Jeksenbi, 25 Tamız 2019
Jıl qorıtındısı 4619 5 pikir 29 Jeltoqsan, 2017 sağat 12:31

Internet-konferenciya: Ämirjan Qosanov (jauaptar)

Resmi küntizbe boyınşa bwl jıl da ayaqtaluğa az qaldı. 2017 jılda qazaq qoğamında auız toltırıp aytarlıqtay oqiğalar köp boldı.  Halıqaralıq därejede atqarılğan is-şaralardan bölek, älemdik mediyada Qazaqstan men qazaq qoğamındağı eleñ etkizer oqiğalar trendtik taqırıptar qatırında twrdı. Aqordanıñ aynalasındağı aq jağalılar jıldı qorıtındıladı.

Degenmen, qazaq qoğamınıñ ötip bara jatqan jılğa qatıstı öz oyı, pikiri bar. Sonımen,  ötip bara jatqan jıldıñ bastı oqiğalarına qatıstı qoğamnıñ pikiri qanday?  Osı jäne özge de saualdarğa internet-konferenciyamızdıñ qonağı, "Abai.kz" aqparattıq portalınıñ twraqtı spikeri, sayasatker Ämirjan Qosanov mırza jıldı qorıtındılay otırıp, jauap berudi bastap ketti.


Ardabi 2017-12-19 15:36:15

Äbeke, armısız! Resmi küntizbe boyınşa ayaqtalıp qalğan jıldı qalay qortındılap jatırmız? Wtqanımız köp pe, älde wtılğanımız köp pe?

-Wtqanımız köp dep ayta almaytın şığarmız. Eldi eleñdetken birqatar tragediyalıq oqiğalar men tolqular boldı. Onıñ bastı sebepteri – biliktiñ baqılausız bop, qoğammen jandı baylanısınıñ joqtığında.

Örken 2017-12-19 15:36:36

Assalaumaäleykum! Jañadan partiya aşsañız, Sizdiñ partiyañızğa müşe bolatın halıq köp dep oylaymın. Jaña partiyanı aşuğa ne kedergi soğan tüsinik berip ketseñiz.

-Jılı söziñizge rahmet! Partiya qwruda täjiribem barşılıq, onı bilesiz. Kezinde RNPK, JSDP attı partiyalardıñ wyımdastıruşılarınıñ biri bolğanmın.

Bizdegi partiyalıq zañnama tım qatal. Qol jinap, qwrıltay s'ezin ötkizu qıruar qarjını qajet etedi. Eldiñ tarapınan qoldau bar ekenin özim de sezemin. Biraq tirkeu turalı soñğı şeşimdi qabıldaytın bilik. Al olar şınayı halıqtıq, oppoziciyalıq partiyanı op-oñay tirkey saladı degenge kim senedi? Tırnaq astınan kir izdep, buınsız jerge pışaq salıp, meylinşe qarsılasatını sözsiz.

Biraq, meniñşe, Qazaqstanğa jaña, zañ ayasında qızmet etetin, biliktik partiyağa şınayı balama bola alatın, intellektualdıq deñgeyi joğarı bir partiya kerek. Sol jağın äriptestermen aqıldasıp jatqan jayımız bar. «Arıq söylep, semiz şıq» deydi atam qazaq. Sondıqtan köp tarqata bermeyin...

Almas 2017-12-19 15:46:26

Assalaumağäleykum, Ämirjan mırza! Sizdiñ oyıñızşa qazaq halqı demokratiyağa dayın ba? Öytkeni, keybir zertteuşiler konformizm men korrupciya, şenqwmarlıq pen bilikke tabınu qazaqtıñ qanına bitken qasiet deydi. Sondıqtan mwnday halıqtı tek avtoritarlıq täsilmen ğana basqaruğa boladı dep esepteydi. Bizde demokratiyalıq qoğam, demokratiyalıq bilik bolatınına senesiz be?

-Qazaq demokratiya mektebinen äldeqaşan ötip ketken! Handar da, biler de saylanğan! Ol kezde dauıs berudi bwrmalaytın «Nwr Otan» men saylau komissiyaları da bolmağan!

Siz aytıp otırğan pikirlerdi el sanasına siñirip, älek bop jürgen zertteuşiler – avtoritarlıq jüyeniñ soyılın soğıp, sonıñ tapsırısı boyınşa söylep jürgender.

Demokratiya – jalpıadamzattıq qwndılıq. Qazaq bolsa, sol adamzattıñ bir böligi. Olay bolsa, demokratiyalıq qwndılıqtar bizge nege jat boluı tiis?!

Bizde mindetti türde demokratiyalıq qoğam ornaydı!

Qayrat 2017-12-19 15:52:47

Eki swraq: 1. Qazaq Tiliniñ latınğa ötui, qağaz jüzindegi Memlekettik därejesin, naqtı Memlekettik Til deñgeyine jetkize me, älde ol üşin basqa şaralar qoldanu kerek pe?

2.Jer mäselesinde Konstituciyamızdıñ 6 babınıñ 3 bölimi 1995 jılğa deyingi redakciyağa qaytarıluı kerek pe? YAğni, jer tek memleket menşigi ğana emes, sonımen qatar jeke menşikke de beriledi degen qosımşağa közqarasıñız qalay?

- Latın älipbiine ötu qazaq tiliniñ märtebesin köterudiñ bir jolı ğana. Jäne de älipbidi özgerte salıp, tilimizdiñ bağı aşıla qaladı deuge de bolmas. Ol üşin, eñ bastısı, qazaq tiliniñ roli men mümkinişilikterin arttıratın sayasi erik-jiger kerek. Ol ürdis, eñ aldımen, prezidentten, ministrler men äkimderden bastaluı tiis. Qazaq tili memleket organdarınıñ törine şıqpay, bas şendiler balaların qazaq mektebinde oqıtpay, eşnärse özgermeydi!

Jer halıqtıq menşik bolıp qaluı tiis. Biraq auıl şaruaşılığındağı otandıq käsipkerlerge jalğa berilu mümkindigi qaralğanı jön, öytpese, biznes, yağni auıl damımaydı, investiciya kelmeydi. Jäne de jer ielenude monopoliya bolmauı kerek, latifundisterdiñ kezinde jerdi qalayşa satıp alğanın jaqsılap zertteu kerek!

Müsilim Allabergen 2017-12-19 15:55:34

Kieli äl-Qwdıs nemese Ierusalim qalasın Izrail' astanası dep tanığan AQŞ prezidenti Donal'd Tramptıñ şeşimine qalay qaraysız?

- Älem qauımdastığında, sonıñ işinde BWW ayasında osı mäsele boyınşa qalıptasıp qalğan konsensus bar. Tramp öziniñ volyuntaristik şeşimimen osı tepe-teñdikti bwzıp otır. Ärine, men mwnday şeşimdi qoldamaymın!

Səniya 2017-12-19 15:59:31

1.Latın ərpine el qaşan köşedi?

2.Elde qaşan bwrınğı tas talqan bolğan fabrika-zavodtar qalpına kelip iske qosıladı? Älde bwl arman ba? Eger qosılsa, elde bəri şahter boluğa wmtılmas edi; qosılsa, qıtay men qırğızdı bayıtpay öz elimizdi kiindirip, işindirer edik (adal tamaq,taza kiim). Äzirşe qıtaydıñ sasığan, qırğızdıñ bir ret kiyuge arnalğan kiimderi men gmo tamaqtarın jep jürip jatır el. Aqırı ne boların kim bilsin?..

