Resey  әskerin kóbeytudi qolgha aldy.  Keshe Putiyn  arnayy  jarlyqqa  qol  qoydy.  Onda  2017 jyldyng 1 shildesinen  bastap Resey  әskeri  1 897 894 adamnan  1 903 051  adamgha kóbeymek, dep habarlaydy "Ayqyn" gazeti.

Onsyz da ekonomika  keri  ketip,   múnay  baghasy qúlap,  sanksiya qysyp  túrghanda  Reseyge әsker  sanyn kóbeytu ne ýshin  qajet  bola  qaldy? Onyn  ýstine  biyl qorghanys salasyna  bólinetin qarjy 1,05 trillion  rublige qysqaryp jatyr.  Biraq  kóptegen әskeri  sarapshylar, «Putin amalsyz  әsker  sanyn kóbeytu  otyr. Óitkeni NATO Resey shekarasyn ainala  qorshap  ornalasa  bastady. Kavkaz tynyshsyz.  Orta  Aziya (Irak  pen  Siriyadan qashqan Islam memleketi  tobynyng sodyrlary  osy ónirde jana  bir  maydan ashuy  mýmkin) ýlken dýrmektin  aldynda túr. Ukrainamen  janadan shekara  qúrylyp  jatyr.  Ol aimaqty kýzetu ýshin qanshama   әsker  kerek. Baltyq  jaghalauy  elderine  NATO óz әskerin  ornalastyrudy  qolgha  aldy. Olargha qarsy  qoyar  myqty «júdyryq»  qajet.  Búdan tys Resey Siriyadaghy soghysqa aralasyp otyr.  Aldaghy uaqytta Liviyada da  osy jaghday  qaytalanuy  mýmkin. Sonymen qatar Arktikagha  talas bastaldy.  Kómirsutegi  otyny  óte  mol ol múzdy aimaqtaghy  óz ýlesimizdi  qorghau  ýshinde ol ónirge  ondaghan  әskeri  baza  ornatu  kerek. Demek  Resey әskerin kóbeytkeni  dúrys.   Biraq  orasan  zor әskerdi  ústap  túru  ýshin  ýlken  qarjy  kerek.  Qazirgidey jaghdayda   ol  mýmkin be?»  deydi.   Shyndyghy sol qazir Resey armiyasy 1013 628 sarbazdan  túrady. Búghan osy  әskeri  salada júmys istep  jatqan azamattyq qyzmetkerlerdi (889 423 adam)  qosynyz. Búl az emes. Jalpy Resey әskeri  әlemde sany jaghynan  Qytay,  AQSh, Ýndistan,  Soltýstik Koreyadan keyin 5- orynda  túr. Resey әskeriylerinin  qúramyna 340 myn  IIB sarbazdary, 250 myng Qauipsizdik qyzmeti jәne әskeriylendirilgen Tótenshe jaghdaylar  qyzmetinin  adamdaryn  qosqanda 3 milliongha  taqaydy. Eske  sala ketetin  bir  jayt, keshegi  qúlap   qalghan KSRO-nyng armiyasy  4 million jauynger  dep  sanalghan. Ol kezde KSRO  qúramynda 300 million adam  boldy. Al býgingi Reseyde  bar- joghy 135-145 million  halyq  bar. «Ásker  sanynyng kóptigi soghysta  mәseleni  sheshpeydi. Eng bastysy, armiyany zamanui  qarumen jaraqtandyru. Búl býgingi kýnning talaby»  deydi  sarapshylar. Kim  ne dese  de, Putin armiya sanyn  jyldan  jylgha arttyrudy qolgha aldy. Ony kimge  qarsy  júmsamaq?

Abai.kz