesin köksep otır? Eger Elbasınıñ sarabdal sayasatın iske asıratın bolsa, basqaşa äreket qılar edi ğoy. Qazaqtıñ birtuar qayratker wlı Älihan Bökeyhanov «Baylıqtı önermen, şaruamen, qızmetpen izder bolar» deydi, al Arekeñ «barmağın sorıp» qalıp jatqan baqır bastı jelikkenderdi eliktirip, baylıq izdeydi.

Mwnısımen qoymay, ministr türli qaterli problemalarğa jol aşıp berip otır. Atap aytsaq, qaupi jağınan qwmar oyındarğa täueldilik naşağa nemese maskünemdikke degen täueldilikten eş qalıspaydı. Tipti, mwnıñ artında jastardıñ öz-özine qol jwmsauğa, jaqınınıñ qarızın töleu üşin otbasınıñ, ata-anasınıñ dünie-mülkin satuğa, keybir jağdayda qılmıstıq jolğa tüsuge äkeletin ülken qauip twrğanın mädeniet jäne sport ministri bilmey me? Älde sport ministri qazirgi tañda jastar sportpen aynalasqannan göri, özderiniñ altın uaqıttarın osınday orındarda ötkizgenin qalay ma? Bwdan bölek, jastardıñ, balalardıñ psihologiyasına, ruhani damuına, sapalı bilim aluına keri äserin tigizetinine san dälel de, fakti de bar. Qazirgi tañda Qazaqstan jasöspirimder suicidi jöninen üşinşi orında twr. Joğarı suicid qauip-qateri – qwmar oyınnıñ siqırına arbalıp, yağni ludomaniyağa şaldıqqan nauqastardıñ 13-40%-ı özine-özi qol jwmsaydı, 32-70%-a suicid jaylı oy keledi. Ministrge osı ma keregi? Iä, tışqanğa ömir qımbat, al mısıqqa oyın kerek degen osı.

Seyilhan ÄLNAZAROV

ABAI.KZ

0 pikir