- Latın älipbiine köşu turalı bastı sayasi şeşim qabıldandı. Ol dwrıs! Endi wsınılıp jatqan nwsqalardıñ işinen meylinşe ıñğaylı äli tolıqqandı jobasın qoğam bolıp, aqıldasıp, mamandarmen kelisip, jaqsılap otırıp tañdap aluımız kerek. Älipbidiñ tek qana klaviaturağa telinip qaluın da men qoldamaymın: uaqıt öte, ol da özgerip twradı.

Bizde jıl sayın «industriyalandıru-innovaciyalau» bağdarlamaları qabıldanıp, prezident aldında «alaqaylağan» esep berilip jatadı. Sosın sol käsiporındardıñ birazı iske qosılmay qaladı. Nağız közboyauşılıq degen osı!

Özimizdiñ işki önerkäsipti damıtpay, biz ekonomikanı örkendete almaymız! Sondıqtan da otandıq tauar öndiruşelerdi qoldaudıñ jaña formaların tabu kerek. Mäselen, nege biz tauar öndiretin şağın jäne orta biznesti bes jılğa salıq töleuden bosatpaymız? Kerisinşe, bizde salıqtıq jeñildikter men preferenciyalar qazbalı baylıqtardı satıp jatqan, şikizat oligarhtarına berilip jatadı. Osı jağdaydı tüzeu kerek!

prof. Sovet-Han Ğabbaswlı. 2017-12-19 16:13:43

Qadirli, Ämirjan azamatım, anıq etip aytıñızşı: qazaq tili - nağız memlekettik til qızımetin atqarıp... barlıq mekemeler qazaq tilinde jwmıs istey me ?.. Älde memlekettik tildi qorlau  jalğasa bere me ?..

1.Jer turalı zañnıñ solqıldaqtığı qaşan toqtaydı ? Jer tek memlekettiñ menşigi ğana bola ala ma ?

2.Din men Dildiñ satqındıqtarına toqtam bola ma? Meniñşe, Qazaq Täuelsizdiginiñ osınau törtqwbılası şirek ğasır boyı qorğausız bolıp kelgenin toqtatqan jön siyaqtı...

 

- Bwl sözderiñizge tolıqtay qosılamın, Sovethan ağa! Tört mäsele de uşığıp twr!

Olar ärtürli bolğanımen, jağdaydıñ sonşalıqtı müşkil boluınıñ bir bastı sebebi bar: osı problemalardı retimen äri jöndi şeşu üşin sayasi erik-jiger qajet! Bizdiñ basqaru modelimizde bwl, sözsiz, kerek alğışart. Äzirşe onday sayasi tañdau körinbey twr: qoğam men biliktiñ tañdauı äzirşe ekitürli!

DUMAN MAKANŞY 2017-12-19 16:16:42

Assaloumağaleykum, Əmirjan ağa! Sizge qoyar birneşe swraqtarım bar: biılğı jılı eñ kökeykesti bolğan məsele qıtaydağı eki millionğa juıq qandasımızdıñ aşı qasireti. Men öz basım oralman bolmasamda, qıtayda tuğan-tuıstarım bolmasada, ər qazaq meniñ jalğızım! Osı məsele boyınşa oppoziciya ökilderi, jeke sayasatkerler tarapınan Nazarbaevqa nege aşıq ündeu joldap, talap qoya almadıñızdar?

Ekinşi swrağım: Qazaqstandağı oppoziciyanıñ belsendiligi öte tömen deñgeyge tüsip ketkendigi belgili. Endi osınday jağdayda jeke bas ambiciyasın ısıra twrıp, nege barlıq oppoziciyada jürgen azamattar bir twlğanı öz işinde tağayındap bükil el köleminde qoldau körsetpeske?

Üşinşi swrağımda osığan baylanıstı: Eger ortaq lider tağayındau məselesinde qiındıq bolsa, aşıq debat wyımdastıru arqılı bolaşaq liderdi anıqtauğa boladı ğoy...

Törtinşi swrağım: Oppoziciyanıñ bolaşağı ne bolmaq?

- 1.Qıtaydağı qandastarımızdıñ jağdayın barşamız jüregimizben qabıldaymız ğoy. Ol turalı aytıp ta, jazıp ta jatırmız. Onday qoğamdıq belsendilik kerek. Biraq ta mwnday jandı mäseleler ükimetaralıq kelissözder men şarttar arqılı jüzege asadı. Sondıqtan da bilik işinde Qazaqstannıñ resmi poziciyasın qalıptastırın naqtı şeneunikter men sarapşılar da meylinşe wltşıl, halıqaralıq ahual men memleketaralıq protokoldı qabılday otırıp,  sonımen birge qazaq wltı müddesi twrğısınan pikir wstana alatınday boluı tiis. Öz basım äzirşe onday principtilik pen tabandılıq körip otırğan joqpın. Şendilerdiñ sonşalıqtı jigersiz boluına bizdiñ Qıtaydan qıruar qarjı kredit alıp, birşama kiriptar bolıp jatqanımız da öz äserin tigizip jatqan bolar...

2.Oppoziciya birligi turalı men de aytudan jalıqqan emespin. Siz bir adamnıñ töñiregine toptasu turalı aytasız. Bwl özi öte-möte qiın şarua! Öz basım sol işki bäsekeden tayaq jegen adammın. Bizde keybir partiyalar bir sayasatkerdiñ (ne bwrınğı şeneunik, ne qaltalı biznesmen) töñireginde qwrıldı. Aqırı ne boldı? Twtas partiyalardıñ bolaşağı sol bir adamnıñ tağdırı men tañdauına täueldi bop qaldı! Ol jol dwrıs emes!

Sondıqtan da men basqaşa formula wsınar edim. Qazaqstanda demokratiyalıq, ädiletti qoğam ornatu sekildi ortaq ideyağa toptasu kerek! Sonda äsire kösemşildik dertinen avtomattı türde qwtılamız. Kösemder jäne kösemsımaqtar keledi, ketedi, al ideya mäñgi ğoy! Öz basım onday odaqqa dayınmın!

3.Eger de onday debattar men praymeriz bolıp jatsa, nege at salıspasqa?

4.Oppoziciyanıñ bolaşağı köp närsege, aldımen özine, baylanıstı. Onıñ işinde jürgen azamattar jekebas ambiciyasınıñ qwlı bolmasa, halıq qoldaytınday ideyalar wsına alsa, birlik tanıtsa, ärine, oppoziciya jetistikterge jete bermek. Biraq bir närse tağı ayqın: postnazarbaev kezeñi aldındağı tranzittik kezeñde bilik oppoziciyalıq alañdı meylenşi janşıp, taptap tastap jatır. Bwl jağday oppoziciyağa oñay tiip jatqan joq.

Ärekettiñ eki jolı bar. Biri – zañ ayasında, ekinşisi – odan tıs. Ärkimniñ öz qalauı özinde. Öz basım elde özgerister boluın qalasam da, zañnan tıs, erteñgi küni el işine dürbeleñ salıp, bireudiñ bası jarılıp, qarulı teketireske äkep soqtıratın äreket jasaudı qoldamaymın.

Biraq bwl sayasi ceytnottıñ da bir jağı bar: eger de bilik zañdı oppoziciyanı zañ alañınan ığıstıra berse, bwl alañğa bögde, zañğa pısqırmaytın, şetten şıqan radikal men ekstremist, bülikşiler kelui mümkin. Ol kezde zañzsız miting ötkizgeni üşin abaqtığa 15 täulikke jabu degen oyınşıq bop qaladı!

