Senbi, 29 Aqpan 2020
Süyinşi! 22563 32 pikir 28 Säuir, 2017 sağat 17:38

SÜYİNŞİ, JER MÄSELESİ ŞEŞİLDİ!

Redakciyadan: Iä, bwl Alaş jwrtınan süyinşi swraytınday mazmwnı bar aqjoltay habar boldı. Osı künge deyin eldiñ zañ-zakonnan habarsızdığın paydalanıp, äri özderi de zañnan sauatsız bolğandıqtan belden basıp is-qılatın äkim-qaralar endi bwday bılay "Oralman" märtebesi bar ağayınğa "sağan jer berilmeydi" dep ayta almaydı. Öytkeni tömendegi maqalada Jerge qatıstı jayt egjey-tegjeyli bayandaladı. Biz osı rette Abai.kz aqparattıq portalınıñ twraqtı avtorı, aqın, qoğam qayratkeri, "Nwr Otan" partiyasınıñ müşesi äri partiyanıñ qoğamdıq qabıldau keñsesinde keñesşi bolıp qızmet etetin Auıt Mwqibek mırzağa köpşilik atınan rizaşılığımızdı bildiremiz. Nege deseñiz, atalğan mäseleniñ oñ şeşimin tabuına osı azamat köp eñbek siñirip, tabandılıq tanıttı. 

Oralmandarğa jer uçaskelerin beru Qazaqstan Respublikasınıñ «Jer kodeksiniñ» (2003 jılğı 20 mausımdağı №442) 46, 37, 97 jäne 100-babında qarastırılğan.

Sonday-aq, «Halıqtıñ köşi-qonı turalı» (2011 jılğı 22 şildedegi №477-IV) Zañnıñ 23-babında da Oralmandarğa jer uçaskelerin beru oralmandarğa, etnikalıq qazaqtarğa jäne olardıñ otbası müşelerine wsınılatın memlekettik qoldau şaralarınıñ tizbesine engizilgen.

Bwl turalı älde neşe märte aytıldı, jazıldı...

Ökinişke oray, auıldı jerlerge köşip kelip, şaruaşılıq qwru üşin jer telimderin swrap wsınıs bergen oralmandarğa jergilikti atqaruşı bilik ökilderiniñ «Jer zañnamasınıñ keybir normaların qoldanuğa moratoriy engizu turalı» Qazaqstan Respublikası Prezidentiniñ 2016 jılğı 6 mamırdağı №248 Jarlığın köldeneñ tartıp, atalğan zañ normaların orındamay  otırğanı anıqtaldı.

Bwl jöninde biz Abai.kz saytında birneşe maqala jariyaladıq.

http://abai.kz/post/48307

http://abai.kz/post/48160

http://abai.kz/post/49114

Osığan baylanıstı, «Nwr Otan» partiyasınıñ Respublikalıq qoğamdıq qabıldau bölmesi bwl mäseleni öz baqılauında wstap, oralmandardan kelip tüsken ötinişterdi qwzırlı orındarğa jiberip, jauaptar aldı. Sonday-aq, bilğı jıldıñ 10 naurız küni  Qazaqstan Respublikasınıñ Auıl şaruaşılığı birinşi vice-ministri Q.Aytuğanov qoğamdıq qabıldau bölmesinde  azamattardı qabıldağan kezde de Qoğamdıq qabıldau bölmesiniñ meñgeruşisi Jwmajan Jükenov Auıl şaruaşılığı ministrliginiñ osı oralmandarğa jer beru mäselesinde tuındap otırğan ötinişterine  basa nazar audaruın ötingen bolatın.

Birinşi vice-ministr Q.Aytuğanovtıñ pärmenimen 24 naurızda  QR Auıl şaruaşılığı vice-ministri E.Nısanbaev atalğan ministrlikte Aqmola oblısınıñ äkimdiginiñ, «Nwr Otan» partiyasınıñ, QR İşki ister ministrliginiñ Köşi-qon komitetiniñ ökilderin qatıstıra otırıp, beyne-konfereciya baylanıs jüyesin qosa otırıp, «Döñgelek üstel» jinalısın ötkizdi.

Söytip bwl dauğa nükte qoyıldı. Oralmandardıñ Jer alu mäselesi oñ şeşim taptı.

Jinalıs şeşimine say, QR Auıl şaruaşılığı ministrligi 14 säuir küni Elimizdegi barlıq obılıstıq, Astana, Almatı qalalıq äkimdikterine jäne olardıñ Jer qatınastarı basqarmalarına QR Auıl şaruaşılığı vice-ministri E.Nısanbaevtıñ qolı qoyılğan arnayı hat tüsirdi.

Aqjoltay hatta «Atalğan zañnamalarğa säykes, oralmandarğa auıl şaruaşılığı maqsatındağı JER TELİMDERİN JALĞA BERU MÄSELESİ TOQTATILMAĞANIN jäne olarğa jer beru barısında  «Jer kodeksiniñ» joğarıda atalğan 46, 37, 97 jäne 100-baptarın basşılıqqa alu qajet ekenin eske salamız» delingen.

Ol az deseñiz, oralmandarğa Jer telimderin berude «Jer kodeksiniñ» 46-babı men «Halıqtıñ köşi-qonı turalı» zañnıñ 23-babın basşılıqqa alu kerektigin, al atqaruşı bilik (A.Qadıralina men E. Nwğımanov) alğa tartqan 48-babtıñ oralmandarğa qoldanılmaytının anıqtap bergen tağı bir hattıñ Aqmola oblısınıñ prokuraturasınan kelgenin de ayta ketkendi jön kördim.

Aytpaqşı, osı «daudıñ» tuuına sebep bolğan atqaruşı bilik ökiliniñ biri Ereymentau audanınıñ äkimi Ermek Nwğımanov aqsaqaldı auıldastarı «jaqsı adam», «täjiribeli basşı» dep şañ juıtpay maqtap, dürki-dürkin telefon soğumen boldı mağan. Ärine, Ermek Bekenwlınıñ jeke basına, adamdıq qadır-barqına tağar meniñ zäredey minim joq! Biraq, men üşin Elbasınıñ qolı qoyılğan Zañdı jaqsı bilgen jäne bwljıtpay atqarğan äkim – eñ jaqsı äkim! Erekeñ, mümkin, onan da jaqsı äkim boladı... Qadıralinağa qatıstı aytarımız da osı...

Söytip, şetelden köşip kelgen qandastarımız «Oralman» märtebesin alğan mezette özi twraqtı tirkeuge twrğan auıldıñ audandıq Jer qatınastarı mekemesine şaruaşılıq qwru üşin jer telimderin swrap, ötiniş hat ötkizui kerek.

Qısqası, «Oralman» märtebeli ağayındar bwdan bılay auıldı jerlerden kedergisiz Jer telimderin alatın boldı.

Qapı qalmañızdar, qandastar!

Auıt Mwqibek

28.04.2017

Astana

Abai.kz                                                                                                                                                                                                                                                                                                                                                                                                                                                                                                                                                                                                                                                                                                        

32 pikir