Düysenbi, 21 Qazan 2019
Äne, kördiñ be? 3718 9 pikir 29 Naurız, 2017 sağat 13:58

Bes baydan qazaqqa bes tiın payda bar ma?

Jaqında "Forbes" jurnalı älemniñ eñ bay adamdarınıñ tizimin jariyaladı. Bwl jolı 31-ret jañartılıptı.

Jañartılğan tizimde däuleti tasığan bes qazaqstandıq bar eken.

Bizdiñ bestiktiñ işinde baylığı bärinen asqan Bolat Ötemwratov eken. Jurnal Ötemwratovtıñ baylığın 2,3 mlrd dollar dep bağalağan. Bükil älem baylarınıñ reytinginde Ötemwratov  896-şı bolıp jayğasqan.

Sonday-aq, älemdegi eñ bay adamdar qatarına  "Qazaqmıs" korparaciyasınıñ bwrınğı basşısı Vladimir Kim jäne Timur men Dinara Qwlıbaevtar da kirdi.  Olar jalpı esepte 973 orında twr. YAğni, üşeui bir poziciyanı bölisude.

Älem baylarınıñ işinde "Euraziyalıq bank" AQ prezidenti Alidjan Ibragimov ta bar. Ol 1,9 mlrd qarjımen 1908 orınğa köterilgen.

Baylar reytinginde Bill Geyts törtinşi jıl qatarınan birinşi orındı berer emes. Onıñ baylığı birer jıl bwrın ğana 75 mlrd dollar bolğan. Qazir Bill Geytstiñ däuleti  86 mlrd dollar.

Ekinşi orınğa Bill Geytstıñ dosı Uorren Baffet ornalassa, Djef Bezos twñğış ret älem baylarınıñ üştigine endi.

Forbes tizimine Reseydiñ 96 azamatı engen. Bwl bıltırğı körsetkişpen salıstırğanda 12 esege köp.

Ortaq esepke jüginsek, düniejüziniñ auqattılarınıñ keruenine ilisken bes qazaqstandıqtıñ ortaq baylığı 10,3 mlrd dollardı qwraydı eken.

Aytpaqşı, bwl beseu Qazaqstannıñ qaltalı azamattarınıñ köşin bastap twrğandar, ras. İrili-wsaqtı elu bayımız bar. Olardıñ beseui älemdik reytingtegi auqattı adamdar. Osı biz, qazaqşılıqqa salınıp, bayımız bar degenimizden, bizge ne payda? Qazaqqa qızmet etpeytin baydan ne qayır?..

Abai.kz

9 pikir