Mektepten ata-analar 2017-12-19 16:20:06

Balalardı ağılşın tilinde oqıtu, pənderdi məjbürli türde ağılşınşa oqıtu nege qazaq mektebinde iske asuı kerek? Onı aytasız, qazir mektepteri qazir orıs tili pənin   künde oqıtudı (jasırın nwsqaumen bolar )bastap ketti. Orıs tilin künde oqıtudıñ ne qajeti bar? Keleşekte bwl orıs tili müldem bizdiñ elge keregi joq boları sözsiz ğoy.  Al qazaq tili respublikalıq deñgeyge köterilui üşin halıq ne isteui kerek? Ziyalılar birdeñe istep jatır ma?

- Öz wstanımımdı o basta aytqanmın: bastauış sınıptardağı oqu tek qana qazaq tilinde ötkizilui tiis, däl osı kezeñde balanıñ dünietanımı qalıptasadı. Onıñ bäri qazaq tiliniñ negizinde jürui kerek. Sodan keyin şet tilderin oqıta beruge boladı. Onımen qatar bazalıq pänder barlıq sınıptarda qazaq tilinde ötui şart!

kalbit 2017-12-19 17:01:39

Orıs tilisiz Orıs ultısız kazah adam bolu mumkin emes ekeni tusinikti kaşan konstitutciya Orıs enedi gos yazık retinde bilik berip sailasak osınıi istei alasınba .2 Amirjan .aeviç ... Kosanov degen kandai ademi slavyan familiyası nege uralmandarda osındai slavyanskii familiyası jok biz slavyan halkının bir boligimiz goi uralmandardın slavyanskii familiyası jok otçestvası kaisı atı kaisı urgaş erkek ne ponyatno menin kol astımda uralmandar jumıs jasaidı naoedel kaşan solardın attarına slavyanskii familiya kosıp ozimiz siyaktı adam retinde tirkeidi bilik bersek istei alasınba osılardı . rahmet

- Mına sözderiñiz Sizdiñ sovet däuirinen qalğan eski ideologiyadan äli de arıla qoymağanıñızdı körsetip otır. Sizdi ayap kettim. Basqa ne deyin? Öz wltıñızdı sıylamasañız, Sizdi basqa wlt ta sıylamaydı!

Eseng'ali, Antakiyadan 2017-12-19 17:04:51

"Balalardı ağılşın tilinde oqıtudı pänderdi mäjbürli türde ağılşınşa oqıtu nege qazaq mektebinde iske asuı kerek?"  

Osı swraqtı Ämirjanğa qoyıp otırğandardıñ aqıl-esteriniñ dwrıstığına kümanım bar. Ämirjan bilim ministri me, prezident pe ? Aqımaq bolmasañdar bwl swraqtı "süyikti elbasıñızğa", "ordenonosec" Sağadievke nege qoymaysıñdar?

 Abai.kz portalınıñ jigitteri, sizder añğal qazaqtı qorlap otırğanıñızdı sezesizder me ? Bilikte joq Ämirjan inimiz qanday mäseleni şeşui mümkin? Şaqırğış bolsañız bilim ministrin (Sağadiev), parlament deputattarın, "Nwr Otan" partiyasınıñ "qwdayın" nege şaqırmaysızdar ?

- Bilikte joq ekenimiz ras, ärine. Biraq, qoğam ökilderi de qoğamdağı özekti mäselelerden aulaq twra almaydı. Sondıqtan da azamat, jurnalist, sayasatker retinde men de osı talqılauğa at salısıp jatırmın. Sondıqtan da «Abay.kz» saytınıñ men siyaqtı azamattı (jäne basqa da qoğamda belsendilik tanıtıp jürgen twlğalardı) osınday konferenciyalarğa şaqıruınan eşqanday da äbestik körip otırğan joqpın: köppen kelisip pişken ton eşqaşan da kelte bolmas!

Qayrat 2017-12-19 17:12:03

Assalaumağaleykum Ämirjan ağa, äri barşa oqırman ne körermen (alğaş swraqta amandasudan ötip ketippin, keşirersizder)! Tağı bir swraq: äleumettik jelilerdiñ   aqparattıq qana emes, azamattıq sayasi küşti qalıptastıra alatın ornı men ıqpalı bar ma? Älde bizdiñ Halıq äli pisken joq pa onday küş boluğa?

- Halıq özgeristerge bayağıdan dayın! Mäselen, 90-jıldardıñ basında elde bäsekeli de aşıq saylaular ötti. Öz basım solarğa qatısqanmın. Sol kezdegi Parlament (Joğarğı Keñes) nağız halıqtıq basqaru organı boldı. Onıñ komissiyalarınıñ otırıstarına prezident öz ayağımen barıp, esep berip jürdi.

Äleumettik jelilerdiñ ornı erekşe, olar şın mäninde resmi aqparatqa balama alañ bop aldı. Jwrt barlıq jañalıqtı sol jaqtan bilip aladı. Sonımen birge äleumettik jelelerdiñ wyımdastıruşılıq äleueti de birşama mıqtı. Erteñ äleumettik jelilerde partiya qwrılıp, wyımdasıp jatsa, eş tañ qaludıñ keregi joq!

Aday 2017-12-19 19:11:13

Əbeke, partiya qwratın nietiñizdi əleumettik jeliden közimiz şalıp qalğanday edi, egerde ğayıptan partiya qwrıla qalğan jağdayda, bastı jobalarıñız, bir auız sözben aytqanda qanday bolu kerek dep oylaysız? Bilikke tek sın aytu bağıtın wstana ma, əlde tegeurindi qadamdarğa bara ma? Aldın ala rahmet.

- Onday oy joq emes. Öytkeni halıqtıq narazılıqtı bir arnağa jinaytın, qoğam oyın bilikke jetkize alatın wyım kerek. Ol partiya bola ma, qozğalıs bola ma, ne basqa bir formadağı wyım bola ma – uaqıt körseter. Onıñ bastı maqsatı bilikti oligarhtardan halıqqa qaytarıp beru boluı kerek. Sonıñ işine bäri de sıyıp ketedi!

Är qazaq meniñ jalğızım. 2017-12-19 19:52:30

1)Bizdiñ bilik yaki halıq sırtqı küşterdiñ arandatuına qarsı qanşalıqtı dayın? Dini jäne etnos aralıq janjaldarğa tosqauıl qoya ala ma?

 2)Jalpı Qazaq qazaq degen atqa layıq pa büginde? Qazaq degenimiz qanday boluı kerek özi aytıp beriñizşi?

- 1.Kez kelgen memleket işki jäne sırtqı qauipterge dayın boluı tiis. Ol üşin qajetti eñ bastı şart – qoğam men biliktiñ bastı qauipter aldında birge boluı. Ol üşin özara senim kerek, ol bizde joq: qoğam bilikke senbeydi, bilik te qoğamdı öziniñ jauı sanaydı, balama pikir bildirgenderge has dwşpanınday qaraydı. Al onday ıntımaqsız kez kelgen sın sätte memleket ıdırap ketui äbden mümkin! Sondıqtan da onday qauipterge bizdiñ bilik jüz payız dayın dep men ayta almaymın.

2.Qazaq qazaqşa oqıp, qazaqşa söylep, qazaq ertegisi men dastandarınan när alıp, basqa wlttardıñ da jaqsı qasietterin boyına siñirip aluı tiis. Äytpese, ğalamdıq, jahandıq, örkeniettik köşten qalıp qoyuımız mümkin!

