Senbi, 18 Tamız 2018
«Soqır» Femida 2571 26 pikir 10 Qañtar, 2018 sağat 09:16

Qazaqtar Qazaqstanda diaspora bolsa, mına el men jerdiñ iesi kim?

"Qazaqtar Qazaqstanda diaspora ma?" degen aşıq hatımdı bwdan bir jarım jıl bwrın, yağni 2016 jıldıñ tamız ayında jariyalağanmın. Kezinde elimizdiñ köptegen BAQ-tarında jariyalandı. Biraq, Qazaqstannıñ orıs tildi biligi tarapınan eşqanday qozğalıs bolğan joq. Qazaqstan Respublikası Konstituciyasında körsetilgen meniñ zañdı qwqığım eskerilmey Aşıq Hatıma jauap ta berilmedi. Sol hattıñ mätini mınau:

QAZAQTAR QAZAQSTANDA DIASPORA MA?

«Qazaqstan Respublikasındağı til turalı 1997 j. 11 şildedegi № 151-I Qazaqstan Respublikasınıñ Zañınan 2008.21.11» üzindi:

1-bap. Negizgi wğımdar
Osı Zañda mınaday wğımdar paydalanıladı:
diaspora - öziniñ tarihi şığu teginen tısqarı elde twrıp jatqan halıqtıñ bir böligi (etnikalıq qauımdastıq);

4-bap. Qazaqstan Respublikasınıñ memlekettik tili
Qazaqstan Respublikasınıñ memlekettik tili - qazaq tili.
Memlekettik til - memlekettiñ bükil aumağında qoğamdıq qatınastardıñ barlıq salasında qoldanılatın memlekettik basqaru, zañ şığaru, sot isin jürgizu jäne is qağazdarın jürgizu tili.

Qazaqstan halqın toptastırudıñ asa mañızdı faktorı bolıp tabılatın memlekettik tildi meñgeru - Qazaqstan Respublikasınıñ ärbir azamatınıñ parızı.

Ükimet, özge de memlekettik, jergilikti ökildi jäne atqaruşı organdar: Qazaqstan Respublikasında memlekettik tildi barınşa damıtuğa, onıñ halıqaralıq bedelin nığaytuğa;

Qazaqstan Respublikasınıñ barşa azamattarınıñ memlekettik tildi erkin jäne tegin meñgeruine qajetti barlıq wyımdastıruşılıq, materialdıq-tehnikalıq jağdaylardı jasauğa;

qazaq diasporasına ana tilin saqtauı jäne damıtuı üşin kömek körsetuge mindetti

(Zañ mätini «Ädilet zañ» gazetinen (http://adilet.zan.kz/kaz/docs/Z970000151_) alındı).

Mına zañda körsetilgendey, qazaqtar Qazaqstanda diaspora bolsa, mına el men jerdiñ iesi kim? Osılayşa Atameken tuğan jerimizge ie bola almay diaspora atanıp jüre beremiz be? Mwnıñ artı nege aparıp soğadı. Älde Qazaqstannıñ jerin şetelge satıp jiberip, şınımen diasporağa aynalıp kettik pe?

Mwhambetkärim Qojırbaywlı, Mañğıstau

Abai.kz

26 pikir