Qyrghyz Respublikasy Jogharghy Kenesining deputaty Qanybek Imanaliyev qyrghyz әlipbiyin latyngha kóshiru kerek degen úsynys aitypty.

Jaqynda Qazaqstan Preziydenti Núrsúltan Nazarbaev "Bolashaqqa baghdar: ruhany janghyru" atty maqalasynda "2025 jylgha deyin qazaq әlipbiyin latyngha kóshiru" kerek dedi.

Ádetinshe, bóten elding ishki isine aralasyp, býlik salmasa, basy auyryp, baltyry syzdaytyn Resey baspasózi  Nazarbaevtyng maqalasyna qatysty syn aitugha bilek sybana kirisip ketti.

Olargha qosylyp, "Orys әleminen"adasyp qalamyn"  degen Smirnova deytin deputat jylap-syqtady. Meyli, sharbaghymyzgha tas laqtyratyn kórshimizding búl qylyghyn búryn da kórgenbiz.

Endi jaqynda, Alataudyng arghy betindegi qyrghyz bauyrlar (deputattary) Preziydent Nazarbaevtyng bastamasyn qoldap, kirilisadaghy qyrghyz әlipbiyin latyngha auystyru kerektigin aitypty.

"Týrkimenstan, Ózbekstan kóshti. Endi mine Qazaqstan da latyngha auysyp jatyr. Bilemin, qazir bizding budjetimizde búghan aqsha joq. Biraq, 2030-2040 jyldary múny jýzege asyrugha әbden bolady ghoy", - deydi deputat Qanybek Imanaliyev.

Qyrghyzdyng oppozisiyalyq "Ata-meken" partiyasynyng ókili biyldan bastap latyn tili mamandaryn әzirley beru kerektigin aitqan.

"Kirilisadan bas tartu - últtyng birtektilikti saqtap qaludyng joly", - deydi Qanybek bayke.

1991 jyldan beri qyrghyz júrtynyng  latyngha auyspaq bolghan birneshe talpynysyn bilemiz. Áueli qazir Reseyde bosyp jýrgen eks-preziydent Asqar Aqaev qoldamady.

Sodan keyin, 2008 jyly basshy Bakiyevting biyligi túsynda Qyrghyz Respublikasynyng Bilim ministri latyngha kóshu úsynysyn keri qaytarghan.

Endi Preziydent Nazarbaevtyng bastamasyn ilip әketu ýshin Jogharghy Kenes deputaty Qanybek Imanaliyev úsynys aitty. Aragidik Mәskeuge barghyshtap túratyn, tipti orys pen qyrghyzdyng gimnin shatastyryp alyp jýrgen Almazbek Atambaev deputat Imanaliyevting úsynysyna ne jauap aitady? Atambaev myrza kimdi qoldaydy? Týrki júrtyna jiti tanys latyngha auysudy bastap ketken Nazarbaevty ma, әlde Soltýstik Koreya men Siriyanyng avtoritar basshylaryn ashyq qoldaytyn Kremli qojayyny Putindi me?

Núrzat Toghjan

Abai.kz