Janat Mırzabek 2017-12-19 20:29:30

Sälemetsiz be? Meniñ swrağım bılay, halıqaralıq tüsinikter men zañnamalarğa säykes, oppoziciya ükimetti sınaumen ğana şektelmeu kerek. Ärbir sındı aytpas bwrın, atalmış mäseleni şeşudegi balamalı wsınıstarı dayın boluı şart. Endeşe elde orın alıp jatqan qarapayım äleumettik mäselelerden sayasi astar izdep, el ükimetin jamandaumen ğana şekteletin «Qazaqstannıñ demokratiyalıq tañdauın» nemese Mwhtar Ablyazovtı oppoziciya retinde eseptey alamız ba?

- Swrağıñızdı ekige böleyin.

Birinşiden, oppoziciya degenimiz – ağımdağı ökimetke qarsı küş, sondıqtan da sın aytıluı zañdı. Al mäseleni şeşu joldarı degenge kelsek, Qazaqstan oppoziciyası 26 jıl işinde bilik bağdarlamalarına talay balama jobalar wsındı, olardıñ işinde sındarlı da naqtı wsınıstar bar. Olardıñ işinde ekonomika, äleumettik sala, sayasi jüyege tikeley qatıstı ideyalar bar. Olardı Internetten tauıp, oqıp alularıñızğa boladı.

Ekinşiden, Äblyazovqa qatıstı swrağıñız bar eken. Klassikalıq twrğıdan alğanda ol, ärine, oppoziciya. Öytkeni bilikti aşıq sınaydı, öz wsınıstarın aytıp jatır. Kezinde «Alğa» partiyası men biraz täuelsiz BAQ-tı qarjılandırıp, demokratiyalıq küreske birşama üles qostı. Öz wstanımı üşin türmege de otırıp şıqtı. Ol twsta biz, eski oppoziciya, onı aşıq qoldadıq.

Biraq, mağan Mwqtardıñ qimıl-äreketinde eki närse wnamaydı. Ol turalı men aşıq aytqanmın.

Qısqaşa aytsam, «men ğana oppoziciya, qalğandarı – Aqordanıñ jobası» dep keşegi birge jürgen äriptesterine topıraq şaşuın kesirli qadam dep sanaymın. Bilikti şınımen de jeñu üşin birigu kerek, al birikkisi keletin adam özine qarsılas emes, odaqtas izdeydi.

Ekinşiden, özine qatıstı bolğan sotta tağılğan ärbir naqtı ayıpqa ol naqtı jauap berui kerek edi. «Birneşe milliard dollar jımqırdı» degen ayıp oñay emes qoy.

Sondıqtan da onıñ qazirgi rejimdi ayausız sınauı jalpıdemokratiyalıq wstanmıdar negizindegi sayasi küresten göri, özine sonşalıqtı şüylikken bilikten kek qaytaru äreketine köbirek wqsap ketetinin de moyındau kerek.

Şekerbek NAZARBAY 2017-12-19 21:45:49

2018 jılı bizdi qanday sayasi jağdaylar, özgerister kütip twr! Swhbattarıñızda klan aralıq tartıstar jaylı söz qozğaysız. Klannıñ bir tarapındağı bastı figuranı bärimiz bilemiz. Qarsı taraptıñ bastı oyınşıları kimder? Ol top qanşalıqtı jaqsı älde ağımdağı bilikten ayırmaşılığı joq pa?

- 2018-jıl, sözsiz, postnazarbaev kezeñine dayındıq jwmısınıñ jalğası bolmaq. Bälkim, osı jılı şeşuşi şeşimder qabıldanatın bolar. Biraq onıñ bärin bir adam ğana biledi. Sondıqtan da men anıq boljam jasay almaymın.

Klandarğa keletin bolsaq, olardıñ işinde jäne arasında broundıq qozğalıs jürip jatqan siyaqtı. Keşegi ımırasız qarsılas «meniñ jauımnıñ jauı –meniñ dosım» degen principke säykes odaqtas bolıp ketui de äbden mümkin. Sondıqtan, «mınau ana topta, anau – mına topta» dep aytudıñ özi qiın. Kimniñ kim ekenin tayau uaqıt, sıni sät körsetedi.

Meniñ bir qauiptenetin jağdayım bar: bas bilikke talasamın dep, osı klandar qarapayım halıqtı qwrban etip jibermesin!

Altı Alaş 2017-12-20 01:28:00

Osıdan on şaqtı jılday bwrın "Qazaqstanda bilik pen oppoziciyadan bölek, üşinşi sayasi küşter" bar dep topşılaytın ediñiz, solar qazir qayda ketti jäne olar kimder edi?

- Bilikke de, resmi oppoziciyağa da qosılmaytın küşter ärqaşan da bolğan. Qazir de bar.

Olar biliktegi ötirik pen jağımpazdıqtı, jemqorlıq pen jeke basqa tabınuşılıqtı qabılday almaydı. Sonımen, birge oppoziciyağa senbeydi, köp jağdayda onıñ tım radikaldı, bülikşil qanatın qoldamaydı. Olar bar, bizge olarmen de jwmıs jasau kerek.

Talğat 2017-12-20 01:51:14

Bilikke jaqpağan, bilikke qarsı şıqqan köptegen wrılardıñ dünie mülikterin sot arqılı tartıp alıp, özderin quğın-sürginge tüsirude. "Bwzauğa tuğan kün ögizge de tuuı mümkin" be? Älde, alğaşqı jekeşelendiruden bastalğan asa ülken wrlıqtar, älemdik därejedegi alayaqtarmen sıbaylasqan jemqorlıqtar, şet el agentinen para alu arqılı eline opasızdıq jasau, qızmet babın asıra paydalanu siyaqtı, amanatqa qiyanat jasau siyaqtı ülken-ülken qılmıstar, qaraqşılar jaldap qarsılastarın öltiru siyaqtı terrorlıq qılmıstar, rwqsat etilmegen şeruge şıqqan qarusız azamattardı jappay atuğa bwyrıq beru siyaqtı ayuandıqtar, saylaulardı äkimşilik qitwrqı ayla täsildermen ötkizu arqılı halıqtıñ qwqığın ayaqqa taptau siyaqtı qılmıstar jıldardıñ jıljıp ötuimen wmıt qala beredi me?

- Ärine, Siz aytıp otırğan qılmıstar eşqaşan da wmıtılmaydı. Süyekteri qurap qalsa da, Stalin twsında halıqtı qırğan qandıqol jendetterdiñ atı atalıp jatır ğoy. Bizde de solay boladı! Sol kezde « meniñ eş kinäm joq, men joğarı jaqtıñ bwyrığın orındadım» dep aqtalu oynamay qaladı, ärkim öz isi üşin jauap beredi!

Ğasırjan 2017-12-20 02:05:00

Meniñ swrağım: biz ılği Qazaqstan damıp keledi, Orta Aziyanıñ barısımız, köşbasşı elmiz dep keudemizdi wramız da otıramız. Biz sekildi qarapayım jwrt köp bile bermeymiz, şınımende solay ma? Siz sayasatkersiz, aytıñızşı, 26 jılda bolğan Qazaqstannıñ jetistikterin? Körşi elder jaylı aytıp ötseñiz,  damuı jöninde Özbekstan, Qırğızstan, Türkmenstan... Osı elderdiñ sayasi bağıtı jöninde de pikiriñizdi bilgim keledi.

- Ärine, eşqanday da jetistik joq dep, auızdı qu şöppen sürtken jaramas. Biraq, ne degenmen, elde demokratiya men ädilettik ornağanda, tabıstarımız bwdan da orasan zor bolar edi!

Körşi eldermen salıstırudıñ eş qisını joq, öytkeni olarda däl bizdikindey qazba baylıq joq! Al olar bolsa, mäselen, qırğız eli, işki tauar öndirisin damıtıp, bizdiñ aymaqtıñ tigin cehına aynalıp baradı! Biz bolsaq äli de qıtaydıñ iş kiimin kiip jürmiz!

Qanat 2017-12-20 02:29:14

Qwrmetti, Ämirjan Qosanov mırza! Sizge qoyar 1-swrağım: biliktegi traybalizimdik indet, jerşildik, ruşıldıq qay kezden bastau aldı? Qazirgi bilik basında jürgen adamdardıñ mülde basım böligi, bir eki rudan nemese Şımkent, Jambıl, Almatı öñirinen şıqqan, bir-birine jaqın, tuıs, qwda-jekjat, ağayın tuıstan qwralğanın halıq jaqsı biledi. Är öñirden şıqqan, talanttı, bilimdi, isker azamattar osı wyımdasqan, sıbaylasqan, attöbelindey adamdardıñ qiyanatınıñ kesirinen, öz mümkindigin, bilimin halıqqa qızmet etuge paydalana almay otır. Ne isteu kerek?

 2-swrağım: memlekettik iri kompaniyalar, holdinkter, qarjılıq qwrlımdar, bank, aqparat, baspasöz, mädeniet, äkimşilik orındardıñ jay qızmetkerinen basşılıq salasına deyin traybalizımnıñ şeñgeline tüsken. Bwl qoğamnıñ damuına qanşalıqtı kesirin tigizip otır?

3- swrağım: bilikte jürgen 20 şaqtı adam, alma-kezek orın auıstırıp otıradı. Bir orınnan ketse, ekinşi lauazımğa jayğasadı. Bwl jastardıñ sayasi bolaşağın qwrdımğa ketiru emes pe?

4-swrağım : traybalizmmen ulanğan bilik jüyesi qazaqtıñ twtastığına asa zor ziyanın tigizip, wlttı, ruğa, jikke bölip, bölşektep otır dep oylamaysız ba?

5-swrağım : Qazaqstannıñ demokratiyalıq tañdauı degen qozğalıstı wyımdastırğan azamattardıñ deni traybalizımnıñ qwrbanı bolğan joq pa?

- Bes swrağıñız da zamannıñ özekti probleması – traybalizmge qatıstı eken. Meniñ payımdauımşa, jerşildik pen jüzşildik – öz küşine özi senbeytin, äleueti kem, qabiletsiz, bilimsiz adamdardıñ sırqatı. Bäsekege qabiletti jandar öz küşine, mümkindikterine senedi, mañayına tuıstarı men jağımpazdarın jinamaydı.

Traybalizmmen kürestiñ türi köp. Sonıñ biri – mıqtı qoğamdıq pikir qalıptastıru. Ol üşin traybalizmdi äşekereleytin täuelsiz de ıqpaldı BAQ boluı şart. Jäne de traybalizm bügin ğana payda bolğan joq, onıñ tamırı tereñde jatır.

Bilikte jürgen 20 şaqtı adam turalı oyıñız da orındı. Jastarğa obal. Sondıqtan zeynetker jasına jetken kez kelgen bastıqtı, onıñ siñirgen eñbegine qaramastan, zeynetkerlikke jiberu kerek! Elge eñbek etkisi kelse, zeynetker bop jürip, jasasın!  Sayasi bäsekeni de jandandıru kerek. Ol üşin äkimderdi de halıq özi saylap aluı tiis!

QDT –da traybalistik boldı dep ayta almaymın.

Mämeke 2017-12-20 06:32:37

Äbeke, Esenğali atpaqşı, internet-konferenciyamen eşqanday mäseleniñ şeşilmeytini beseneden belgili. Qoyılğan özekti mäselelerdiñ jauabı bireu-aq, onı mına siz be biz bayağıdan bilemiz. Nazarbaev pen klan özdiginen ölip bara jatsañ da endi ketpeydi. Meniñ swrağıma siırqwyımşaqtamay bir aq sözben jauap beriñizşi - osılay mañqamız ağıp qaşanğı jüre beremiz?

- Ärbir azamattıñ, qoğamnıñ sayasi belsendiligi artpasa, osılay jür beremiz!

Nwrtay 2017-12-20 11:42:24

Qazaq biligi Reseyden seskenedi deymiz. Seskense, äskeri äleuetinen be, älde "qazaq biliginiñ bar qılmısın BAQ-ta jariyalaydı"- dey me?

- Resey – bizben jeti jarım mıñ şaqırım ortaq şekarası bar körşi memleket. Reseyde jartı millionnan astam bizdiñ qandastar ömir sürip jatır. Qazaqstanda «orıs faktorı» tağı bar. Osınıñ bäri osı memleketpen qarım-qatınasımızğa öz äserin tigizip jatqan ras.

Biraq, oğan qosa sayasi kon'yunktura tağı bar. Mäselen, elbası bilik tranziti turalı oylap jatqanı sözsiz. Sol kezde bolaşaq mwragerdiñ sırtqı kepilderi kim boladı degen swraq tuındaydı. Sonıñ işinde Resey, dälirek aytsaq, onıñ basşılığı bar ekeni de tüsinikti. Bälkim, köptegen kompromister däl osığan baylanıstı şığar.

Biraq bir närse ayqın: bir mwragerdiñ qamın küytteymin dep jalpımemlekettik, tübegeyli müddelerdi tärk etip, Täuelsizdik pen wlttıq müddeni saudağa saluğa bolmaydı!

DUMAN MAKANŞİ 2017-12-20 11:45:28

Esenğali ağa, öte dwrıs aytasız! Əmirjan ağamız biliktegilerdiñ kez kelgenin diñkeletip tastaydı. Sondıqtan Əmirjan ağamız siyaqtı sanaulı wltşıldarımızdıñ tek qana birigui  ğana məsele şeşui mümkin. Basqa eşqanday jolın körip twrğanım joq. Əmirjan ağamız özi bastamaşı bolıp oppoziciyadağı wltşıldarımızdıñ basın qosıp biriguge şaqıruı kerek jəne sol birikken küşterden wtşıl partiya qwrıluı kerek! Əmirjan ağa bizge jaña qarqın kerek! Wltşıl partiya qwrılar bolsa, oğan müşe azamattardıñ wzın sanı eñ kemi jartı millionğa jetui tiis! Sol üşin alda qwrılatın partiyanıñ bağdarlamaları da halıq qızığıp müşe boluğa özderi wmtılatınday şaralardı iske asıruımız kerek degen oydamın.

- Oyıñızdı qwptaymın! Bizge, äsirese, wltşıl-demokratiyaşıl küşterge, birigu kerek! Alda kele jatqan elektoraldı nauqandar osı proceske katalizator boladı dep oylaymın!

Amantay 2017-12-20 11:56:38

Bügingi qazaq qoğamında şirek ğasırdan astam uaqıtta şeşim tappağan, kün tärtibinen keyinge şegerile beretin, özekti, keleli mäseleler şaş etekten. Til, dil, aqparattıq ekspanciya,auıldıñ jağdayı, söz bostandığınıñ joqtığı, jemqorlıq, ekonomikanıñ eksportqa täueldiligi, otandıq önimniñ joqtıñ qası boluı, wlttıq tälim-tärbieniñ osaldığı, ädildik, aqiqattıñ joqtığı, jağımpazdıq pen jaramsaqtıqtıñ etek aluı dep tizbektelip kete beredi. Osığan tek bilik ğana kinäli me? El ağaları, ziyalı qauım, ozıq oylı azamattar, demokratiyalıq küşter nege bir maqsatqa birigip tegeuirindi sayasi küşke aynala almay otır? "Bas-basına bi bolğan öñkey qiqım, mineki bwzğan joq pa eldiñ siqın" dep Abay bekerge nalımağandığın bilemiz. Abay zamanı men bizdiñ zamannıñ ayırmaşılığı jer men köktey emes pe? Alla eki ğasırdıñ toğısında mıñ ölip, mıñ tirilgen qazaqtıñ eline , jerine täuelsizdik äkeldi. Üş ğasırda äzer qol jetkizgen täuelsizdiktiñ qadirin bilmesek Allanıñ Qaharına wşırap jwrmeymiz be?

- Pikiriñizge tolıq qosılamın! Birigu kerek! Minez, qoldan kelse, qimıl-äreket tanıtu kerek!

Qazaqtar 2017-12-20 14:38:39

Ämirjan mırza, nege qazaq biligindegi käriler zeynette otırmaydı? 63 jasqa tolıp ketkender, jastar jäne basqa azamattar jwmıssız jürgende sol käriler pensiya men aylıq alıp otır. Olarğa ayamay qarajat bölinip jatır. Bwğan qaşan jäne kim tosqauıl bola aladı? Ekinşi swraq, mınau ne mazaq: bir orınnan ekinşi orınğa auısa beretin biliktegiler, osılardı auıstıruğa nemese jaramaysıñdar, qoldarıñnan tük kelgen joq dep qaşan halıq ayta aladı, sonday zaman bola ma, joq pa?

Üşinşi swraq: qazaq elinde kim qanşa aylıq alu kerek ekendigin kim şeşti? Sebebi bireuler 30,40,50 mıñğa qayırşınıñ künin körse, al keybireuler milliondap aladı, ne üşin, sonda biliktegiler soqır ma, bilikke halıq üşin kelgen bolğandar, osı jağdaydı bayağıda tüzetu kerek edi ğoy. Anau ministrler, deputattar, senatorlar, tağı basqa biliktegilerdiñ zarplatasın 40,50,60 mıñğa tüsiru üşin ne isteu kerek? Bäribir olardan qayır joq, halıq olardan jaqsılıq körip jatqan joq, halıq jäne olar – eki älemde ömir sürip jatırmız. Ämirjan mırza, eñ soñğı swraq osı biliktegilerdiñ sanın azaytıp, jalaqısı men jağdayların özgertip, sapalı da, sanalı qazaqtıñ azamattarın tartu üşin ne isteu kerek. Swraq öte köp, osılarğa jauap kütemiz, äzirşe.

- Birinşi swrağıñızğa jauabım qısqa bolmaq: ärkim öz qatarlasın izdeydi, soğan senim artadı. Sondıqtan da jaña, jas prezident kelse, jağday öz-özimen retteledi dep oylaymın. Al äzirşe elbası öziniñ köz körgenderine senedi. Al olar bolsa, bayağıda-aq zeynetker jasınan asıp ketken! Biraq, bayqaysız ba, qazirgi Ükimet müşeleri de, deputatar da jas adamdar. Qırıqqa kelmey-aq ministr bolıp jatqandar bar.

Al bir orınnan bir orınğa jıljıp jüre beretin şendilerge qatıstı oyıñızğa qosarım mınau: bizde kez kelgen şeneunik bir orınğa tağayındalğanda el aldına şığıp, öz bağdarlamasın jariya etetin dästürdi ornıqtıru kerek, keyin uaqıt kele, basqa orınğa auısqanda, sol uädelerin qalay orındadı degen swraqqa jauap beretin de salt pen şart boluı kerek! Äytpese, bwl qwbıjıq äri kesirli ädetten qwtıla almaymız!

Jalaqı kölemi turalı saualıñızdıñ mañızı zor. Öytkeni, öz elimizdegi jalaqınıñ älemdik standarttarğa säykestigi turalı qoğamdıq talqılau joq. Añqau elge aramza molda qağidasın wstanğan biliktiñ ol mäseleni tarqatıp aytuğa zauqı joq. Äytpese, «Arselor Mittaldıñ» jwmısşıları şetelde 5-6 mıñ dollar alatının bilse, bizdiñ qarağandılıq şahterlar basqaşa söyler edi ğoy.

Bizdiñ o bastan aytıp kele jatqan bir sayasi talabımız bar, ol – şeneunikter sanın kürt azaytu. Bizde byurokratiyalıq apparat tım wlğayıp, isinip ketken! Qoğamda demokratiya men ekonomikada narıq damığan sayın osı ekeuin rettep otıratın instituttar men klerkter de azayuı kerek! Sodan şeneunikterdi wstauğa arnalğan byudjet şığındarı kürt kemidi.

Arman 2017-12-20 14:52:22

Qwrmetti, Ämirjan mırza, soñğı kezde qazaq tiliniñ qoğamdağı belsendiligi bayqalıp jür. Bilik bwl ürdiske bayqamağan, män bermegen sıñay tanıtuda. Äsirese qoğamdıq orındar halıqqa qızmet körsetu orındarında qazaq tilinde jauap beru mäselesi tuındauda. Elimizdegi är türli mekemelerdiñ qazaq tilin ayaq astı etip elemeui täuelsiz elimizge sın boluda. Bwl osılay twra berse tüptiñ tübi kürdeli mäselege aynaluı mümkin be? Mäseleni qalay şeşuge boladı?

-Mwnıñ eki jolı bar.

Biri – memlekettik qızmette tek qana qazaq tilin biletinder ğana joğarılauı tiis. Ol şart basqalarğa stimul boladı.

Ekinşisi – memlekettik tildi manswq etken kez kelgen şeneunik jauapqa tartıluı tiis.

sqngiq 2017-12-20 15:12:56

Ämekeñ kak vsegda zajigaet

-Qoyıñızşı!

Swranşaq 2017-12-20 16:24:50

OSDP deytin, özderin oppoziciyamız dep jüretin, saylau boladı degende bir oyanıp, «äu» dep qoyıp artınan tağı wzaq wyqığa ketetin partiya bar siyaqtı edi. Sol partiya tiri me, habarıñız ba ma? Saylau merziminen bwrın ötetini milarıñızğa jattalıp qalğan şığar. Olay bolsa jın wrğanday ayaq astınan ötetin saylaularğa dayındıqtarıñız qalay?

- 2012 jılı meni, sol kezdegi JSDP partiyasınıñ törağasınıñ közi tiri birinşi orınbasarın, partiya s'ezine kirgizbey qoyğannan keyin men ol partiyanıñ jwmısına jauap bere almaymın. Ol swraqtı partiyanıñ qazirgi basşılarına qoyarsız.

Men sol JSDP partiyasın öz qolımen qwrğan eki adamnıñ birimin. Ol partiyadan şıqqan joqpın, öytkeni onıñ qatarında meniñ bes jıl ömirim jatır, qanşama dostarım men joldastarım bar. «Bitke ökpelep, tonımdı örtemeymin».

Onıñ üstine, qazir partiya siyaqtı qoğamdıq, konstituciyalıq instituttıñ mañızı artıp otır. Bwrın deputattar tek partiyalıq bolatın. Endi prezidenttikke ümitkerdi de tek qana partiya wsına aladı. Sondıqtan JSDP-nıñ layıqtı kandidat wsınuına men de at salısamın.

Jüsip Mwhammedşärip 2017-12-20 16:38:24

Qımbattı bauırım! Siz JSDP-nıñ, Twyaqbaevtıñ qasında jürip, nasihattap, halıqqa tanıstırıp jürgende ılği aytatın bir erekşe söziñiz: - Biz Sizderdiñ bir tilik nandarıñızdıñ üstine bir şökim sarı may jağıp bersek degen söziñiz äli esimde. Sizdiñ aytqan jalındı sözderiñizdi de, nağız wlt azamatına tän nar twlğañızdı da qazaq eş uaqıtta wmıtpaydı.Tömendegi öleñimde 16 jeltoqsan täuelsizdik küni me, älde qaralı kün be dep oy tastap otırmın. Sizdiñ oyıñız qanday? Jäne bwl kündi Täuelsizdik küni dep bekitken kimderdiñ kinäsi? Meniñ wsınısım Qayrat batırdıñ tuğan künin Täuelsizdik küni dep belgilesek qalay boladı eken?!!.

Täuelsizdik küni jıl sayın ötedi, mwñmenen.

Mına köriniske köz salsañız bir sätke, körgen kezde şıday almaysız bir sätte. Jeltoqsannıñ ızğarlı – boran kezinde, Tausılğan edi sabır men şıdam, tözimde. Alañğa şıqtı qazaqtıñ örimdey jastarı, Opasız bilik jendettiñ mindetin atqardı. Kreml'diñ bergen jarlıqtarın orındap, Qorşauğa alıp, äskermen jür toruıldap. Aqırında wrıp – soğıp, şetinen qudalap, Mwzday su şaştı, soyıldarımen wrmalap. Äsker kürekterimen qaq ayırıp bastarın, Süyreledi, jwlmaladı qızdıñ şaştarın. Jala jauıp, Qayrat Erdi türmege qamattı, Semey türmesinde tüngi uaqıtta darğa astı. Jeltoqsanda jüzden asa wl – qız qırıldı, Jeltoqsanda mıñdağan tağdır da bwzıldı. On altınşı jeltoqsan täuelsizdik küni me, On altınşı jeltoqsan azalı jwrt küni me. Jiırma altı jılda halıqta bwnı tüsindi, Qandı qırğın basıp twr halqım mısıñdı. Täuelsizdik küni jıl sayın ötedi mwñmenen, Qalayşa elim qarsı alamız bwnı jırmenen.

- Öleñiñizge rahmet. Jürekten şıqqan eken.

Qayrat Rısqwlbekovtıñ ornı bölek. Ol nağız batır.

Al Täuelsizdik künine kelsek, tarihi ädilettik ornau üşin ol kündi Qazaqstan resmi türde egemendik jariyalağan 25 qazanğa auıstırıp, Jeltoqsan men Jañaözenge qatısı bar 16-17 jeltoqsan künderin Aza twtu künderi dep jariyalaudı wsınanmın. Sol dwrıs bolar edi.

Altay 2017-12-20 17:59:16

1.Imangali Tasmagambetovtın sayasi bolaşagı jaylı kanday pikiriniz bar? Onı elşi gıp elden alıstatudın artında ne oy bar?

2.DVK-ga, jane onın basşısı Ablyazovka kozkarasınız kalay? Onımen birigip jumıs istey alasız ba, alde reputaciyası kumandi adamnan alısırak bolgandı kalaysız ba?

3.Euraziyalık odakka kozkarasınız kanday, Kazakstan uşin paydası kop pe alde ziyanı kop pe? 4. Biz "Russkiy Mirdın" işine kiremiz be, kirsek odan şıguga tırısuımız kajet pe?

4.Sizdin işki dunienizge kay orkeniettin (kazaktan baska) filosofiyası, omirge kozkarası, sayasi ustamı jakınırak, Evropa, Rossiya, Kıtay tb. 6. Songı surak, olen jazatın oneriniz bar edi, songı kezde jazgan olenderiniz bar ma, bolsa kaydan tauıp okuga boladı?

 

-Imanğali Tasmağambetovpen kezinde birge jwmıs istegenmin, ol ministr kezinde onıñ orınbasarı bolğanmın. Sözsiz, ol bar jağınan tolısıp twrğan twlğa. Biraq qazirgi qalıptasqan jüye oğan qaramaydı. Meniñşe, bilik basındağı bedeldi bir toptar onı aldağı tranzit kezeñi aldında oyınnan şığarıp, elşilik sekildi «sayasi ssılkağa» attandırıp jiberdi. Onıñ sayasi bolaşağı prezidenttiñ şeşimine ğana baylanıstı.

DVK men Äblyazov turalı joğarıda jauap berdim. Qaytalay bermeyin, äytpese, tağı da keybireuler «Aqordanıñ tapsırmasın orındap jatır» dep ayıp tağıp jürer. Jığılğanğa jwdrıq bolğım kelmeydi. Siz aytıp otırğan «onımen birigip isteu» turalı aytarım mınau: Äblyazov özine sotta tağılğan ayıptar boyınşa ärbir bap boyınşa jauap berip, özin aqtap aluı tiis, äytpese, onday adammen äriptes bolğan ıñğaysızdau bolar. Jäne de «nağız oppozicioner men ğanamın!» dep, el işinde jürgen oppoziciya ökilderine til tigizgenin doğaruı tiis.

Kezinde Euraziyalıq odaqqa qarsı respublikalıq referendum ötkizu jönindegi toptıñ müşesi boldım, tiisti jiın ötkizdik. Meniñ wstanımım mınaday: barlıq elmen, sonıñ işinde Reseymen, tatu-tätti ömir süruimiz kerek, biraq mınaday almağayıp, geosayasi jağınan öliara kezeñde eşbir sayasi odaqqa kirudiñ qajeti joq. Onıñ üstine özimizden fizikalıq jağınan 10 esedey ülken Reseymen bir wyımda terezesi teñ müşe bolu – tipti mümkin emes şarua.

«Russkiy mir» men qazaq älemi – eki bölek dünie. Öz älemimizdi damıtayıq. Al «Russkiy mir» ideyası Reseydiñ qazirgi basşılığınıñ neoimperiyalıq sayasatınıñ bir körinisi. Odan abay boluı kerek.

Men älem örkenietin bir adamday zerttegen qazaqpın. Qarap otırsam, barşa wlttıñ jaqsılığı da, kemşiligi de – ortaq, birdey. Sondıqtan da ärqaysısınan üyrenip jürmin.

Öleñ jazamın. Biraq meniñ öleñderim aşılau, BAQ köp basa bermeydi. Jaqında bir kitaptı baspağa bermekpin (jalqaulıq basıp, bitire almay jatırmın). Sol kitapta tañdamalı öleñderim jariyalanadı. Äytpese, jırlarımdı FACEBOOK jäne YOUTUBE-tegi meniñ paraqşalarımnan taba alasız.

Jetisu Qazağı 2017-12-20 21:38:33

Ämirjan ağa, elimizdiñ erteñinen ümit bar ma?! Qanşama bilimdi jastarımız şetelde jür, özim sonıñ bireuimin, ärine öz elimizde jwmıs jasağımız keledi, biraq bizge mümkindik bermeydi, jalğan ğılım, jalğan ataqwwmarlar bükil salada jür, nağız azamatın bağalaytın qoğam qaşan qwrıladı?

- Kez kelgen memlekettiñ damu logikası men zañdılıqtarı boladı. Sonıñ işinde, avtoritarlıq, bir adamğa ğana telinip qalğan elderdiñ barar jeri bir, ol – demokratiyalıq jüye. Biz de soğan kelemiz. Sol kezde Siz aytıp otırğan barlıq problema şeşile bastaydı.

Men ğoy 2017-12-20 22:17:49

Qıtay Halıq Respublikası qıtay wltınıñ köptigin, ekonomikalıq ösiminen tüsken qıruar qarjısın, quattı äskeri jäne arnayı küştik qwrılımdarın paydalanıp salıstırmalı türde az sandı wlttardı, onıñ işinde ata-babasınıñ jeri tolıqtay basqınşılıqqa wşırağan bwrınğı Şığıs Türkistannıñ 2 million qazağın küştep qıtaylandırudı, mwsılman dininen bezdirudi (nemese dinderin ateist qıtaylar qalağanday bwrmalap wstatudı) mıqtap qolğa alıp jatır. Qıtaydıñ ateistik jäne qıtaylandıru sayasatın jaqtamağandarı, dinderinen bezbegenderdi qwrtıp jiberude, al qıtay ozbırlığın jaqtağandar men oğan kömektesken satqındardı barınşa qoldauda. Al qazınanıñ qarjısı azayıp bara jatsa, şauıp barıp milliardtap qarız alıp qaytatın, halıqtıñ jwmıssızdığı artıp bara jatsa, wlttıq qauipsizdigimizge qaramay investiciya tartıp qaytatın, qoldarınan bardı satudan basqa tük kelmeytin biliktiñ keybir ökilderi (CİM-niñ ökili) "Qıtaydıñ işki isine aralasuğa qwqığım joq" dep öz älsizdikterin jartılay moyındap otır. 2 million adamnıñ tağdırı twrğan osı kürdeli mäseleni halıqaralıq deñgeyge jetkizu arqılı Qıtay ozbırlığın toqtatuğa oppoziciya ökilderi nege jwmıstanbaydı?

- Qıtaydağı qandastarımızdıñ auır jağdayına däl diagnoz berip otırsız! Tolıq kelisemin.

Joğarıda ayttım, qaytalayın: qoğamnıñ üni bilikke jetip qana qoymay, oğan ıqpal ete alatınday boluı üşin bizge, wltşıl-demokratiyaşıl küşterge, resmi türde tirkelgen mıqtı wyım kerek. Sonı qolğa almasaq, jayaudıñ şañı, jalğızdıñ üni şığa qoymas! Sonday wyımğa bir müşe boluğa men dayınmın!

Maqswt 2017-12-20 22:29:19

Ämirjan ağa!  Bilimiñiz ben biligiñizdi, qoğamdıq sayasi ömirdegi täjiribeñizdi paydalanuğa mümkindigiñizdi ne kedergi??? "Jas Alaştan" qarsı jaqqa qaray sadaq atıp jürgeniñizdi bilemiz, Nısananı bizge qarağanda anıq köretin adamğa atudı jön körmeysiz be?

- Äñgimeñizdiñ astarın dwrıs tüsinsem, «nısananı adresteu kerek» siyaqtı.

Onda aytayın.

Iä, men öz maqalamdarda köbine «bilik» degen sözdi qoldanamın.

Sizge kerek bolsa, «Nazarbaev» dep tağı da aytayın. Osıdan biraz uaqıt bwrın «Jas Alaş» gazetine «Patriarhtıñ küzi» degen auqımdı maqala jazğanmın. Onda prezidenttiñ osı jıldardağı qızmetine bağa berip, onıñ jetistikteri men kemşilikteri turalı aşıq jazğanmın. Mümkin bolsa, sonı oqıp alıñız.

Söz joq, 26 jıl boyına eldi basqarıp kele jatqan ol eldegi barlıq närsege – jaqsılığına da, jamandığına da – jauap beredi. Mäsele basqada. Ol kisi 77-de. Erteñ ornına kim keledi jäne de ol qanday Konstituciya men zañdar negizinde eldi basqaradı? Sonıñ bärin osı bastan anıqtap almaymız ba? Men sol turalı köp oylanamın!

Beytanıs 2017-12-20 22:58:03

Elimizdiñ ekonomikalıq quatı qanday?

- Resmi statistikağa senim az. Al täuelsiz saraptama bizde köbinese jürgizile bermeydi. Kez kelgen eldiñ ekonomikalıq jağdayınıñ naqtı deñgeyin körsetetin kriteriy – işki jiıntıq önimniñ (İJÖ) ösui ne öspeui.

2015 jılı onıñ kölemi 184,4 milliard dollar bolsa, 2016 jılı ol 137, 3 milliard dollarğa deyin tömendegen. Bwdan artıq qanday bağa kerek?!

Tabiği şikizat qaytıp qalpına kelmeydi 2017-12-21 00:40:33

Memleket basındağı qazına tonauşı jemqorlar men solardıñ tuıstarına, sıbaylas oligarhtarına qazaqtıñ qazba baylıqtarın tonau arqılı qanşalıqtı "ilgerileu" jürip jatsa, qazaq jeriniñ tabiği baylığı sonşalıqtı jwtau arqılı keleşek wrpaqtıñ jalpı nesibesi sonşalıqtı kemip qaluda.

- Bwl swraq emes eken. Kelisemin!

Qırğızbaev 2017-12-21 00:44:31

Qırğızstannıñ eks-prezidentiniñ jeke twlğalıq qasieti men onıñ bizdiñ prezident jaylı aytqan äygili mälimdemesi turalı ne aytasız? Dwrıs ayttı ma, negizsiz jala japtı ma?

- Ol turalı arnayı maqala da jazğanmın. «Dat» gazetine. Sodan oqıp aluıñızğa boladı.

Eki el arasındağı jağdaydıñ uşığıp ketuine, eñ aldımen, Qazaqstan jağı kinäli dep sanaymın. Öytkeni, elbası körşi eldegi saylau aldında prezidenttikten ümitker bir adammen ğana emes, barlıq kandidattarmen kezdesui kerek edi! Sonda qırğız tarapınan «qazaqtar bwra tartıp jatır, işki isimizge aralasıp jatır» degen ayıp ta tağılmas edi!

Öz basım Atambaevtıñ atışulı, skandaldı sözderin ekige bölemin.

Alğaşqı sözinde ol şınımen de Qazaqstanda orın alıp otırğan tübegeyli kemşilikter turalı ayttı – biliktiñ auıspauı, jemqorlıq jäne tt.

Biraq, meniñşe, ol diplomatiyalıq protokoldı bwzdı. Öytkeni kelesi bir sözderinde tereñ tarihqa ketken bolıp, özine jaraspaytın sözder ayta bastadı. Söytip, Qırğız memleketiniñ basşısı retinde qazaq aldında abıroyın tögip aldı. Ärine, sol twsta onıñ öz müddesi boldı: yağni özi qoldap otırğan adamnıñ qarsılasın qırğız elektoratı aldında tömendetu degendey.

 Askar mamen 2017-12-21 12:46:57

Amirjan aga, sizge koiar sayalim jok. Allam sizge densaulik pen sabir, basinizga amndik bersin !!! sizben biz kutken jaksi kunge birge jeteik !!!

- Rahmet!

(Jalğası bar)

Redakciyadan: Internet-konferenciyağa saual joldau ayaqtaldı. Endi tek spiker Ämirjan mırzanıñ bergen jauaptarına qatıstı öz oy-pikirleriñizdi bildiruleriñizge boladı.  

Abai.kz

5 pikir